2 aKorinto 10:4 - Emakhuwa Bible

⁴ Wa ikapwitthi hiyo ningwananaahu, khasihiyono sa omutthu, ohiyanawaya, siri sa ikuru mwa Muluku weera siphwate mmapuroni oolipaxa a amwiittana.

2 aKorinto 10:4 Iomraidhean Croise

Icipo 110:2

Yave onimookolela ekopowaanyu ya emwene okhuma oSiyoni; nyuwo munoolamula eriyari ya amwiittanaanyu.

Yesaya 30:25

Mmanyaakoni ni mmareyareyani oorakamela ootheene eniyeereiyeke ereenemo maahi, munihukuni nno na noomala, saapittuwaka itoore*.

Yeremiya 1:10

Moone, olelo kohoovahani ikuru wa miloko ni omwene weera mwaakhe, mphwate, muhele nthala ni mukankhanyule, nitho weera muteke ni mphatteye.”

Yeremiya 23:29

“Maswaaka ari ntoko mooro,” onghima Yave, “ni ntoko enyutto enimpwexa mwala.

Miteko 7:22

Moisesi aaxuttihiwa ni miruku sootheene sa atthu a wExipitu, ni aari oowera mmasuni ni mmitekonimwawe.

aRooma 13:12

Ohiyu ohanle vakhaani omala, othana woonikhuveela. Tivawo, nihiye miteko sa mpiphini, ni niiwariheke ikuwo soowiixaakiha sa waara.

aRooma 6:13

Muhiveleele mipatta sa irutthusanyu wa yoottheka ntoko mipatta sa soonanara. Ohiyanawaya, mwiivaherere wa Muluku, ntoko atthu aruuhiwe wa okhwa mpaka okumi. Mveleele mipatta sa irutthusanyu wa Yoowo, ntoko mipatta sa ekhaikhai.

1 aKorinto 2:5

weera nroromelonanyu nihikhalihiwe mmirukuni sa atthu, mene mukuruni sa Muluku.

1 aKorinto 9:7

Taani ori nakhotto iilivaka mwaneenaawe? Taani omphatteiya ematta ya iwuuva* ni ohinca soowiimasaya? Taani onciha muhuwo ni ohingwura mukakaaya?

2 aKorinto 10:8

Vano, hata miyo kiivuwihaka vakhaani niwoko na ikuru Apwiya anivanghaaya weera noopuhiheni ohikhanle woophwatani, nkirwa kuulihiwa muru.

2 aKorinto 13:10

Tivawo kinlepaaka itthu iya kihikhanlewo weera, miyo kaarwaaka, khoontthuneya woohiihani, kivarelaka muteko ikuru Apwiya akivanghaaya. Aakivaha ikuru iya weera koopuhiheni, ohikhanle woophwatani.

2 aKorinto 3:5

Eyo kheenoonihera weera hiyo ningwera opaka etthu ni owerawahu asineenaahu, ohiyanawaya, owerawahu onrweela wa Muluku.

2 aKorinto 4:7

Nookhalanotho muhakhu owo nnyaapuni sa oloko, weera woonihere weera ikuru soopwahaxa sinrweela wa Muluku, khasihiyono wa hiyo.

2 aKorinto 6:7

mmasuni a ekhaikhai, mukuruni sa Muluku, ni ikapwitthi sa ekhaikhai sikhaleke sa owana, naari wiixaakiha,

1 aTesalonika 5:8

Wa soothesene, hiyo nri a othana nikhale oohula maitho, niwaraka eyuuma ya vakakasani ya nroromelo ni osivela, ni ekapasete ya oweherera ovuluxiwa.

1 Timootheyo 1:18

Timootheyo mwanaka, kinoovaha nlamulo nna nintthara masu oyeeheriwaawo weyo weera ottharaka, owane owana wooreera,

2 Timootheyo 2:3

Ovilele vamoha ni miyo soohaawa ntoko nakhotto ooreera a Kristu Yeesu.

aHeberi 11:30

Munroromeloni ixiri sa oYeriko saapittuwa vahoolo woorukureeriwa ni muloko mahuku mathannameeli.

Yoxuwa 6:20

Erumakaru mapalapatta, muloko waakhuwela. Exiri yaamora niwoko na oruma wa mapalapatta ni okhuwelaxiwa. Hiiho aYixrayeli yaavolowa, khula mutthu nipuro aaraawe, enakuxa esidade.