2 aKorinto 10:14 - Emakhuwa Bible

¹⁴ Khanintupha mwiinaano wa ovuwawahu, ntoko weeraaya okhaleke hiyo nahoophiyenreni mpaka nyuwo, niwoko vekhaikhai nohoophiyerani nyuwo ni masu ooreeraxa.

2 aKorinto 10:14 Iomraidhean Croise

Marku 1:1

Epacerero ya masu ooreeraxa mwaha wa Yeesu Kristu, Mwaana a Muluku, yaari ha:

Miteko 20:24

Wa soothesene, nkimpwatthela, naari nkinoonelamo okumaaka etthu yoottittimeheyaxa wa miyo mwaneenaaka. Yoohaawelaaka emoharu eri omaliha otthimakawaka ni okwanihera muteko kaakhenlaaka wa Apwiya Yeesu, eyo tiiyo okhalela onamoona sa masu ooreeraxa a mahala a Muluku.

aRooma 1:16

Nkinuulihiwa muru niwoko na masu ooreeraxa, niwoko ti ikuru sa Muluku singwera waavuluxa ootheene anroromela, woopacera aYuda ni wanaaveeli aGrego.

aRooma 16:25

Ti Muluku ongwera wookhalihani nyuwo munroromeloni niwoko na maswaaka ooreeraxa ni olaleiyawaka wa Yeesu Kristu. Vano, olaleiya wu ti mwaha wa othupulula wa ntikhinelo naavithiwe khalayi.

aRooma 2:16

Eyo eniikhumelele vanihukuni Muluku aneeraawe athorihe ixiiri sa atthu mwa Yeesu Kristu, ntoko anthalihaaya masu ooreeraxa miyo kinlaleiyaaka.

1 aKorinto 2:10

Muluku oonithupululela yeeyo niwoko na Munepa Wootteela. Munepa Wootteela omphima itthu sootheene mpaka itthu soowiixeraxa sa Muluku.

1 aKorinto 3:10

Mwa mahala a Muluku okivanghaawe, miyo kaapaka mathipelo ntoko namateka oosuwela, ni mukina onteka vasulu wa yaawo, mene khula mutthu awehexexeke nnenesene matekelo oneeraawe.

1 aKorinto 4:15

Mwaari mweeraru mukhalanneene ahusiha macira macireene muloko mwa Kristu, khamunonotho asitiithi ancipale, niwoko miyo kooyanreni mwa Yeesu Kristu ni masu ooreeraxa.

2 aKorinto 2:12

Miyo kiphiyakaru oTrowada weera kilaleiyewo masu ooreeraxa a Kristu, ni koonaka weera Apwiya yaakihulela mulako,

2 aKorinto 4:4

Muluku a ehuhu ela ohuumiha sowiiwexexa sa atthu oohiroromela, weera ehoone waara wa masu ooreeraxa a ovuwa wa Kristu, mwa Yoowo ori mukhalelo wa Muluku.

aKolosi 1:5

niwoko na oweherera onoowehererani wiirimu. Nyuwo woopacera mohiiwa sa oweherera wu mwaha wa masu a ekhaikhai, masu ooreeraxa

1 Timootheyo 1:11

Nihusiho nna ninxuttiha sa masu ooreeraxa oovuwa a Muluku ooreelihiwa, mwa yaawo Owo okivaherenraawe.