2 aKorinto 1:17 - Emakhuwa Bible

¹⁷ Vano, kaavaanenlaaka yeeyo, weeraka miyo kipanke yeeyo ntoko namaceendyaceendya? Hoye hoye weeraka soovaanelasaka kimpaka ntoko mikhalelo sa amalapo, keeraka “aani” ni “hoye” ehuhu emoha yeeyo?

2 aKorinto 1:17 Iomraidhean Croise

Yeremiya 23:32

Vekhaikhai nkiniiwananano yaawo anthalihera sooloha soowootha,” oneera Yave. “Awo anghima ni anghapuxa mulokwaaka ni soowoothasaya soohimuteko. Miyo nkaaruminghe naari nkaalamulenle. Awosa khaanruuhelaru mureerelo muloko ola,” oneera Yave.

Zefaniya 3:4

Maprofeetaaya ti oohikhalano miruku, ti asilopwana oovariha. Asaserdotaaya anghiiriha Nipuro Nootteela*, epuheraka Nlamulo.

Matheyo 1:19

Yoseefe, aiyawe Mariya, aari mulopwana oororomeleya. Khaatthunne omuulihiha muru Mariya mwaatthuni. Tivawo uupuwenlaawe omuhiya Mariya muxiirini.

Matheyo 5:37

Mweera: “aani,” okhaleke “aani” ni mweera: “hoye,” okhaleke “hoye.” Sootheene simvira mwa yeeyo, siri sa mutakhali.

Yohaane 8:15

Nyuwo munthoriha ni mukhalelo wa omutthu. Miyo khaawo kinimuthorihaaka.

2 aKorinto 1:12

Vano, ovuwawahu ti wu: Mirimasahu sinkhalela onamoona weera hiyo nanneetta mweelaponimu, vancipalexa variyariwanyu, moota wa murima woowookowa, mwa ekhaikhai enrweela wa Muluku, mwa mahala a Muluku, ni khanneetta mwa miruku sa elapo ya vathi.

2 aKorinto 11:18

Woonaka weera ancipale aniivuwiha moota wa omutthu, miyotho nkiivuwihe.

aGalata 1:16

akoonihere Mwanawe mwa miyo weera kaalaleere Yeesu amalapo, miyo nkaavekenle olaka wa mutthu.

aGalata 2:2

Miyo kaarowa niwoko na othupululeliwa, ni kaahaaleela vamaithoniwaya masu ooreeraxa kinaalaleeraaka amalapo. Kaapaka yeeyo wa asitokweene meekhaayaru weera kisuwele miyo kihitthimake, naari kinootthimaka siiyo.

1 aTesalonika 2:18

Naatthuna wooxekurani – miyo Pawulo muneenaaka, kheehiyono emaara emoha paahi, mene emaara ti emaara kaaheerera; wa soothesene, Satana aanooceeliha.

Yakobe 5:12

Vano, axunna, muhilipele, hata ni wiirimu, hata ni vathi, naari ni yakhalaru etthu ekina. Mweera: “aani,” ekhaleke “aani” ni mweera: “hoye,” ekhaleke “hoye,” weera muhithorihiwe.

Ahooleli 9:4

Awosa yaamvaha ixekeli* miloko mithannamiili sa eparatha* saakhumihiwe empa ya Bahali-Beriti. Abimeleki aavarela muteko ixekeli* iye wa owiiwananano oohikhalano muteko ni attiyamaaru, mwa yaawo yaathatungwe anamattharaawe.