1 Yohaane 5:6 - Emakhuwa Bible

⁶ Yeesu Kristu ti Yoole orwiiye, aviraka mmaahini ni mphomeni. Khoohiyono paahi mmaahini, mene mmaahini ni mphomeni. Ni Munepa ti Yoowo onkhalela onamoona, niwoko Munepa ti ekhaikhai.

1 Yohaane 5:6 Iomraidhean Croise

Ezekiyeli 36:25

Kinimoomiserani maahi ooreera ni munootteela; Miyo kinimoocapani ohitteelawanyu wootheene ni wa milukusanyu sikina sootheene.

Levitiku 17:11

Vano okumi wa soopattuxiwa sootheene sineetta ori mphomeni, ni Miyo kohoovahani weera murehererele wiiwanana ni Yave valtaarini*; ti ephome enrehererela okumi wiiwanana ni Yave.

Zakariya 9:11

Mwaha wa nyuwo – niwoko na ephome ya wiiraanawaka ni nyuwo – kinoowoopola anamatthukiwaanyu muhimeni moohikhala maahi.

Matheyo 26:28

Ela ti ephomaaka ya wiiraanyiha, enriheya mwaha wa atthu ancipale weera eleveleliwe soottheka.

Matheyo 3:16

Apatisiwakaru, Yeesu aakhuma mmaahini. Wa ehuhuweene yeele, wiirimu waahuleiya ni aahoona Munepa wa Muluku omukhuruwelaka Yoowo ntoko ekhunda.

Marku 14:24

Ni aaweerela: “Ela ti ephomaaka ya wiiraana eyeeheriwe, mwaha wa ancipale.

Luuka 22:20

Mooteene yoowo, emalihaka oca, aakuxa ekoomixi eeraka: “Ekoomixi ela ti wiiraana onyowani mwa ephomaaka, evuuvihiwe wa nyuwo.

Yohaane 14:17

eyo tiiyo Munepa wa ekhaikhai. Amalapo khaangwera waakhela niwoko khaanoona, hata khaansuwela. Vaheera nyuwo moosuwela, niwoko Owo onkhala ni nyuwo ni onuukhale mwa nyuwo.

Yohaane 14:6

Yeesu aamwaakhula: “Miyo ti Ephiro, Ekhaikhai ni Okumi. Khaawo ongwa wa Atiithi, ohikhanle aviraka mwa Miyo.

Yohaane 15:26

Namalaka awa, mwa Yoowo kineeraaka koorumiheleni wa Atiithi, Munepa wa ekhaikhai onrweela wa Atiithi, Owo onuukikhalele onamoona Miyo.

Yohaane 16:13

Vano, waarwaaka Munepa wa ekhaikhai, Owo onuuweettiheni mweekhaikhaiyini yootheene. Khoorwa wuuluma yawayaru, oniwuulume paahi yeeyo oneeraaya wiiwe ni oniwoolaleereni seiyo sineera sirwe.

Yohaane 3:5

Yeesu aamwaakhula: “Kinooleelani ekhaikhai: khaawo ongwera ovolowa moomweneni wa Muluku owo ahiyariwe wa maahi ni wa Munepa.

Yohaane 4:10

Yeesu aamwaakhula: “Nyuwo mwaasuwenle yamahala ya Muluku ni taani onoovekelani maahi, mwaamumvekela maahi ni Owo aamoovahani maahi a okumi.”

Yohaane 4:14

Vaheera yoole ongwura maahi Miyo kinimvahaaka, kharwaru avoliwa ntthona. Ohiyanawaya, maahi kineeraaka kimvahe, eniithatuwe naattuuttu akhumiheraka maahi a okumi woohimala.”

Yohaane 6:55

Vano, erutthwaaka ti yooca ya ekhaikhai ni ephomaaka ti yoowura ya ekhaikhai.

Miteko 8:36

Yeettaka mphironi, yaaphiya vanipuroni yaaraayawo maahi. Enoko* aamweerela: “Moone, va aakhala maahi. Enkooceeliha eheeni weera kipatisiwe?”

aRooma 3:25

Muluku oomwiiyaathi Yoowo ntoko yoowiiveleela weera awere wiiraaniha ni ephomaawe niwoko na nroromelo. Owo aapaka yeeyo weera oonihere ororomeleyawawe, niwoko moovilelanimwawe aahiya soohittaruxiwa soottheka saapakiwe khalayi.

awEfeso 1:7

Mwa Yoowo nookhalano ovuluxiwa niwoko na ephomaawe, nitho elevelelo ya sootthekasahu. Ti hiiho mihakhu sa mahala a Muluku,

aKolosi 1:4

niwoko nohiiwa suulummwaka sa nroromelonanyu murinaanyu mwa Kristu Yeesu, ni sa waasivelawanyu ootteela ootheene,

1 Timootheyo 3:16

Woohihovela weera ntikhinelo na ediinaahu ti ntokotoko: Yeesu ooniheriwe mweerutthuni, aakhuleliwe ni Muluku mMunepani, ooniwe ni andyelo, olaleiwe mmilokoni, ororomeliwe mweelaponi, ni aakheleliwe moovuwani.

Titu 3:5

Owo oonivuluxa ni otteelihiwa wa oyariwa wanaaveeli, ni orehereriwa wa Munepa Wootteela, ohikhanle niwoko na miteko sa ekhaikhai naapankaahu, mene niwoko na ikhararisawe.

aHeberi 10:29

Munuupuwela hai? Ottaruxiwa heeni wootepaxa omphwanela yoole omunyikanlaawe ni inaawo Mwaana a Muluku, yoole oveihale ephome ya wiiraana emutteelihale ni ooruwana Munepa wa mahala?

aHeberi 12:24

wa Yeesu, Namawera a wiiraana onyowani ni wa ephome emisiwe, mwa yeeyo enuuluma yooreeraxa opwaha ya Abeli.

aHeberi 13:20

Ti ohaawelawaka weera Muluku a murettele omvenyererihale Yeesu Apwiyaahu, Mukukhuli mutokweene a ikhondoolo, mwa Yoowo owenre ni ephomaawe wiiraanyiha woohimala,

aHeberi 9:14

woopwahaxa ephome ya Kristu, mwa Yoowo iivaherenre ni Munepa woohimala ntoko Yoovaha yookwanela wa Muluku, eniitteelihe mirimasahu sa miteko sa okhwa weera nimurumeele Muluku mukumi.

aHeberi 9:7

Wa soothesene, mutokweenexa a asaserdoti* paahi aavolowa ekwartu yanaaveeli emaara emoha paahi vayaakhani. Khaavolowa woohikhala ephome, mwa yeeyo owo aaveleelela sootthekasawe ni wa soottheka muloko waapakaaya niwoko na ohisuwelawaya.

1 Pedru 1:2

mwa yaawo Muluku Atiithi aathanlale mootthunanimwawe woohimala, avarelaka muteko Munepa Wootteela ontteeliha, weera emwiiwelele Yeesu Kristu ni emisiwe ni ephomaawe. Mahala ni murettele muvahiwe woowaatta.

1 Pedru 3:21

ni awo ti ethoonyero ya opatiso mwa weiwo vano onoovuluxani nyuwotho. Ovuluxiwa iwo khoohiyono ni ovenxiwa wa nikhurumela na mweerutthuni, mene ni omvekela Muluku murima wooreera niwoko na ovenyerera wa Yeesu Kristu,

1 Yohaane 1:7

Hiyo vano neetta ngwaarani ntoko Muluku oraawe ngwaarani, ninkhalano wiiwanana mukina ni mukhwaawe, ni ephome ya Yeesu Mwanawe, ennitteeliha wa soottheka sootheene.

1 Yohaane 4:10

Mwa yeeyo wookhala osivela: khoohiyono weera hiyo noomusivela Muluku, mene weera Owo oonisivela ni aamurumiha Mwanawe ntoko woopola wa sootthekasahu.

Ethupululo 1:5

ni wa Yeesu Kristu ori Namoona oororomeleya, Ntthaara mwa anamakhwa, Namalamula a mamwene a elapo yootheene. Wa Yoole onnisivela ni onivulunxe wa sootthekasahu niwoko na ephomaawe, ni

Ethupululo 5:9

ni awo yaahiipa ecipo enyowani: “Moophwanela waakhela elivuru ni ohula iwalelosaya*, niwoko mohiiviwa ni moomuthumela Muluku atthu a epuumba, nuulumo, muloko ni elapo yootheene.

Ethupululo 7:14

Miyo kaamwaakhula: “Apwiya nyuwo moosuwela.” Mutokweene ole eenre: “Awo ari yaawo avinre moosoondiwani otokotoko ni yaakattha mikaandyosaya ni yaatteeliha iyo mwa ephome ya Eputtiputthi.