1 Yohaane 5:20 - Emakhuwa Bible

²⁰ Noosuwelatho weera Mwaana a Muluku aahoowa ni oonivaha wiiwexexa weera nimusuwele Yoowo ori Ekhaikhai. Ni hiyo ninkhala mwa Yoole ori Ekhaikhai, mwa Mwanawe Yeesu Kristu. Owo ti Muluku a ekhaikhai ni okumi woohimala.

1 Yohaane 5:20 Iomraidhean Croise

Yesaya 44:6

“Vano, Yave, mwene ni Mvuluxa a oYixrayeli, Yave a ikuru sootheene oneera ha: Miyo ti Oopacera ni Ookisera, kihikhanle Miyo khawowo muluku mukina.

Yesaya 54:5

Vano Mpattuxaanyu ori iyinyu – Yave a ikuru sootheene ti Nsinanawe – Ootteela a oYixrayeli ti Mvuluxaanyu. Owo oniitthaniwa Muluku a elapo ya vathi yootheene.

Yesaya 9:6

Wa hiyo nooyareliwa Mwaana; wa hiyo noovahiwa Mwaana Mulopwana ni olamula ori mmakhatanimwawe. Owo onimwiitthaniwa Namalaka Ooreeraxa, Muluku a ikuruxa, Tiithi Oohimala ni Mutokweene a murettele.

Yeremiya 10:10

Vaheera Yave ti Muluku a ekhaikhai; Owo ti Muluku Mukumi, Mwene Oohimala. Owo aanyoonyiwaka, elapo enootetereya; miloko khasingwera ovilela isarasawe.

Yeremiya 23:6

Mmahukunimwawe oYuda onoovuluxiwa ni oYixrayeli onookhala woolipeene. Ni nsina aneeraawe iitthaneliwe ti nna: ave ti Ekhaikhaiyaahu.

Matheyo 13:11

Owo aahaakhula: “Wa nyuwo moovahiwa osuwela ixiiri sa omwene wa wiirimu, mene wa yaawo, naari.

Luuka 21:15

Vano, Miyo nkoovaheeni masu ni miruku moota wooweera khaawo mmoha a amwiittanaanyu aneera awere otapanyiha, naari ovaanyiha.

Luuka 24:45

Vano Owo aahaahulela soowuupuwelasaya weera awo ewere wiiwexexa Yoolempwa*.

Yohaane 1:18

Khaawo omoonne Muluku, ahikhanle Mwanawe mmoharu ori vamoha ni Atiithi mwa Yoowo aasuwelihale.

Yohaane 10:30

Miyo ni Atiithi nri mmoharu.”

Yohaane 14:20

Nihuku nenenenno nyuwo mmwiiwexexe weera Miyo kiri mwa Atithaka, nyuwo mwa Miyo ni Miyo mwa nyuwo.

Yohaane 14:23

Yeesu aamwaakhula: “Mukina akisivela Miyo, oniiwelela maswaaka. Atithaka eniimusivele ni hiyo nnirwe wa yoowo ni nnikhale mwa yoowo.

Yohaane 14:6

Yeesu aamwaakhula: “Miyo ti Ephiro, Ekhaikhai ni Okumi. Khaawo ongwa wa Atiithi, ohikhanle aviraka mwa Miyo.

Yohaane 14:9

Yeesu aamwaakhula: “Miyo kanneetta ni nyuwo ehuhu yincipale ni orookhalaru hiiho nyuwo khamukisuwenle Miyo, Filipe? Yoowo onkoona Miyo, ongwoonatho Atithaka. Heeni nyuwo muneeraanyu: ‘Munoonihere Atiithi’?

Yohaane 15:4

Mukhale mwa Miyo ni nkikhale mwa nyuwo. Khoowowo murai ongwera wiima mwaneenaayaru, ohikhanle muvideirani*. Nyuwotho khamungwera wiima, muhikhanle mwa Miyo.

Yohaane 17:14

Kaahaavaha maswaanyu, ni amalapo yaahaathanya, niwoko awo khaahiyono a elapo ya vathi ntoko Miyo kihikhanlaakatho.

Yohaane 17:25

Tiithi oororomeleya, orookhalaru weera amalapo khayoosuwenleni, Miyo kohoosuwelani, ni yaawo ari awaka aansuwela weera mwaakirumiha.

Yohaane 17:3

Okumi woohimala ti ola: weera awo yoosuweleni Nyuwo, Muluku mmoharu a ekhaikhai, ni emusuwele Yeesu Kristu mwaamurumihalaanyu.

Yohaane 20:28

Tomaxi aamweerela: “Apwiyaaka ni Mulukwaaka!”

Yohaane 8:42

Yeesu aaweerela: “Muluku aari atithinyu, nyuwo mwaamukisivela niwoko Miyo kaawiiye wa Muluku, ni vaanaano kiri va. Miyo nkiwiiye wa muneenaakaru, mene wa Awo akiruminghe.

Miteko 20:28

Mwiipasoope nyuwo asineenaanyu ni muhuwo mwa yoowo Munepa Wootteela owiikaathenraayani ntoko asitokweene ankosoopa*, weera mukukhulele ekerexa ya Muluku Owo othumalaawe ni ephomaawe muneenaawe.

aRooma 9:5

Anamwane a asitokweene oopacera a oYixrayeli ti awaya, ni mweerutthuni Kristu aari a ekhapiraaya. Muluku oopwaha itthu sootheene ooreelihiwa mahuku ootheene. Ame*.

1 aKorinto 1:30

Mwa yeeyo, ti niwoko na Muluku nyuwo muraanyu mwa Kristu Yeesu, Yoowo othatungwe wa hiyo miruku sa Muluku, eyo tiiyo, waakhuleliwawahu, ntteelihonahu ni ovuluxiwawahu,

2 aKorinto 4:6

Muluku eenre “Mpiphini waare omwaleela,” Owo muneenaawe ohaara mmurimanimwahu weera onimwaleele waara wa osuwela wa ovuwa wa Muluku, onaara mukhoveni mwa Kristu.

2 aKorinto 5:17

Tivawo, mukina akhala mwa Kristu, ti opattuxiwa onyowani. Itthu sa khalayi soovira; sinyowani sohoorwa.

awEfeso 3:18

muwere wiiwexexa vamoha ni ootteela ootheene mweekhuveeloni, mweerakameloni, orakamawaya ni wiixerawaya wa osivela iwo.

aFilipi 3:9

ni kiphwanyiwe mwa Yoowo, kihikhalanaka ekhaikhaiyaaka enrweela munlamuloni, mene waakhuleliwa weiwe onrweela munroromeloni mwa Kristu, waakhuleliwa weiwe onrweela wa Muluku okhalihiweene munroromeloni.

1 Timootheyo 3:16

Woohihovela weera ntikhinelo na ediinaahu ti ntokotoko: Yeesu ooniheriwe mweerutthuni, aakhuleliwe ni Muluku mMunepani, ooniwe ni andyelo, olaleiwe mmilokoni, ororomeliwe mweelaponi, ni aakheleliwe moovuwani.

Titu 2:13

niwehereraka oweherera wooreelihiwa: wooniheriwa woovuwa wa Mulukwaahu Mutokweene ni Mvuluxa Yeesu Kristu.

aHeberi 1:8

Mwahatho wa Mwaana, eenre: “Ehicaanyu ya olamula eri yoohimala, ni ekopo ya omwenaanyu eri ya ekhaikhai.

1 Yohaane 2:23

Ootheene animukhootta Mwaana, khaanonotho Atiithi. Yoowo onimwaakhela Mwaana mwaatthuni, ookhalanotho Atiithi.

1 Yohaane 2:24

Vano nyuwo, mwiipasoope weera yeeyo mwiiwalaanyu okhuma ompacereroni ekhale mwa nyuwo. Mwapaka yeeyo, nyuwotho mmwikhale mwa Mwaana ni mwa Atiithi.

1 Yohaane 2:6

Yoowo oneera weera ori mwa Yeesu, ontthuneya weera eetteke moota Owo eettaawe.

1 Yohaane 4:14

Nohoona ni ninkhalela onamoona weera Atiithi yaamurumiha Mwaana weera akhale Mvuluxa a elapo ya vathi.

1 Yohaane 4:16

Hiiho noosuwela osivela Muluku oraaweno wa hiyo ni ninroromela mwa osivelawene weiwo. Muluku ti osivela. Khula mutthu onkhala moosivelani, onkhalatho mwa Muluku ni Muluku mwa yoowo.

1 Yohaane 4:2

Nyuwo munoowera osuwela Munepa wa Muluku moota ola: Munepa wootheene onlapa weera Yeesu Kristu owiiye mweerutthuni, orwiiye wa Muluku.

1 Yohaane 5:1

Khula mutthu onroromela weera Yeesu ti Kristu, oyariwe wa Muluku, ni khula mutthu onaasivela Atiithi, onimusivelatho yoole oyariwe wa Muluku.

1 Yohaane 5:15

Ni nasuwela weera Owo onniiwa mwa soothesene nimvekelaahu, noosuwelatho weera nookhalano yeeyo nimvekelaahu mwa Yoowo.

1 Yohaane 5:18

Noosuwela weera khula mutthu oyariwe wa Muluku khakhanle mootthekani. Mwaana a Muluku oomwaakiha, ni namatakhala khangwera omvara.

1 Yohaane 5:5

Taani yoowo ongwina elapo ya vathi? Paahi yoowo onroromela weera Yeesu ti Mwaana a Muluku.

Ethupululo 15:3

ni yaahiipa ecipo ya Moisesi, murumeiyi a Muluku, ni ecipo ya Eputtiputthi: “Sitokotoko ni sootikhiniheya siri mitekosanyu, Apwiya Muluku a ikuru sootheene. Soowookowa ni sa ekhaikhai siri iphirosanyu, Mwene a ilapo.

Ethupululo 19:11

Kaahoona wiirimu ohuleiyeene ohoolowaka ni ekavalu* yootteela mwa yeeyo Namweettihaaya oniitthaniwa Oororomeleya ni Ekhaikhai. Owo onthoriha ni ongwana ni ekhaikhai.

Ethupululo 3:14

“Wa ndyelo a ekerexa eri ya oLawodiseiya, mulepe: Awo ari masu a Ame*, Namoona oororomeleya ni a ekhaikhai, Namalamula a ephattuwelo ya Muluku.

Ethupululo 3:7

“Wa ndyelo a ekerexa eri ya oFiladelfiya, mulepe: Awo ari masu a Yoole ori Ootteela ni a ekhaikhai ni orino exaavi ya Davide. Yeeyo onghulaawe, khaawo ongwera owala, ni yeeyo ongwalaawe khaawo ongwera ohula.

Ethupululo 6:10

Awo yaakhuwela ni nsu ntokotoko: “Mpaka yaakhani, Namalamula, Ootteela ni Ekhaikhai nnoowehereraahuni weera mwaathorihe atthu amanke elapo ya vathi ni mwiinlele ikuhu ephomaahu?”