1 Yohaane 5:19 - Emakhuwa Bible

¹⁹ Noosuwela weera hiyo nri a Muluku, ni weera elapo ya vathi yootheene eri yoolamuliwa ni namatakhala.

1 Yohaane 5:19 Iomraidhean Croise

Luuka 4:6

amweerelaka: “Kinimoovaha ovuwa wootheene ni ikuru sootheene sa omwene ole wootheene, niwoko wootheene akivanghaaya miyo, ni miyo kinoomvaha wa yoole kineeraaka kimutthune.

Yohaane 12:31

Yoophiya ehuhu ya nthorihelo na elapo ya vathi ela. Vano mutokweene a elapo ya vathi anoomoliwe.

Yohaane 14:30

Miyo nkinooleelani vancipale niwoko mutokweene a elapo ya vathi aneera arwaaka. Owo khanono ikuru ni Miyo.

Yohaane 16:11

ni wa nthorihelo niwoko mutokweene a elapo ya vathi ela oothorihiwa.

Yohaane 17:15

Nkindyoonttelela weera mwaavenxe mweelaponi ya vathi, mene weera ngwaakihe wa namatakhala.

aRooma 8:16

Munepeene Yoowo onnakhalela onamoona mwa munepaahu weera nri anamwane a Muluku.

2 aKorinto 1:12

Vano, ovuwawahu ti wu: Mirimasahu sinkhalela onamoona weera hiyo nanneetta mweelaponimu, vancipalexa variyariwanyu, moota wa murima woowookowa, mwa ekhaikhai enrweela wa Muluku, mwa mahala a Muluku, ni khanneetta mwa miruku sa elapo ya vathi.

2 aKorinto 4:4

Muluku a ehuhu ela ohuumiha sowiiwexexa sa atthu oohiroromela, weera ehoone waara wa masu ooreeraxa a ovuwa wa Kristu, mwa Yoowo ori mukhalelo wa Muluku.

2 aKorinto 5:1

Noosuwela weera yaphwatiwa empaahu yoovira ninkhalaahu vathi, nookhalano mpatta wa Muluku empa ekina yoohimala wiirimu, ehitekiwe ni matata a atthu.

aGalata 1:4

yinnyerenre okumaaya wa sootthekasahu weera enoopole hiyo wa ehuhu ela yoonanara. Yaapaka yeeyo niwoko na otthuna wa Muluku Atithihu.

awEfeso 2:2

mwa seiyo mweettelaanyu, muttharihaka mukhalelo wa elapo ya vathi ela, aani mwaamuttharaanyu mutokweene a ikuru sa opheyoni, munepa owo omvara muteko vaanaano mwa yaawo ankhala ni ettiyamaaru.

2 Timootheyo 1:12

Niwoko na yaawo, miyo kinoohaawatho, mene nkinuuliwa muru, niwoko koomusuwela Yoowo kinimuroromelaaka, ni koosuwela nnenesene weera Owo ti a ikuru weera athokorore yeeyo mpaka nihuku nno kaamvaherenraaka.

Titu 3:3

Khalayi hiyotho naari oohikhala ni miruku, oohiiwelela, oolokotthiwa, ni ootthukiwa ni mikhalelo soohiyanahiyana sa soohaawela sa erutthu. Naakhala mootakhalani ni munrimani, nireene oothanyeya, nithanyanaka mukina ni mukhwaawe.

Yakobe 4:4

Anamararuwa! Khamusuwenle weera onthamwene ni elapo ela ti omwiittana ni Muluku? Yoowo ontthuna okhala nthamwene a elapo ya vathi oniikhaliha mwiittana a Muluku.

1 Yohaane 3:14

Noosuwela weera noovira mookhwaani, nirowaka mookumini, niwoko ninaasivela axunnihu. Yoowo ohinsivela, onkhala mookhwaani.

1 Yohaane 3:24

Yaale aniiwelela malamulowaawe ankhala mwa Yoowo ni Owo mwa yaawo. Hiiho noosuwela weera Owo onkhala mwa hiyo: niwoko na Munepa onivanghaawe.

1 Yohaane 5:10

Yoowo onimuroromela Mwaana a Muluku ookhalano onamoona ola mwaneenaaweru. Yoowo ohinroromela mwa Muluku, onimukhaliha Muluku Namootha, niwoko khanroromela onamoona Muluku onkhalelaawe mwaha wa Mwanawe.

1 Yohaane 5:13

Kohoolepelani itthu iya nyuwo munroromela mwa Nsina na Mwaana a Muluku, weera musuwele weera mookhalano okumi woohimala.

1 Yohaane 5:15

Ni nasuwela weera Owo onniiwa mwa soothesene nimvekelaahu, noosuwelatho weera nookhalano yeeyo nimvekelaahu mwa Yoowo.

1 Yohaane 5:18

Noosuwela weera khula mutthu oyariwe wa Muluku khakhanle mootthekani. Mwaana a Muluku oomwaakiha, ni namatakhala khangwera omvara.

1 Yohaane 5:20

Noosuwelatho weera Mwaana a Muluku aahoowa ni oonivaha wiiwexexa weera nimusuwele Yoowo ori Ekhaikhai. Ni hiyo ninkhala mwa Yoole ori Ekhaikhai, mwa Mwanawe Yeesu Kristu. Owo ti Muluku a ekhaikhai ni okumi woohimala.

Ethupululo 12:9

Edrakoni* etokotoko yaavonyeriwa vaate, enoweene yeele ya khalayi yiitthaniwa Diyabu*, hoye hoye Satana enlokottha elapo yootheene. Eyo vamoha ni andyelowaaya yaavonyeriwa elapo ya vathi.

Ethupululo 20:3

Aamvonyera moowiixera, aawala ni aahiikaathi ewalelo* vasuluwaya, weera hiiho amooceelihe olokottha ilapo mpaka simale iyaakha macira muloko. Vahoolowaya ontthuneya weera owo ataphuliwe wa ehuhu vakhaani.