1 Yohaane 5:12 - Emakhuwa Bible

¹² Yoowo omukhalanne Mwaana, ookhalanotho okumi; yoowo ohimukhalanne Mwaana a Muluku, khanonotho okumi.

1 Yohaane 5:12 Iomraidhean Croise

Marku 16:16

Yoowo onroromela ni ompatisiwa, anaavuluxiwe, vaheera yoowo ohinroromela, anaathorihiwe.

Yohaane 1:12

Wa soothesene, wa yaale yaamwaakhenle, yaale anroromela mwa Nsinanawe, ohaavaha owera othatuwa anamwane a Muluku;

Yohaane 3:15

weera ootheene animuroromela Yoowo, ekhalane okumi woohimala.

Yohaane 3:36

Yoowo onimuroromela Mwaana, ookhalano okumi woohimala. Vaheera yoowo onimukhootta Mwaana, kharwa oona okumi, mene isara sa Muluku sinkhala ni yoowo.”

Yohaane 5:24

Miyo kinoororomelihani: Yoowo oniiwa maswaaka ni anaaroromela Yaawo aakirumihale, ookhalano okumi woohimala ni kharwa athorihiwa, mene oolapuwa mookhwaani aphiyaka mpaka mookumini.

1 aKorinto 1:30

Mwa yeeyo, ti niwoko na Muluku nyuwo muraanyu mwa Kristu Yeesu, Yoowo othatungwe wa hiyo miruku sa Muluku, eyo tiiyo, waakhuleliwawahu, ntteelihonahu ni ovuluxiwawahu,

aGalata 2:20

Kookhomeliwa vamoha ni Kristu. Hiiho nkihiyono miyo kinkhala, mene aani Kristu okhanle mwa miyo. Okumi kinkhalaaka vaanaano mweerutthuni, kinkhala kimuroromelaka Mwaana a Muluku okisivenlaawe ni iixinnyerenraawe wa miyo.

aHeberi 3:14

Vekhaikhai, hiyo nri mpatta wa Kristu, navarela nnenesene mpaka ommaleloni nroromelo nne naakhalannaahu ompacereroni.

2 Yohaane 1:9

Khula mutthu ohinkhala mwa nihusiho na Kristu, mene onghapuwa mphironi, khahiyono a Muluku. Yoole onkhala munihusihoni na Kristu ohaakhalano Atiithi nitho Mwaana.