1 Yohaane 4:1 - Emakhuwa Bible

¹ Oosiveleya, muhiroromele sakhalaru minepa, mene musomele minepa weera moone iyo saawiiye wa Muluku, niwoko maprofeeti ancipale oolokottha aakhumelela mweelaponi.

1 Yohaane 4:1 Iomraidhean Croise

1 Mamwene 13:18

Mprofeeti oowuuluvala aamwaakhula: “Miyo mprofeetitho, ntoko nyuwo. Vano ndyelo ookeerela mwa Nsina na Yave: ‘Mwanghokolowane owannyinyu weera acewo yooca ni awurewo maahi.’ Vaheera, owo aamootha.

Masu a Miruku 14:15

Oohisuwela anaakhulela yakhalaru etthu, vaheera mutthu a miruku onoona nnenesene onnyikalaawemo.

Yeremiya 14:14

Vano Yave aakeerela: “Maprofeeti anthalihera soowootha mwa Nsinanaka. Miyo nkaaruminghe, hata nkaakhalinghe naari nkuulumme ni yaawo. Awosa anoothaliherani nyoonelo soowootha, sootthoma soohimuteko, ni masu a mmurumwaya.

Yeremiya 23:16

Yave a ikuru sootheene oneera ha: “Muhiiwe yeeyo maprofeeti anoothaliheraayani; awosa anoosarihani ni oweherera woowootha. Anuuluma nyoonelo apakelenlaaya, ohikhanle vayanoni ya Yave.

Yeremiya 5:31

Maprofeeti anuuluma soowootha, asaserdoti* anlamula sa mmurumwaya ni mulokwaaka onsiveliwa ni seiyo. Mene mmwipakeni ommaleloni?

Marku 13:21

Akhala mukina aneera aweereleni: ‘Mmoone, Kristu ori va!,’ hoye hoye ‘mmoone, ori vale!,’ muhimuroromele!

Luuka 12:57

Niwoko heeni muhinthorihaanyu muneenaanyu yeeyo eri ya ekhaikhai?

Luuka 21:8

Owo aawaakhula: “Mwiipasoope weera muhilokotthiwe. Vano, ancipale eniiwe mwa Nsinanaka yeeraka: ‘Ti miyo’ ni ‘ehuhu yookhuveela.’ Muhaatthare.

Miteko 17:11

Atthu a oBereya yaari maneethixa waapwaha atthu a oTesalonika. Yaahaakhela mutthenga ni otthuna otokotoko, esomelaka mahuku ootheene Yoolempwa* weera yoone sootheene saari hiiho.

Miteko 20:29

Koosuwela weera vahoolo wa opwahawaka, nyiici soolumaxa nsivolowe variyariwanyu ni khasirwa suurela muhuwo.

1 aKorinto 12:10

Wa mukina omvahiwa ikuru sa opaka sootikhiniha, wa mukina onthaliha otthuna wa Muluku, wa mukina ongwera omwalamwaxa ekhaikhai ni yoolokottha, wa mukina muulumo oohiyanahiyana, wa mukinatho ongwera otaphulela muulumo.

1 aKorinto 14:29

Mwaha wa maprofeeti – eeli, hoye hoye araru ethalihereke, ni akina ephimeke nnenesene yeeyo aleelingwaaya.

1 aTesalonika 5:20

Muhiramuse ithalihero sa otthuna wa Muluku,

1 aTesalonika 5:21

mene ngwehexexe itthu soothesene, ni mwaakhulele yeeyo eri yooreera.

2 aTesalonika 2:2

muhittikinyeye mmurimanimwanyu, naari muhoopopihiwe woowaakuveya, hata ni munepa mukina, hata ni masu, naari ni ekaratta, ntoko yaari yawihu, ehimaka weera nihuku na Apwiya noophiya.

1 Timootheyo 4:1

Vano Munepa oneera nnenesene weera ehuhu yookisera, akina eniihiye nroromelo ni eniitthare minepa soolokottha ni mahusiho a minepa soonanara.

2 Timootheyo 3:13

Wa soothesene, oonanara ni oolokottha eniitepaxe onanara elokotthaka ni ereene oolokottheya.

2 Pedru 2:1

Vano, yaakhumelela maprofeeti oolokottha variyari wa muloko, ntokotho eneeraaya ekhumelele maprofeeti oolokottha variyariwanyu. Awo eniiruuhe muxiirini mahusiho oolokottha oophwata, mpaka yaakhoottaka Apwiya anlamula sootheene, mwa Yaawo awooponle. Hiiho eniyiiruuhele ophwateyawaya woowaakuveya.

1 Yohaane 2:18

Anamwane, ela ti ewoora yookisera, ni ntoko nyuwo mwiiwalaanyu weera namwiittana a Kristu onimoowa, vano anamwiittana a Kristu ancipale aakhumelela. Tivawo noosuwela weera ti ewoora yookisera.

1 Yohaane 2:7

Oosiveleya, nkinoolepelani nlamulo nnyowani, mene aani, na khalayi, nyuwo mwaaraanyuno okhuma ompacereroni: mutthenga mwiiwalaanyu.

2 Yohaane 1:7

Wa hiihaawo, anamalokottha ancipale aakhumelela mweelaponi ya vathi, mwa yaawo khaanaakhulela weera Yeesu Kristu aarwiiye mweerutthuni. Yoole ti namalokottha ni namwiittana a Kristu.

3 Yohaane 1:11

Oosiveleya, muhitakihe yeeyo eri yoonanara, mene eri yooreera. Yoowo ompaka yooreera ori a Muluku, mene yoowo ompaka yoonanara khamoonne Muluku.

Ethupululo 2:2

Koosuwela mitekosanyu soovihaxa ni ovilelawanyu. Koosuwela weera khamungwera waavilela atthu oonanara murima ni mwaawoota murima yaawo aniixeerela arummwa ehikhanle, ni mohoonelela weera awo ari anamalokottha.