1 Yohaane 3:20 - Emakhuwa Bible

²⁰ murimaahu waanithorihaka, niwoko Muluku ti Mutokweene woopwaha murimaahu ni oosuwela itthu soothesene.

1 Yohaane 3:20 Iomraidhean Croise

Yobi 27:6

Kinoopwaherera ngwookoleleyanimwaka ni nkirwa kihiya wookoleleya wu; kireene nlelo ni okumi muupuwelowaaka khookihiiha.

Yobi 33:12

Vaheera miyo kinooleelani weera nyuwo mootapanya, niwoko Muluku ti Mutokweene ompwaha mutthu.

Icipo 90:8

Moosuwela sootakhalasahu ni sootthekasahu sa muxiirini munnoona ngwaarani wa okhalawanyu.

Yeremiya 17:10

“Miyo, ti Yave kinoota murima ni kinoona nnenesene soowuupuwelasaya weera khula mutthu kimutthuvele, kittharihaka mweettelowaawe, aani mwa soopakasawe.”

Yeremiya 23:24

Mukina onoowera wiipitha Miyo woohimoona?” onkoha ti Yave. Nkihiyono Miyo kinsariha erimu ni vathi?” onkoha ti Yave.

Yohaane 21:17

Emaara yanaararu Yeesu aamukoha: “Simeyoni, mwaana a Yohaane, munookisivela?” Pedru aathanana niwoko na omukoha Yeesu emaara yanaararu:‘nyuwo munookisivela?’ ni aamwaakhula: “Apwiya, moosuwela itthu sootheene ni moosuwela weera kinnoosivelani.” Yeesu aamweerela: “Muciheke ikhondoolosaka.

Yohaane 8:9

Yaawo yaamwiiwale yaapacera orowa, mmoha-mmoha, okhuma asitokweene. Yeesu aahanle paahi ni muthiyana eemenleene vahoolowawe.

Miteko 5:33

Yiiwaka yeeyo, awo yaanyoonyiwa vancipale ni yaatthuna owiiva.

aRooma 8:34

Taani anaathorihe? Aari Kristu Yeesu okhwiiye. Wootepaxa, Owo oovenyerera ni ori moono mulopwana wa Muluku anivekelelakatho hiyo.

1 aKorinto 4:4

Hata soowuupuwelasakatho khasinkoothera naari etthu, nkiniixeerela oowaakhuleliwa ni Muluku, niwoko Yoowo onkithoriha ti Muluku.

Titu 3:11

Nyuwo moosuwela weera mutthu owo ori ookhoromana ni mootthekani, mwaneenaawe oothorihiwa.

aHeberi 4:13

Vamaithoni a Muluku kheewo eriwo yoowiipithiheya mweephattuweloni yootheene. Sootheene sohooneleliwa ni sohooneya vamaithoni wa Yoowo hiyo nneeraahu nimwaakhuleke.

aHeberi 6:13

Hapo khaakhanle mukina mutokweenexa oomulipela, Muluku aamuroromelihalaawe Abrahaamu, aahiilipela mwaneenaawe,

1 Yohaane 3:19

Hiiho ninsuwela weera nri a ekhaikhai ni nnikurunuxa murimaahu ohoolo wa Yoowo,

1 Yohaane 3:21

Oosiveleya, murimaahu waahinithorihaka, nookhalano murima woolipa ohoolo wa Muluku,

1 Yohaane 4:4

Anamwane, nyuwo muri a Muluku ni mohaawina yaawo, niwoko Yoowo ori mwa nyuwo ti woopwahaxa munepa ori mweelaponi.

Ethupululo 2:23

Nkiwiive anamwane a muthiyana owo. Vano, ikerexa sootheene nsisuwele weera Miyo ti Yoole onsuwela nnenesene soowuupuwela ni mirima, ni khula mutthu nkimwaakhelihe ntoko mutekwaawe omphwanelaaya.