1 Yohaane 3:1 - Emakhuwa Bible

¹ Moone moota wa osivela aTiithi anisivenlaayano, mpaka niitthaniwaahu anamwane a Muluku! Ni nri anamwanaawe vekhaikhai. Tivawo amalapo ahinisuwenlaaya, niwoko khayaamusuwenle Muluku.

1 Yohaane 3:1 Iomraidhean Croise

2 Samuweli 7:19

Ohiya toko yeeyo, Yave onlamula sootheene, mohuulumatho sa muhoolo wa ekhapira ya murumeiyaanyu. Ti hiiha Yave onlamula sootheene, mungwerihaanyu atthu?

Icipo 31:19

Ii! Ti otokotoko oreerawanyu murima mwaathokororenlaanyu yaale angwoovani. Vamaithoni wa atthu munimwaavaha oreerawanyu murima yaale anootthawelelani Nyuwo.

Yeremiya 3:19

Miyo muneenaaka keenre: “Kaatthunaxa waapaka nnene ntoko ampakeliwaaya anamwane kaavahaka elapo yootthuneyaxa, yoohiyeriwa yooreerelaxa variyari wa miloko sootheene. Kuupuwela weera mwaankiitthana ‘Tiithi’ ni khamwaahiya okitthara.

Hoxeya 1:10

Wa soothesene, aYixrayeli animwaatta ntoko ehaava ya mphareiya ehimphimeyaru, hata ehinaalikeleyaru. Vanipuroni yeerelasiwaaya: ‘Nyuwosa khamuhiyono mulokwaaka,’ awosa animwiitthaniwa ‘anamwane a Muluku Mukumi.’

Luuka 20:36

Awo khaangwera okhwatho niwoko ari ntoko andyelo. Ari anamwane a Muluku, ereene anamwane a ovenyerera.

Yohaane 1:12

Wa soothesene, wa yaale yaamwaakhenle, yaale anroromela mwa Nsinanawe, ohaavaha owera othatuwa anamwane a Muluku;

Yohaane 11:52

Ohikhanle paahi wa muloko wa aYuda, menetho wa anamwane a Muluku amwaramwareiye weera aathukumanyihe mmulokoni mmoha.

Yohaane 15:21

Eniyoopakeleni hiiho niwoko na Nsinanaka yeenre ehaasuwelaka Yaawo akiruminghe.

Yohaane 16:3

Eniipake itthu iyo niwoko khayaasuwenle Atiithi, hata Miyo.

Yohaane 17:25

Tiithi oororomeleya, orookhalaru weera amalapo khayoosuwenleni, Miyo kohoosuwelani, ni yaawo ari awaka aansuwela weera mwaakirumiha.

Yohaane 3:16

Vano Muluku aasivela elapo ya vathi moota wooweera aamvahalaawe Mwanawe mmoharu weera atthu ootheene animuroromela Yoowo kheeriheya, mene anookhalano okumi woohimala.

aRooma 5:8

Vaheera Muluku onoonihera onisivelawawe moota ola: Kristu aanikhwenle, hiyo naaraahu nlelo anamattheka.

aRooma 8:19

Soopattuxiwa sinnaweherera ni ohaawelaxa weera anamwane a Muluku ethupululiwe.

aRooma 8:21

munroromeloni weera soopattuxiwasene iye nsivuluxiwe wa okaporo wa yunttelo, ni hiiho sinoowera waakhela oneethi woovuwaxa wa anamwane a Muluku.

aRooma 8:32

Yoole ohimuurenle Mwanawe mmoharu, mene omvaherenre Yeesu wa hiyo ootheene, vekhaikhai anaanivahe vamoha ni Yoowo itthu sootheenetho.

2 aKorinto 6:18

Nkikhale Atithinyu, ni nyuwo mmwikhale anamwanaaka alopwana ni athiyana, aneera Apwiya a ikuru sootheene.”

aGalata 3:26

Nyuwo ootheene muri anamwane a Muluku niwoko na nroromelo mwa Kristu Yeesu.

aGalata 3:29

Ni nyuwo mwaari a Kristu, vano ti ekhapira ya Abrahaamu, ni muri anamwaakhela ntoko yoororomelihiwa enghimaaya.

Deuteronomiyo 14:1

Nyuwosa ti anamwane a Yave Mulukwaanyu. Muhipophe naari muhicemelane niwoko na anamakhwa.

aKolosi 3:3

Nyuwo mohookhwa, ni vano okumaanyu woovithiwa ni Kristu mwa Muluku.

1 Yohaane 3:10

Mooteene yoowo nohaasuwela taani anamwane a Muluku ni taani anamwane a Diyabu*: yoole ohimpaka ekhaikhai nitho ohinimusivela munneiye, khawiiye wa Muluku.

1 Yohaane 3:2

Oosiveleya, vano nri anamwane a Muluku, ni nlelo khayoonihereiye yeeyo nneeraahu nikhale, mene noosuwela weera Owo iixooniheraka, nnikhale oolikana ni Yoowo, niwoko nnimoone moota okhanlaawe.

1 Yohaane 4:17

Hiiho osivela ori wookwanelihiwa variyariwahu weera vanihukuni na nthorihelo nikhalane murima woolipa, niwoko mweelaponi ya vathi ela hiyo ninkhala ntoko Owo onkhalaawe.

Ethupululo 21:7

Namawina anaakhele soothesene iya ni Miyo nkikhale Mulukwaawe, ni owo mwanaka.