1 Yohaane 2:3 - Emakhuwa Bible

³ Ni eyo enimoonihera weera noomusuwela Muluku: niiwelela malamulowaawe.

1 Yohaane 2:3 Iomraidhean Croise

Icipo 119:32

Kintthara ephiro ya malamulowaanyu niwoko mookiiwexexiha.

Icipo 119:6

Hiiho nkinuulihiheya muru wootthara malamulowaanyu ootheene.

Yesaya 53:11

Vahoolo wa ohaawa wa munepaawe, Owo onimoona waara wa okumi ni onookhala oomaaleleya; ni mweesuweloni eyo, Murumeiyaaka oororomeleya onoopakiha weera ancipale yaakhuleliwe ni Muluku, akuxaka sootthekasaya.

Luuka 6:46

Heeni munkiitthanaanyu Apwiya, Apwiya, muhipakaka yeeyo kinghimaaka?

Yohaane 14:15

Nyuwo mwakisivela Miyo, mmwiiwelele malamulowaaka.

Yohaane 15:10

Nyuwo mwiiwelela malamulowaaka, munookhala moosivelanimwaka ntoko Miyo kiniiwelelaaka malamulo a Atithaka ni kinkhala moosivelanimwaya.

Yohaane 15:14

Nyuwo mmwikhale asinthamwenaaka mwapaka yeeyo Miyo kinoolamulelaakani.

Yohaane 17:3

Okumi woohimala ti ola: weera awo yoosuweleni Nyuwo, Muluku mmoharu a ekhaikhai, ni emusuwele Yeesu Kristu mwaamurumihalaanyu.

2 aKorinto 4:6

Muluku eenre “Mpiphini waare omwaleela,” Owo muneenaawe ohaara mmurimanimwahu weera onimwaleele waara wa osuwela wa ovuwa wa Muluku, onaara mukhoveni mwa Kristu.

aHeberi 5:9

Ni aakwanihenraawe wiiwelelawawe, aathatuwa Naattuuttu oohimala a ovuluxiwa wa ootheene ammwiiwelela,

1 Yohaane 2:13

Asitiithi, miyo kinoolepelani, niwoko moomusuwela Yoole ori okhuma ompacereroni mpaka vano. Amiravo, kinoolepelani, niwoko moongwina namatakhala.

1 Yohaane 3:14

Noosuwela weera noovira mookhwaani, nirowaka mookumini, niwoko ninaasivela axunnihu. Yoowo ohinsivela, onkhala mookhwaani.

1 Yohaane 3:19

Hiiho ninsuwela weera nri a ekhaikhai ni nnikurunuxa murimaahu ohoolo wa Yoowo,

1 Yohaane 3:6

Khula mutthu onkhala mwa Yoowo, khaneetta mootthekani. Khula mutthu oneetta mootthekani khamoonne, hata khamusuwenle.

1 Yohaane 4:13

Noosuwela weera hiyo ninkhala mwa Yoowo ni Owo mwa hiyo, niwoko oonivaha sa Munepaawe.

1 Yohaane 4:7

Oosiveleya, nisivelane mukina ni mukhwaawe, niwoko osivela ongwa wa Muluku. Yoole onsivela, oyariwe wa Muluku ni oomusuwela Muluku.

1 Yohaane 5:19

Noosuwela weera hiyo nri a Muluku, ni weera elapo ya vathi yootheene eri yoolamuliwa ni namatakhala.

1 Yohaane 5:2

Hiiho noosuwela weera nnaasivela anamwane a Muluku: Hiyo namusivela Muluku ni nakwanihera malamulowaawe.

1 Yohaane 5:3

Niwoko mwa yeeyo wookhala osivela wa Muluku: wiiwelela malamulowaawe. Ni malamulowaawe khaahiyono oolemela.

Ethupululo 12:17

Edrakoni* yaamunyoonyeriwa muthiyana ole ni yaavenya weera awane ni yaale a ekhapiraawe, yaawo aniiwelela malamulo a Muluku ni amvarexexa nnenesene onamoona wa Yeesu.

Ethupululo 14:12

Va ontthuneya weera evilele ootteela aniiwelela malamulo a Muluku, ni animutthara Yeesu moota woororomeleya.

Ethupululo 22:14

Ooreelihiwa ti yaawo ankattha soowarasaya, weera ewere ophiya vamwirini wa okumi, ni weera evolowe musidadeni, eviraka mmilakoni.