1 Yohaane 2:29 - Emakhuwa Bible

²⁹ Nyuwo mwasuwela weera Owo ti oororomeleya, musuweletho weera khula mutthu ompaka ekhaikhai, oyariwe mwa Yoowo.

1 Yohaane 2:29 Iomraidhean Croise

Yeremiya 13:23

Apaale muKuxe onoowera oceendya oriipawawe? Apaale havara onoowera oceendya malepaawe? Mooteene yoowo nyuwosa khamungweratho opaka yooreera niwoko mookhovelela opaka soonanara.

Zakariya 9:9

Muhakakalaxe mwaana muthiyana a oSiyoni; mukhuwele mwaana muthiyana a oYerusaleemu! Moone, mwenaanyu ongwaattamelani, oororomeleya ni oowineene, a murima woomaaleleya ni angwenleene buuru, aani mwaaxaana a buuru muthiyana.

Yohaane 1:13

yaale ahiyariwe ni ekhapira ya omutthu, hata ni otthuna wa erutthu, naari ni otthuna wa mulopwana, mene ayariwe wa Muluku.

Yohaane 7:18

Yoole onuuluma sawawe, onnaasa ovuwawawe muneenaawe. Yooletho onaasa ovuwa wa Yaawo yaamurumihale, Owo ti a ekhaikhai. Kheewowo etthu yoowootha mwa Yoowo.

Miteko 10:35

mene Owo oniwaakhulela yaale a miloko sootheene ammoova ni ampaka yeeyo eri ya ekhaikhai.

Miteko 22:14

Vano owo aakeerela: ‘Muluku a makholowaahu aahoothanlani nyuwo weera musuwele otthunawawe, mmoone Oororomeleya ni mwiiwe masu a eyanowaawe.

Miteko 3:14

Nyuwo mwaamukhootta Ootteela ni Oororomeleya, ni mwaamvekela weera mutaphuleliwe namwiiva.

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

aHeberi 7:2

Vano, Abrahaamu aamvaha yanaamuloko ya soothesene. Woopacera nsinanawe nintaphulela ‘mwene a ekhaikhai,’ ni vahoolowaya ‘mwene a oSalemi’ entaphulela ‘mwene a murettele.’

aHeberi 7:26

Vano, ti Mutokweenexa a asaserdoti* ntoko Ola hiyo nnimuhaawelaahu: ootteela, oohikhala ni nthowa, oohittheka, oomwalamwalihiwa ni anamattheka, ni awelihiweene wiirimu woopwahaxa.

Yakobe 1:18

Awo yaalakela oniyara ni masu a ekhaikhai, weera nikhale ntoko soowiima soopacera sa sootheene seiyo Awo apattunxaaya.

1 Pedru 1:23

Nyuwo mooyariwa veeli, ohikhanle wa mmiso onriheya, mene wa mmiso ohinriheya niwoko na masu ookumi ni oohimala a Muluku.

1 Pedru 1:3

Ooreelihiwa akhale Muluku, Atiithi a Apwiyaahu Yeesu Kristu. Niwoko na ovenyerera mookhwaani wa Yeesu Kristu, Muluku, mwa ikhararisawe sitokotoko, oonivaha oyariwa onyowani woosareya ni oweherera wa okumi.

1 Pedru 3:18

Vano, Kristutho aahaawa emaara emoharu niwoko na soottheka, oohittheka wa anamattheka, weera aneettihe anironghaka wa Muluku. Owo aahiiviwa mweerutthuni, mene oohokoleela okhala ni okumi mukuruni sa Munepa,

2 Pedru 1:4

Hiiho Owo oonivaha soororomelihiwa sitokotoko ni soottittimiheyaxa weera, niwoko na seiyo, nyuwo mukhale mpatta wa mukhalelo wa omuluku ni weera mutthawe soonanara siri mweelaponi niwoko na soohaawela soonanara.

1 Yohaane 2:1

Anamwanaaka, kinoolepelani itthu iya weera nyuwo muhittheke. Mukinatho attheka, nookhalano Namwaakiha vamoha ni Atiithi – Yeesu Kristu oororomeleya.

1 Yohaane 3:5

Nyuwo moosuwela weera Owo iixoonihenre weera avenxe sootthekasahu, ni mwa Yoowo khasiwowo soottheka.

1 Yohaane 3:7

Anamwane, muhilokotthiwe. Yoole ompaka ekhaikhai ori a ekhaikhai, ntoko Owo oraawe.

1 Yohaane 4:7

Oosiveleya, nisivelane mukina ni mukhwaawe, niwoko osivela ongwa wa Muluku. Yoole onsivela, oyariwe wa Muluku ni oomusuwela Muluku.

1 Yohaane 5:1

Khula mutthu onroromela weera Yeesu ti Kristu, oyariwe wa Muluku, ni khula mutthu onaasivela Atiithi, onimusivelatho yoole oyariwe wa Muluku.

1 Yohaane 5:18

Noosuwela weera khula mutthu oyariwe wa Muluku khakhanle mootthekani. Mwaana a Muluku oomwaakiha, ni namatakhala khangwera omvara.

1 Yohaane 5:4

Yoowo oyariwe wa Muluku ongwina elapo ya vathi, ni owina ophwannyaawe elapo ya vathi ti wu: nroromelonahu.

3 Yohaane 1:11

Oosiveleya, muhitakihe yeeyo eri yoonanara, mene eri yooreera. Yoowo ompaka yooreera ori a Muluku, mene yoowo ompaka yoonanara khamoonne Muluku.