1 Yohaane 2:24 - Emakhuwa Bible

²⁴ Vano nyuwo, mwiipasoope weera yeeyo mwiiwalaanyu okhuma ompacereroni ekhale mwa nyuwo. Mwapaka yeeyo, nyuwotho mmwikhale mwa Mwaana ni mwa Atiithi.

1 Yohaane 2:24 Iomraidhean Croise

Icipo 119:11

Koothokorora maswaanyu mmurimanimwaka weera kihootthekeleni.

Masu a Miruku 23:23

Mphwanye ekhaikhai ni muhithumihe; mphwanyetho esuwelo, olakiwa ni miruku.

Luuka 1:2

ntoko nileeliwaahu ni yaale yaari anamoona ni arumeiyi a masu okhuma ompacereroni.

Luuka 9:44

“Mwiiwe nnenesene itthu kineeraaka kooleeleni: Mwaana a mutthu anaavarihiwe mmatatani mwa alopwana.”

Yohaane 14:23

Yeesu aamwaakhula: “Mukina akisivela Miyo, oniiwelela maswaaka. Atithaka eniimusivele ni hiyo nnirwe wa yoowo ni nnikhale mwa yoowo.

Yohaane 15:7

Nyuwo mwakhala mwa Miyo ni maswaaka mwa nyuwo, mmwivekele yeeyo muntthunaanyu ni mmwivahiwe.

Yohaane 6:56

Ootheene ankhuura erutthwaaka ni angwura ephomaaka, ankhala mwa Miyo ni Miyotho mwa yaawo.

Yohaane 8:25

Awo yaamukoha: “Nyuwo taani?” Yeesu aawaakhula: “Miyo ti Yoowo kooleelaakani ehuhu yootheene!

aFilipi 4:15

Ntoko nyuwo aFilipi musuwenlaanyu, ompacereroni kaapaceraaka olaleiya masu ooreeraxa, miyo kaavenyaaka oMasedoniya, mwaari nyuwo paahi ekerexa emoha yaakikhavihenre moovahani ni ngwaakhelani.

aKolosi 3:16

Masu a Kristu ekhaleke mwa nyuwo moota wookwana. Muxuttihane ni mulakane mukina ni mukhwaawe ni miruku sootheene, ni mwiipe masalimu ni icipo sikina sa mmunepani, muntthapelaka Muluku mmirimanimwanyu.

aHeberi 2:1

Tivawo, ontthuneya weera niiweleleke nnenesene yeeyo niiwalaahu weera nihihapuwe.

aHeberi 3:14

Vekhaikhai, hiyo nri mpatta wa Kristu, navarela nnenesene mpaka ommaleloni nroromelo nne naakhalannaahu ompacereroni.

1 Yohaane 1:3

Hiyo ninoolaleerani yeeyo noonnaahu ni niiwalaahu weera nyuwotho mukhale oowiiwanana ni hiyo. Wiiwananawahu ori ni Atiithi ni Mwanaya, Yeesu Kristu.

1 Yohaane 1:7

Hiyo vano neetta ngwaarani ntoko Muluku oraawe ngwaarani, ninkhalano wiiwanana mukina ni mukhwaawe, ni ephome ya Yeesu Mwanawe, ennitteeliha wa soottheka sootheene.

1 Yohaane 2:7

Oosiveleya, nkinoolepelani nlamulo nnyowani, mene aani, na khalayi, nyuwo mwaaraanyuno okhuma ompacereroni: mutthenga mwiiwalaanyu.

1 Yohaane 3:24

Yaale aniiwelela malamulowaawe ankhala mwa Yoowo ni Owo mwa yaawo. Hiiho noosuwela weera Owo onkhala mwa hiyo: niwoko na Munepa onivanghaawe.

1 Yohaane 4:13

Noosuwela weera hiyo ninkhala mwa Yoowo ni Owo mwa hiyo, niwoko oonivaha sa Munepaawe.

1 Yohaane 4:15

Akhala mukina onaakhulela mwaatthuni weera Yeesu ti Mwaana a Muluku, vano Muluku onkhala mwa yoowo ni owo mwa Muluku.

1 Yohaane 4:16

Hiiho noosuwela osivela Muluku oraaweno wa hiyo ni ninroromela mwa osivelawene weiwo. Muluku ti osivela. Khula mutthu onkhala moosivelani, onkhalatho mwa Muluku ni Muluku mwa yoowo.

2 Yohaane 1:2

Ti ekhaikhai ela enkhala mwa hiyo, ni eniikhale ni hiyo mahuku ootheene.

2 Yohaane 1:9

Khula mutthu ohinkhala mwa nihusiho na Kristu, mene onghapuwa mphironi, khahiyono a Muluku. Yoole onkhala munihusihoni na Kristu ohaakhalano Atiithi nitho Mwaana.

3 Yohaane 1:3

Koohakalala vancipale woowaakhela anamaxekura axunna akina yuulumale mwaha wa ororomeleyawanyu, ni moota nyuwo mumpwahereraanyu mweettakaweettaka mwa ekhaikhai.

Ethupululo 3:11

Kinimoowa woowaakuveya. Mulipihe yeeyo muraanyuno weera ahikhale mukina aneera oowatuleni ecireembaanyu.

Ethupululo 3:3

Vano, muupuwelele yeeyo mwaakhenlaanyu ni mwiiwalaanyu. Mwiiwelele ni murukunxe murima. Mwaahivenyatho, nkirwe ntoko namwiiya, ni nyuwo khamurwa musuwela ehuhu heeni kineeraaka kirwe wa nyuwo.