1 Yohaane 2:22 - Emakhuwa Bible

²² Namootha taani, ahikhanle yoole onkhootta weera Yeesu ti Kristu? Namwiittana a Kristu ti ola: yoole onaakhootta Atiithi ni Mwaana.

1 Yohaane 2:22 Iomraidhean Croise

Matheyo 24:24

Eniikhumelele akristu oowootha ni maprofeeti oowootha eneera epake ineneero sitokotoko ni sootikhiniha weera, wawereya, yaalokotthe mpaka oothanliwa.

Matheyo 24:5

niwoko ancipale eniirwe mwa Nsinanaka yeeraka: ‘Miyo ti Kristu,’ ni eniyaalokotthe ancipale.

Yohaane 8:44

Nyuwo ti anamwane a Diyabu* ni muntthuna opaka ohaawelawawe. Owo aari namwiiva okhuma ompacereroni, ahittharaka ekhaikhai niwoko kheewowo ekhaikhai mwa yoowo. Owo oothaka, onuuluma nuulumonawe muneenaawe niwoko ti namootha ni ori atiithi a wootha.

1 Yohaane 1:6

Neera weera nookhalano wiiwanana ni Muluku, neettaka mpiphini, hiyo nnimootha ni khanneettela ekhaikhai.

1 Yohaane 2:18

Anamwane, ela ti ewoora yookisera, ni ntoko nyuwo mwiiwalaanyu weera namwiittana a Kristu onimoowa, vano anamwiittana a Kristu ancipale aakhumelela. Tivawo noosuwela weera ti ewoora yookisera.

1 Yohaane 2:23

Ootheene animukhootta Mwaana, khaanonotho Atiithi. Yoowo onimwaakhela Mwaana mwaatthuni, ookhalanotho Atiithi.

1 Yohaane 2:4

Yoowo oneera: “Miyo koomusuwela Muluku,” ahiiwelelakatho malamulowaawe, ori namootha ni ekhaikhai kheekhanle mwa yoowo.

1 Yohaane 4:20

Akhala mukina oneera: “Miyo kinimusivela Muluku,” amuthanyakatho munneiye, owo namootha, niwoko yoowo ohinimusivela munneiye onooneya, khangwera omusivela Muluku ori oohooneya.

1 Yohaane 4:3

Munepa wootheenetho ohinimulapa Yeesu, khoorwiiye wa Muluku. Owo ti munepa wa namwiittana a Kristu, mwa yoowo nyuwo mwaahiiwa weera onimoowa, ni vano ori mweelaponi.

1 Yohaane 5:1

Khula mutthu onroromela weera Yeesu ti Kristu, oyariwe wa Muluku, ni khula mutthu onaasivela Atiithi, onimusivelatho yoole oyariwe wa Muluku.

2 Yohaane 1:7

Wa hiihaawo, anamalokottha ancipale aakhumelela mweelaponi ya vathi, mwa yaawo khaanaakhulela weera Yeesu Kristu aarwiiye mweerutthuni. Yoole ti namalokottha ni namwiittana a Kristu.

Yuda 1:4

Vano, atthu akina, mwa yaawo nthorihelonaya naalempwale khalayi, ahiivoleiha muxiirini variyariwanyu. Awo ari atakhali, etatuxaka olavilavi mahala a Mulukwaahu ni animkhootta Yeesu Kristu, Namalamula mmoharu, Apwiyaahu.

Ethupululo 3:9

Miyo kinimwaanyesereriha yaawo ari a eSinagoga* ya Satana, yaawo aniixeerela weera ari aYuda ehikhanle, ereene toko anamootha, weera erwe yookokhoreleni inaawosanyu ni esuwele weera kohoosivelani nyuwo.