1 Yohaane 2:14 - Emakhuwa Bible

¹⁴ Anamwane miyo kohoolepelani, niwoko mohaasuwela Atiithi. Asitiithi, miyo kohoolepelani, niwoko moomusuwela Yoole ori okhuma ompacereroni mpaka vano. Amiravo, miyo kohoolepelani, niwoko nyuwo muri oolipa, ni Nsu na Muluku ninkhala mwa nyuwo, ni moongwina namatakhala.

1 Yohaane 2:14 Iomraidhean Croise

Icipo 119:11

Koothokorora maswaanyu mmurimanimwaka weera kihootthekeleni.

Yohaane 15:7

Nyuwo mwakhala mwa Miyo ni maswaaka mwa nyuwo, mmwivekele yeeyo muntthunaanyu ni mmwivahiwe.

Yohaane 5:38

Mpaka nsunaya khaninkhala mwa nyuwo niwoko khamunimuroromela Yoowo Atiithi amurumihalaaya.

Yohaane 8:31

Yeesu aaweerela aYuda yaamuroromenle: “Nyuwo mwapwaherera ni nthiti mwa nsunaka, vekhaikhai munookhala oohuseraaka.

Yohaane 8:37

Miyo koosuwela weera muri ekhapira ya Abrahaamu. Wa soothesene, munaasaasa okiiva niwoko khamuntthuna waakhela nsunaka.

awEfeso 6:10

Vanonto, mwiilipihe mwa Apwiya ni mwa ikurusaya sitokotoko.

aFilipi 4:13

Kingwera soothesene mwa Yoowo onkilipihera.

aKolosi 1:11

Nimvekelatho weera nyuwo muthatuwe oolipa ni ikuru sootheene niwoko na ikuru sa ovuwawawe weera muvilele sootheene ni oweherera ni ohakalala,

aKolosi 3:16

Masu a Kristu ekhaleke mwa nyuwo moota wookwana. Muxuttihane ni mulakane mukina ni mukhwaawe ni miruku sootheene, ni mwiipe masalimu ni icipo sikina sa mmunepani, muntthapelaka Muluku mmirimanimwanyu.

2 Timootheyo 2:1

Tivawo, weyo mwanaka, olipihere murima mmahalani ari mwa Kristu Yeesu.

aHeberi 8:10

Wu ori wiiraana Miyo kineeraaka kipake ni muloko wa aYixrayeli vahoolo wa mahuku awo, anghima Apwiya: Nkihele malamulowaaka mmuupuwelonimwaya, ni nkilepe yaawo mmirimanimwaya. Nkikhale Mulukwaaya, ni awo eniikhale mulokwaaka.

1 Yohaane 1:1

Ninlaleiya mwaha wa Nsu na okumi, mwa nenno naari okhuma ompacereroni. Aani ninlaleiya nenno niiwalaahu, noonnaahu ni maithwaahu, naawehawehaahu, ni nenno matataahu yaattaputtenraaya.

1 Yohaane 1:10

Hiyo neera weera khanipanke soottheka, nnimpaka Muluku oowootha ni nsunawe khaninkhala mwa hiyo.

1 Yohaane 2:13

Asitiithi, miyo kinoolepelani, niwoko moomusuwela Yoole ori okhuma ompacereroni mpaka vano. Amiravo, kinoolepelani, niwoko moongwina namatakhala.

2 Yohaane 1:2

Ti ekhaikhai ela enkhala mwa hiyo, ni eniikhale ni hiyo mahuku ootheene.

3 Yohaane 1:3

Koohakalala vancipale woowaakhela anamaxekura axunna akina yuulumale mwaha wa ororomeleyawanyu, ni moota nyuwo mumpwahereraanyu mweettakaweettaka mwa ekhaikhai.

Ethupululo 2:3

Nyuwo moovilela ni moohaawa niwoko na Nsinanaka ni khamunkhulumuwa.

Ethupululo 2:7

Yaawo arino maaru, yiiwe yeeyo Munepa onleelaaya ikerexa! Wa namawina nkimutthunihere oca sa mwiri wa okumi ori mParadisu* wa Muluku.