1 Yohaane 2:11 - Emakhuwa Bible

¹¹ Yoowo onimuthanya munneiye ori mpiphini ni oneettatho mpiphini. Owo khansuwela onkelaawewo, niwoko epiphi yoomukhaliha oohoona.

1 Yohaane 2:11 Iomraidhean Croise

2 Samuweli 13:22

Abesalomi khaamuulumenle etthu Amenoni yooreera hata yoonanara. Wa soothesene, aamuthanya Amenoni niwoko na omuverula murokoriye Tamari.

Masu a Miruku 4:19

Vaheera ephiro ya atakhali eri ntoko epiphi yootepaxa; mpaka awosa khaansuwela yeeyo enaakwattula.

Namalaleiya 2:14

Mutthu a miruku ookhalano maitho anoona, vaheera mulolo oneetta mpiphini; wa soothesene, kaahoona weera ooweeli arino ommaleloni omoharu.

Levitiku 19:17

Muhimuthanye munninyu mmurimanimwanyu. Munghiihe mwaattamwanaanyu mweekhaikhaiyini weera muhikhalanetho nthowa.

Yohaane 12:35

Vano Yeesu aaweerela: “Wa ehuhu vakhaani nlelo, waara onuukhale variyariwanyu. Mweette nlelo mureeneno waara weera epiphi ehoovareni niwoko yoole oneetta mpiphini khasuwenle onkelaawewo.

Yohaane 12:40

Aatatuxa oohoona maithwaaya ni ahuumiha mirimasaya weera ehoone ni maithwaaya, hata ehiiwexexe ni murima, hata ehirukunxe mirimasaya, ni Miyo kihaalamihe.

2 aKorinto 3:14

Vekhaikhai, soowuupuwelasaya soowaliwa, niwoko mpaka olelo ecireemba eyo enkhala waasommwaka Wiiraana wa Khalayi. Kheevenxiwe, niwoko emvenxiwa mwa Kristu paahi.

2 aKorinto 4:4

Muluku a ehuhu ela ohuumiha sowiiwexexa sa atthu oohiroromela, weera ehoone waara wa masu ooreeraxa a ovuwa wa Kristu, mwa Yoowo ori mukhalelo wa Muluku.

Titu 3:3

Khalayi hiyotho naari oohikhala ni miruku, oohiiwelela, oolokotthiwa, ni ootthukiwa ni mikhalelo soohiyanahiyana sa soohaawela sa erutthu. Naakhala mootakhalani ni munrimani, nireene oothanyeya, nithanyanaka mukina ni mukhwaawe.

2 Pedru 1:9

Wa soothesene, mukina aahikhalano iyo, khanoona, ori ni evaasi, attiwalaka otteelihiwawawe wa soottheka sa khalayi.

1 Yohaane 1:6

Neera weera nookhalano wiiwanana ni Muluku, neettaka mpiphini, hiyo nnimootha ni khanneettela ekhaikhai.

1 Yohaane 2:10

Yoowo onimusivela munneiye onkhala ngwaarani, ni mwa yoowo khaniwowo nthowa na okwattuliha.

1 Yohaane 2:9

Yoowo onghima weera ori ngwaarani, amuthanyaka munneiye, onoopwaherera mpiphini.

1 Yohaane 3:15

Yoowo onimuthanya munneiye ori namwiiva, ni nyuwo moosuwela weera khawowo namwiiva orino okumi woohimala mwaneenaawe.

1 Yohaane 4:20

Akhala mukina oneera: “Miyo kinimusivela Muluku,” amuthanyakatho munneiye, owo namootha, niwoko yoowo ohinimusivela munneiye onooneya, khangwera omusivela Muluku ori oohooneya.

Ethupululo 3:17

Nyuwo muneera: ‘Miyo namuhakhu. Koophwanya mihakhu ni nkinghaawela etthu,’ khamusuwenletho weera muri oothoiwa, oowuuliheya muru, oohaawa, oohoona ni muri pwitipwiti.