1 Yohaane 1:6 - Emakhuwa Bible

⁶ Neera weera nookhalano wiiwanana ni Muluku, neettaka mpiphini, hiyo nnimootha ni khanneettela ekhaikhai.

1 Yohaane 1:6 Iomraidhean Croise

Icipo 82:5

Awosa khaansuwela hata khaaniiwexexa etthu. Aneetta mpiphini; mathipelo ootheene a elapo ya vathi aatetereya.

Icipo 94:20

Khoongwereya weera ehice ya emwene yoonanara yiiwanane ni Nyuwo – ehiceene yeele enruuhela ohiroromeleya niwoko na ikanosaya.

Masu a Miruku 2:13

anghiya iphiro soowookoleleya weera ekuxere iphiro sa mpiphini,

Matheyo 7:22

Ancipale eniikeerele nihuku nenno: ‘Apwiya, Apwiya, khanilaleiye mwa Nsinananyu? Ni mwa Nsinananyu khanoomonle minepa soonanara, ni khanipanke sootikhiniha sincipale?

Yohaane 11:10

Eettaka ohiyu, onookwattuliwa niwoko mwa yoowo khoowowo waara.”

Yohaane 12:35

Vano Yeesu aaweerela: “Wa ehuhu vakhaani nlelo, waara onuukhale variyariwanyu. Mweette nlelo mureeneno waara weera epiphi ehoovareni niwoko yoole oneetta mpiphini khasuwenle onkelaawewo.

Yohaane 12:46

Miyo kaarweenle mweelaponimu ntoko Waara weera atthu ootheene ankiroromela Miyo, ehipwaherere okhala mpiphini.

Yohaane 8:12

Uulumakatho ni muloko wa atthu, Yeesu aaheera: “Miyo ti Waara wa elapo ya vathi. Yoowo onkitthara Miyo, kharwa eetta mpiphini, mene onookhalano waara wa okumi.”

Yohaane 8:55

Nyuwo khamwaasuwenle, mene Miyo kohaasuwela. Miyo keenre weera nkaasuwenle, saano kikhanleene namootha ntoko nyuwo, vekhaikhaitho Miyo kohaasuwela ni kiniiwelela maswaaya.

1 Timootheyo 4:2

Mahusihoweene yaawo anrweela wa atthu oolokhottha ni oowootha, murimaaya woowuuma.

Yakobe 2:14

Emvareleya eheeni, axunnaka, akhala mukina oneera ookhalano nroromelo, owo ahikhanleno miteko? Apaale nroromelo nno ninoowera omvuluxa?

Yakobe 2:16

ni mmoha a nyuwo amweerela: “Murowe ni murettele, ni mooreke ni mwace mpaka ovona,” ahimvahaka etthu, emvareleya eheeni?

Yakobe 2:18

Mukinatho aneere: “Nyuwo murino nroromelo ni miyo kirino miteko.” Mukoonihere nroromelonanyu noohikhalano miteko, ni miyo kinoowooniherani nroromelonaka mwa mitekosaka.

1 Yohaane 1:10

Hiyo neera weera khanipanke soottheka, nnimpaka Muluku oowootha ni nsunawe khaninkhala mwa hiyo.

1 Yohaane 1:3

Hiyo ninoolaleerani yeeyo noonnaahu ni niiwalaahu weera nyuwotho mukhale oowiiwanana ni hiyo. Wiiwananawahu ori ni Atiithi ni Mwanaya, Yeesu Kristu.

1 Yohaane 1:8

Hiyo neera weera khaninono soottheka, nnimwiilokottha ni ekhaikhai kheekhanle mwa hiyo.

1 Yohaane 2:4

Yoowo oneera: “Miyo koomusuwela Muluku,” ahiiwelelakatho malamulowaawe, ori namootha ni ekhaikhai kheekhanle mwa yoowo.

1 Yohaane 4:20

Akhala mukina oneera: “Miyo kinimusivela Muluku,” amuthanyakatho munneiye, owo namootha, niwoko yoowo ohinimusivela munneiye onooneya, khangwera omusivela Muluku ori oohooneya.