1 Yohaane 1:10 - Emakhuwa Bible

¹⁰ Hiyo neera weera khanipanke soottheka, nnimpaka Muluku oowootha ni nsunawe khaninkhala mwa hiyo.

1 Yohaane 1:10 Iomraidhean Croise

Yobi 15:14

Ongwereya hai mutthu okhala ootteela? Ongwereya hai mutthu onkhwa wuupuwela weera kookwanela?

Yobi 24:25

Waahikhanle hiiho, taani aneera akivaanye, ni aneera eere weera maswaaka kihitaphulele etthu?”

Icipo 130:3

Ii! Yave, Nyuwo mwaalikelela soottheka sootheene, taani aneera oopowe?

Yeremiya 2:35

nyuwo muneera: ‘Nkinthowa; Owo khakinyoonyeringwe.’ Mene Miyo kinimoolakelelani yoothorihaaka, niwoko nyuwo muneera weera khamutthenke.

Yohaane 3:33

Yoole onaakhulela, onaakhuleliha weera Muluku ti a ekhaikhai.

aKolosi 3:16

Masu a Kristu ekhaleke mwa nyuwo moota wookwana. Muxuttihane ni mulakane mukina ni mukhwaawe ni miruku sootheene, ni mwiipe masalimu ni icipo sikina sa mmunepani, muntthapelaka Muluku mmirimanimwanyu.

1 Yohaane 1:8

Hiyo neera weera khaninono soottheka, nnimwiilokottha ni ekhaikhai kheekhanle mwa hiyo.

1 Yohaane 2:14

Anamwane miyo kohoolepelani, niwoko mohaasuwela Atiithi. Asitiithi, miyo kohoolepelani, niwoko moomusuwela Yoole ori okhuma ompacereroni mpaka vano. Amiravo, miyo kohoolepelani, niwoko nyuwo muri oolipa, ni Nsu na Muluku ninkhala mwa nyuwo, ni moongwina namatakhala.

1 Yohaane 2:4

Yoowo oneera: “Miyo koomusuwela Muluku,” ahiiwelelakatho malamulowaawe, ori namootha ni ekhaikhai kheekhanle mwa yoowo.

1 Yohaane 4:4

Anamwane, nyuwo muri a Muluku ni mohaawina yaawo, niwoko Yoowo ori mwa nyuwo ti woopwahaxa munepa ori mweelaponi.

1 Yohaane 5:10

Yoowo onimuroromela Mwaana a Muluku ookhalano onamoona ola mwaneenaaweru. Yoowo ohinroromela mwa Muluku, onimukhaliha Muluku Namootha, niwoko khanroromela onamoona Muluku onkhalelaawe mwaha wa Mwanawe.

2 Yohaane 1:2

Ti ekhaikhai ela enkhala mwa hiyo, ni eniikhale ni hiyo mahuku ootheene.