1 Timootheyo 6:2 - Emakhuwa Bible

² Seiyo siri ipottha sinlamuliwa ni aneene aKristu sihaattittimiheke yaawo vakhaani, niwoko ari axunna. Ohiyanawaya, ontthuneya waarumeela moota woopwahaxa, niwoko yaawo anrumeeliwa ni mitekosaya ari oororomeleya ni oosiveleya. Waaxuttihe ni owooperere itthusene seiya.

1 Timootheyo 6:2 Iomraidhean Croise

Yoweli 2:28

“Vahoolowaya nkaayehere Munepaaka atthu ootheene. Anamwaniinyu asilopwana ni asithiyana eniithalihere otthuna wa Muluku, anamuuluvalaanyu eniilohe ni amiravowaanyu eniikhaleno nyoonelo.

Nuumeru 16:3

Awosa yaamwaattamela Moisesi ni Aharoni, enaweerelasa: “Wookwana! Muthukumano wootheene ola ti wootteela, khula mutthu a yaawosa ti ootteela, ni Yave ori eriyaraayasa. Vano heeni nyuwosa muniixunnuwihaanyu mmuthukumanoni wa Yave?”

Matheyo 23:8

Nyuwotho muhiitthaniweke muhusiha, niwoko mmoha paahi ori Muhusihaanyu, ni ootheene nyuwo muri axunna.

Matheyo 25:40

Mwene anaakhule: ‘Miyo kinooleelani ekhaikhai: ‘Yeeyo mwaampakenlaanyu mmoha a axunnaka ooyevaxa, mwaakipakenle Miyo.

Matheyo 6:24

Khaawo angwera waarumeela asineene eeli, niwoko mmoha onoomuthanya ni mukina onoomusivela, naari oopacera onoomurumeela ni nthiti, mene anaaveeli onoomuramusa. Nyuwo khamungwera omurumeela Muluku nitho musurukhu.

Miteko 1:15

Mahukweene yaale, Pedru aaheemela variyari wa axunna yaari wookwanaka atthu ncira ni miloko miili,

aRooma 11:17

Iphandi sikina soothikiliwa, mene nyuwo, mureene ya oliveira ya ntuphini, moolumbaanyiwa ni iphandi sikina ni vano nyuwo mungwura ebwanyaasi enrweela munkwankhwaarini wa sooliveira* sa ekhaikhai.

aRooma 8:29

Vano, yaawo Muluku aasuwenlaawe okhuma khalayi, aahaathanlatho weera ekhale oolikana ni Mwanawe, weera Owo akhale Ntthaara variyari wa axunneiye ancipale.

aGalata 5:6

Vano, mwa Kristu hata wiineliwa, hata ohiineliwa wookhala mureerelo, mene aani nroromelo nniixoonihera moosivelani.

awEfeso 1:1

Ya Pawulo, murummwa a Kristu Yeesu, ntoko Muluku aatthunaawe, wa ootteela ni oororomeleya mwa Kristu Yeesu ari wEfeso:

awEfeso 1:15

Tivawo, okhuma kiiwalaaka wuulummwa sa ororomelawanyu mwa Apwiya Yeesu, ni sa osivela nyuwo mungwooniheraanyu ootteela ootheene,

awEfeso 3:6

Ntikhinelo ti nna: niwoko na masu ooreeraxa, amalapo anoowera waakhela yoohiyeriwa* vamoha ni aYixrayeli. Amalapo aritho mipatta sa erutthweene yeeyo, ni mwa Kristu Yeesu aakhalano yoororomelihiweene yeeyo ntoko aYixrayeli.

aKolosi 1:2

wa ootteela ni axunna oororomeleya mwa Kristu ari oKolosi: mahala wa nyuwo, ni murettele onrweela wa Muluku Atithihu.

aKolosi 1:4

niwoko nohiiwa suulummwaka sa nroromelonanyu murinaanyu mwa Kristu Yeesu, ni sa waasivelawanyu ootteela ootheene,

aKolosi 4:1

Asineene, mvahe wa ipotthasanyu yeeyo eri ya ekhaikhai ni yootthuneya, musuwelaka weera nyuwotho mookhalano Apwiyaanyu ari wiirimu.

2 aTesalonika 1:3

Axunna, ontthuneya omutthapela Muluku mahuku ootheene niwoko na nyuwo, ni eyo yoophwaneleya, niwoko nroromelonanyu ninnunnuwa khula nihuku, nitho osivelawanyu murinaanyu mukina ni mukhwaawe.

1 Timootheyo 4:11

Waalamule ni waaxuttihe itthu seiya.

1 Timootheyo 5:1

Ohimuhiihe mulopwana oowuuluvala ni masu oolipa, mene omulipihere ntoko owo areene atithawo, ni waalipihere amiravo ntoko axunneiyo;

Titu 2:1

Wa soothesene, nyuwo muxutte nihusiho na ekhaikhai.

Titu 2:15

Muxuttihe itthusene seiya, mulipiheraka ni moopereraka ni ikuru sootheene. Ahikhale mukina aneera ooramuseni.

Titu 3:8

Masu ala ti oororomeleya, ni kintthuna weera nyuwo mulipihere nnenesene itthu iya, weera yaawo animuroromela Muluku epake miteko sooreera. Itthusene seiya siri sooreeraxa ni sinnaakhavihera atthu.

aHeberi 3:1

Tivawo, axunna ootteela, nyuwo muri a wiitthana wa wiirimu, mmuupuwelele nnenesene Yeesu ori Murummwa ni Mutokweenexa a asaserdoti* nnimulapaahu.

aHeberi 3:14

Vekhaikhai, hiyo nri mpatta wa Kristu, navarela nnenesene mpaka ommaleloni nroromelo nne naakhalannaahu ompacereroni.

1 Pedru 5:1

Ntoko mutokweene mukina, kingwooperera asitokweene ari variyariwanyu, kireene namoona a ohaawa wa Kristu, ni woonaka weera nkikhale mpatta wa ovuwa oneera wooniheriwe.

2 Pedru 2:10

wootepaxa yaale antthara soohaawela soonanara sa erutthu ni anramusa ikuru. Ereene oowuuma murima ni oowiixoona, atthweene yaawo khaanoova oveiha ikhalelo sa wiirimu.

Yuda 1:8

Mooteene yoowo, anamaloha awo amvaliha irutthusaya asineenaaya, ankhootta ikuru ni amveiha ikhalelo sa wiirimu.