1 Timootheyo 6:11 - Emakhuwa Bible

¹¹ Wa soothesene, weyo, mulopwana a Muluku, otthawe itthu sootheene iyo ni waasaase waakhuleliwa ni Muluku, murima wa omuluku, nroromelo, osivela, ovilela ni murima woomaaleleya.

1 Timootheyo 6:11 Iomraidhean Croise

1 Mamwene 13:1

Yave aamulamula mulopwana a Muluku mmoha okhuma oYuda arowaka oBeteli, Yerobowami eemenleene valtaarini* weera ahise erubani*.

1 Mamwene 13:26

Mprofeeti asuwelaka yeeyo, aaheera: “Ti mulopwana a Muluku aaramunse masu a Yave. Yave oomwinnyerera wa mwatto, mwa yoowo omvulalinghe, anamwiiva, ntoko Yave aamooperenraawe.”

1 Mamwene 17:18

Vano naamukhweli ole aamukoha Eliya: “Kootthekenleni mulopwana a Muluku? Murweenle va okuupuxera sootthekasaka ni omwiiva mwanaka?”

1 Mamwene 17:24

Vanonto muthiyana aamweerela Eliya: “Vano koosuwela weera muri mulopwana a Muluku ni masu a Yave munuulumanyu ti a ekhaikhai.”

1 Mamwene 20:28

Mulopwana a Muluku aarowa wa mwene a aYixrayeli, anamweerela: “Yave oneera ha: ‘Yeenre awArami yuupuwelaka weera Yave ti Muluku a mmwaako ahikhanle a munghawalawani, Miyo kinoowinnyerera mmatatanimwanyu anakhotto awo oowaattaxa ni nyuwo munoosuwela weera Miyo ti Yave.’”

2 Mamwene 1:13

Vanonto mwene aamurumiha mutokweene anaararu a anakhotto miloko mithanu vamoha ni anakhottwaawe omwaasa Eliya. Mutokweene ole aawela vanttumuxani, anamukokhorela Eliya, amudyoonttelelaka: “Dyoontte, mulopwana a Muluku, muureleke okumaaka ni okumi wa asilopwana miloko mithanu ala ari arumeiyaanyu!”

2 Mamwene 1:9

Vano mwene aamurumiha mutokweene a anakhotto miloko mithanu vamoha ni anakhottwaawe omwaasa Eliya. Mutokweene ole aamphwannye Eliya akilaantheene vasulu nttumuxa, anamweerela: “Mulopwana a Muluku mwene onoolamulani: ‘Mukhuruwe!’”

2 Mamwene 23:17

Mwene aakoha: “Nluku heeni nenna nookheriwa kinoonaaka vanihiyeni?” asilopwana a esidade yaamwaakhula: “Ninthoonyera nihiye na mulopwana a Muluku aarwiiye oYuda aalaleiyaka altaari* a oBeteli itthusene seiye mpakenlaanyu olelo.”

2 Mamwene 5:20

Gehazi, murumeiyi a Elixa, mulopwana a Muluku, aahiixeerela: “Pwiiyaaka oomureerelaxiwa Nahamani ngwArami ahitthunaka soovahasawe. Kinlipela mwa Nsina na Yave weera kinoomutthimakela weera koone kaariki kakuxe mpatta wa itthusawe.”

1 Nyaha 23:14

Anamwane asilopwana a Moisesi, mulopwana a Muluku, yaalikeliwe ntoko mpatta wa epuumba ya Leevi.

2 Nyaha 8:14

Aakawanyiha mikuttula sa asaserdoti* wa mitekosaya, ni aLeevi weera ehoolele icipo ni yaakhavihere asaserdoti*, attharihaka ekano ya atithawe, ni seiyo saatthuneya wa khula nihuku. Aahaathanlatho mikuttula mikuttula anamalipelela a milako soohiyanahiyana, attharihaka seiyo aalamulenlaawe Davide, mulopwana a Muluku.

Nehemiya 12:24

Asitokweene a aLeevi yaari Haxabiya, Xerebiya, Yexuwa, mwaana mulopwana a Kademiyeli ni asikhwaaya yaakhala ohoolowaya weera, mpatta mmoha wiipaka icipo sa olapa ni otthapela, mpatta mukina owaakhuleleke, ntoko Davide, mulopwana a Muluku aalamulenlaawe.

Nehemiya 12:36

ni asikhwaaya: Xemaya, Azareli, Milalai, Gilalai, Mahaya, Nataneli, Yuda ni Hanani. Awosa yiipa ikaruma soowiinano saalamuleliwa ni Davide, mulopwana a Muluku, ni namalepa, Ezera, aakhala ohoolowayasa.

Icipo 34:14

Mususe wa soonanara ni mpake yooreera; mwaasaase murettele ni nthiti.

Icipo 38:20

Yaale ankaakakhanyihera yooreera ni yoonanara ankuuluma miyo kaattharaka yeeyo eri yooreera.

Masu a Miruku 15:9

Yave onthanya iphiro sa atakhali, vaheera onimusivela yoowo onaasaasa ekhaikhai.

Yesaya 51:1

Mukiiwe nyuwosa muntthara yoororomeleya ni mummwaasa Yave: Mungwehe mwala mwa yoowo mwaathikiliwaanyuwo ni ompwexiwa maluku mwaathimpwaanyuwo;

Yeremiya 35:4

Miyo kaahaarongha Mpaani mwa Yave, vasaala ya anamwane asilopwana a Hanani, mwaana mulopwana a Higedaliya, mulopwana a Muluku. Esaala yaari mukerekhere esaala ya ahooleli ni vathivaya yaari esaala ya Maaseya, mwaana mulopwana a Xalumi, namalipelela a mulako.

aRooma 14:19

Tivawo, naasaase itthusene seiyo sinruwera murettele ni sinkhavihera opuhihana.

1 aKorinto 10:14

Tivawo, axunnaka oosiveleya, mutthawe wa olapa miluku soolokottha.

1 aKorinto 14:1

Mutthareke osivela ni mwaasaase ni nthiti samahala sa Munepa, vancipalexa yamahala ya othalihera otthuna wa Muluku,

1 aKorinto 6:18

Mutthawe wa oraruwa. Soottheka sootheene mukina opankaawe, ompakiwa omokoni wa erutthu, mene yoowo onttheka mooraruwani, onttheka mweerutthunimwawe.

Deuteronomiyo 16:20

Mutthareke ekhaikhai paahi weera mukhaleno okumi ni mukuxe elapo Yave Mulukwaanyu onoovahaaweni.

Deuteronomiyo 33:1

Ti yaala mareeliho aavanghaawe Moisesi, mulopwana a Muluku, aareelihaka aYixrayeli ahinaaye okhwa:

1 Timootheyo 1:14

Wa soothesene, mahala a Apwiyaahu kooriheliwa miyo moota woowaatta, vamoha ni nroromelo ni osivela ori mwa Kristu Yeesu.

1 Timootheyo 4:12

Ahikhale mukina onooveiha weyo niwoko na omiravowaawo, mene okhale ethoonyero wa atthu mmasuni, mmweetteloni, moosivelani, munroromeloni ni muntteelihoni.

1 Timootheyo 5:10

oosuweliwa nnenesene niwoko na mitekosawe sooreera; miteko ntoko waahuwa anamwane, owaakhela matata meeli aletto, orapiha inaawo sa ootteela, waakhavihera yaawo ari mmahooxoni, ni iilevaka opaka miteko sooreera sootheene.

1 Timootheyo 6:20

Timootheyo, othokorore yeeyo ovahereriwaawo. Osembe nyaha sa siiyo ni soohitteela ni miruku sa wiittana siniitthaniwa moolokotthani “esuwelo.”

2 Timootheyo 2:21

Akhala mukina oniirapiha mwa itthusene seiyo sookisera, anaakhale mwaapu woottittimiheya, wootteelihiwa ni woovareleya muteko wa Apwiya, ni wooreherereliwa muteko wooreera wootheene.

2 Timootheyo 2:22

Otthawe soohaawela soonanara sa omiravo, ni otthare waakhuleliwa ni Muluku, nroromelo, osivela, ni murettele, vamoha ni yaawo angwiitthana Apwiya ni murima wootteela.

2 Timootheyo 3:10

Wa soothesene, weyo woosuwela nihusihonaka, mweettelowaaka, otthunawaka, nroromelonaka, opixiwaka murima, osivelawaka ni ovilelawaka;

2 Timootheyo 3:17

weera mulopwana a Muluku akhale oowera ni oorehereriwa nnenesene wa muteko wooreera wootheene.

aHeberi 12:14

Mwiilipihe weera mukhale mmuretteleni ni atthu ootheene ni weera mukhale ootteela, niwoko ohikhanle ntteeliho, khaawo eniwoone Apwiya.

1 Pedru 3:11

Mususe wa yoonanara, ni mpake yooreera. Mwaasaase ni mutthare murettele.

1 Samuweli 2:27

Vanonto mulopwana mmoha a Muluku aamwaattamela Eli, anamweerela: “Yave oneera ha: ‘Kaahiixoonihera vaate wa atitthinyu awosa yaaraaya wExipitu elamuliwaka ni Farawu*.

1 Samuweli 9:6

Vano, murumeiyaawe aamwaakhula: “Moone, musidadeni ela ookhala mulopwana a Muluku oottittimiheya. Sootheene owo onghimaawe sinimweereya. Nrowe namuulumane. Apaale owo onoonithoonyera ephiro yookuxera.”