1 Timootheyo 6:1 - Emakhuwa Bible

¹ Ootheene yaale ari akaporo yaattittimihaxeke yaawo anaalamula, weera Nsina na Muluku ni nihusihonahu nihiveihiwe.

1 Timootheyo 6:1 Iomraidhean Croise

Epacerero 16:9

Vano ndyelo a Yave aamweerela: “Muhokoleele vaate wa pwiiyaanyu ni mwamwiiwelelewo.”

Epacerero 24:12

Vano aavekela: “Yave, Muluku a apwiyaaka Abrahaamu, mukivahe nihuku nna etthu yooreeraxa, ni mukhale ni murima wooreera mwaakhalelaka apwiyaaka Abrahaamu.

Epacerero 24:2

Vanonto aamweerela murumeiyaawe mutokweene aawehaweha sootheene aarinaawe sa vaatevawe: “Wiikaathi ntatanawo vatakhwiniwaka

Epacerero 24:27

“Ooreelihiwa ti Yave, Muluku a apwiyaaka Abrahaamu, ohihiyerenre owoonihera apwiyaaka oreerawawe murima ni ororomeleyawawe. Wa mpattaaka, Yave aakeettiha akihoolaka mphironi mpaka vaate wa asinaangolowaaya apwiyaaka.”

2 Samuweli 12:14

Wa soothesene, mweenre munruwana Yave, mwaninyu mulopwana onimookhwa.”

2 Mamwene 5:13

Arumeiyi a Nahamani yaamwaattamela, enamweerela: “Tiithi, mprofeeti oovekenleni etthu yoorika, khamwaapaka? Wootepaxa oweerelani paahi: ‘Mwarape ni munoolama.’”

Nehemiya 9:5

aLeevi Yexuwa, Kademiyeli, Haxabiniya, Xerebeya, Hodiya, Xibaniya ni Petahiya yaaheera: “Mweemele muntthapeleke Yave Mulukwaanyu ori oohimala.” Nsinananyu noovuwaxa nreelihiwe. Nivuwihiweke woopwahaxa mareeliho ni otthapela wootheene.

Yesaya 47:6

Kaanyoonyeriwa mulokwaaka kinanarihaka yoohiyeraaka; kaawinnyerera mmatatanimwanyu ni nyuwo, Babiloniya, khamwaamorenle ikharari. Mpaka mwaawiikaathera yoolemelaxa anamuuluvala.

Yesaya 52:5

Yave onghima: “Ni vano, kirinoni va? Mulokwaaka orimwaasa okuxiwa ni yaawo anlamula anootthebwa,” onghima Yave. “Ni ehuhu yootheene Nsinanaka noolaphiwa.

Yesaya 58:6

Moota wa otthuka kintthunaaka wa nyuwosa ti ola: otaphula onyooro wa ohiroromeleya ni mikhoyi sa soolemelaxa; owoopola oohasuliwa ni ophwata moota wootheene wa yoolemelaxa.

Ezekiyeli 36:20

Vano, weiwo yaarowaayaru eriyari ya miloko, awosa yaahiiriha Nsinanaka Nootteela, niwoko yeerelasiwa: ‘Ola muloko wa Yave, mene waarookhalaru hiiho, waatthuneya okhuma mulaponi yaavahiwaaya ni Yave.’

Ezekiyeli 36:23

Kinimoonihera otteela wa Nsinanaka Nootteela nihiirihiwe eriyari ya miloko, Nsina muhiirihalaanyu eriyaraaya. Miyo kiixooniheraka ootteela mwa nyuwosa vamaithoniwaya, miloko sinoosuwela weera Miyo ti Yave, onghima Yave onlamula sootheene.

Malekiya 1:6

“Mwaana onaattittimiha atithawe, ni murumeiyi onimuttittimiha pwiiyaawe. Miyo kaareene Tiithi, okittittimihawanyu ori woowi? Miyo kaareene Pwiiya, okoovawanyu ori woowi? Onookohani ti Yave, a ikuru sootheene. Ti nyuwo asaserdoti* munnyoosa Nsinanaka! Vaheera nyuwosa munkoha: ‘Ninyoosale moota heeni Nsinananyu?’

Matheyo 11:30

Vano, yoolemelaaka ti yooveruwa, ni murindaaka woohilemela.”

Matheyo 11:9

Vatthuva, eheeni mwaarongwaanyu woona? Mprofeeti? Aani, Miyo kinooleelani, ompwaha mprofeeti.

Luuka 17:1

Yeesu aaweerela oohuseraawe: “Ti woohisembeya weera sikhumelele itthu soowaatthekiha atthu, mene Ii! Onoohaawa yoowo ongwera iye!

Miteko 10:22

Asilopwana yaamwaakhula: “Nirweenle mpatta wa kenturiyoni* Korneliyu. Owo mulopwana oororomeleya ni oomoova Muluku, oottittimihiwa ni muloko wootheene wa aYuda. Ndyelo ootteela aamweerela weera onoowiitthanani owannyawe weera owo iiwe maswaanyu.”

Miteko 10:7

Apwahaka ndyelo aamuulumenle, Korneliyu aawiitthana eeli a arumeiyaawe ni nakhotto mmoha a murima wa omuluku, mmoha a yaale yaamurumeela,

Miteko 15:10

Vano, heeni nyuwo muntthunaanyu omweerera Muluku, mwaathatelihaka yoolemela oohusera, mwa yeeyo hata hiyo, naari makholowaahu, khayaawenre ovilela?

aRooma 2:24

Ntoko elempwalaaya: “Nsina na Muluku nri nooveiheya variyari wa amalapo niwoko na nyuwo.”

1 aKorinto 10:32

Mweette mooteene yoowo weera muhikwakwathuwe, hata aYuda, hata aGrego, hata ekerexa ya Muluku.

aGalata 5:1

Kristu oonitaphula hiyo weera nikhale vekhaikhai maneethi. Tivawo, mpwaherere oolipeene ni muhiihiye muvolowakatho moolemelani wa okaporo.

Deuteronomiyo 28:48

vano nyuwosa mmwaarumeelase amwiittana aneeraawe oorumiheleni Yave, nyuwosa mureene mutalani ni muntthonani, moosiwani ni oohaawaxa. Owo anaahele nivatta na eyuuma muxikomwanyu mpaka aneeraawe oophwateeni.

1 Timootheyo 5:14

Tivawo kinaalakaaka asinaamukhweli oohuuluvala weera ethelane, yaayare anamwane, ni yeettihe vaatewaya ehimvahaka nthowa na oveiha namwiittana.

Titu 2:5

ekhale a miruku, ootteela, oosuwela okilaathi vaatevaya, ooreera murima, oowiiwelela asiiyaya, weera masu a Muluku ehikhale ooveihiwa.

1 Pedru 2:12

Mweette ni mukhalelo wooreera variyari wa amalapo. Mooteene yoowo awo yaawootherakani nyuwo weera mumpaka yoonanara, eniyoone yooreera mumpakaanyu, ni eniimuttottopele Muluku vanihukuni na oxekura.

1 Pedru 3:16

Mpaketho yeeyo ni wiiyeviha murima ni nttittimiho, mukhalanaka murima wooreera. Hiiho, yaawo anuuluma soonanara sa mweettelowaanyu wooreera mwa Kristu, eniiyuuliwe muru mwa sowaapasaya.