1 Timootheyo 5:6 - Emakhuwa Bible

⁶ Naamukhwelitho yoowo onkhala wa ohakalala wa elapo ya vathi, hata areene ni okumi, ohookhwa.

1 Timootheyo 5:6 Iomraidhean Croise

Epacerero 2:17

vaheera muhiceru sa mwiri onsuweliha yooreera ni yoonanara, niwoko nihuku muneeraanyu muce sa yoowo, vekhaikhai mmwikhwe.”

Masu a Miruku 29:21

Akhala mukina onramela epotthaawe ahilakaka okhuma emiravowaaya, ommaleloni onoothanana.

Yesaya 22:13

Mene ovirikanawaya, waakhala ohakalala ni ococopolana; wiiviwa wa imombe ni ikhondoolo; okhuura wa enama ni owura wa soowura! Nyuwosa mweera: “Niceeke ni niwureke niwoko omaalo nnimookhwa!”

Yesaya 47:1

“Nyuwo mwaamwali oowiikosoopa, murowe, mwakilaathi muntthupini; mukilaathi puruvuru woohikhala ehice ya emwene, mwaana muthiyana a oBabiloniya. Khamwiitthaniwatho ooreera ni oophwaneliwa.

Yeremiya 6:2

Kinoomphwata mwaana muthiyana a oSiyoni ooreeraxa ni oophwanelaxiwa.

Icipo Soolalamika 4:5

Yaale yaakhovelenle oca yooca yooreerela, anghaawela mmiseweni. Yaale yiiphwaneliha ni ikuwo sa kanka olelo anuupuruwa mukokholani.

Matheyo 8:22

Vano Yeesu aamweerela: “Mukitthare, ni muhiye mittembo sivithe mittembosaya.”

Luuka 12:19

Miyo nkiixeerele: ‘Nyuwo mookhalano sooreela sincipale soothokororiwa wa iyaakha sincipale. Mwiitthuuwe, muce, ngwure ni muhakalale.’

Luuka 15:13

Vahoolo vakhaani, mwaana mukhaani aathukumanyiha sootheene aarinaawe, anarowa mweelaponi ya ottai. Weiwo aananariha sooreelasawe, ahipwatthaka mweettelowaawe.

Luuka 15:24

Vano, mwanaka ola aahookhwa ni oovenyerera; aariheya, vano oophwanyeya.’ Hiiho yaapacera ni efesta.

Luuka 15:32

Ontthuneyatho weera hiyo nimutthapeleke ni nimuhakalaleleke, niwoko munneiyo ole aahookhwa ni oovenyerera; aariheya ni vano oophwanyeya.’”

Luuka 16:19

Aakhala mulopwana oopuha aawara soowara sooxeera ni ikuwo soorikaxa, ni aakhala ni mihakhu mahuku ootheene.

Luuka 7:25

Apaale mwaarongwe woona eheeni? Mulopwana awanreene ikuwo sooreeraxa? Moone, yaawo angwara ikuwo sooreeraxa ni antthara mihakhu, ankhala mpaani sitokotoko sa mamwene.

awEfeso 2:1

Nyuwo mwaari ookhweene mwa sootakhalasanyu ni sootthekasanyu,

awEfeso 2:5

niwoko na osivelaxawawe onisivenlaawe hiyo naaraahu nlelo ookhweene mwa sootakhala. Nyuwo moovuluxiwa niwoko na mahala!

awEfeso 5:14

niwoko waara ommwaleela itthu sootheene. Tivawo yeeriwaaya: “Muvenye, nyuwo munkona, muvenyerere mookhwaani, ni waara wa Kristu oniwoomwaleeleni.”

Deuteronomiyo 28:54

Hata ooleeleya variyariwanyu khammorela ikharari munneiye naari mwaariye onimusivelaawe hata anamwane eniihale ni okumi,

Deuteronomiyo 28:56

Muthiyana ooleeleya ni a emutthu variyariwanyu – yoowo aahaamutannyaru mukina – anaawehe aahovelaka aiyawe onaasivelaawe nitho anamwanaawe.

aKolosi 2:13

Nyuwo mwaaraanyu ookhweene mootakhalani ni moohiineliwani wa erutthwaanyu, Muluku ohoohihimuxani vamoha ni Kristu. Owo oonilevelela sootakhala sootheene,

2 Timootheyo 3:6

Ti yaawo aneetteetta vaate ti vaate ni anaapaka okaporo athiyana oohilipa, oosareya soottheka, mwa yaawo aneettihiwa ni soohaawela soonanara soohiyanahiyana.

Yakobe 5:5

Nyuwo mookhala moopuhani ni soohaawelasanyu mweelaponi ya vathi, ni moovona yooca vanihukuni na wiiviwa.

Ethupululo 18:7

Muringoweene yoowo owo iivuwiheraaweno ni sooreela iivaherenraaweno, vano muvarele muteko muringo owo ophima ottaruxawawe ni soohooxasawe. Mmurimanimwawe owo aamwiivuwiha: ‘Kikilaathiye ntoko pwiyamwene; nkihiyono naamukhweli, ni nkirwa kilalamika.’

Ethupululo 3:1

“Wa ndyelo a ekerexa eri ya oSardi, mulepe: Awo ari masu a Yoole orino minepa mithannamiili sa Muluku ni ithenyeeri ithannapiili. Koosuwela mitekosanyu. Moosuwanyeya ntoko ekerexa ya okumi, mene eri yookhweene.

1 Samuweli 15:32

Vanonto Samuweli aaheera: “Mukiruuheleke Agagi, mwene a awAmaleki.” Agagi aarowa ahihovelaka okhwa, uupuwelaka: “Vekhaikhai, woopiha wa okhwa woovira.”

1 Samuweli 25:6

Mwamuleele: “Sootheene siweetteleni nnenesene! Mpuha wa nyuwo ni vaatewanyu. Mpuha wa sootheene muraanyuno!