1 Timootheyo 5:10 - Emakhuwa Bible

¹⁰ oosuweliwa nnenesene niwoko na mitekosawe sooreera; miteko ntoko waahuwa anamwane, owaakhela matata meeli aletto, orapiha inaawo sa ootteela, waakhavihera yaawo ari mmahooxoni, ni iilevaka opaka miteko sooreera sootheene.

1 Timootheyo 5:10 Iomraidhean Croise

Epacerero 18:4

Kinooruma oroweliwa maahi vakhaani weera murapihe inaawo nitho weera mwiitthuuwe vakhaani vathi wa mwiri ola.

Epacerero 19:2

Vano aaheera: “Asipwiyaka, dyoontte, mukihoole vaate wa murumeiyaanyu weera mwarapihewo inaawosanyu, ni mmwavirihe ohiyu wootheene weiwo. Omaalo oxeexelo mwapwaherereke ni mukwaahaanyu.” Awo yaamwaakhula: “Hoye, hiyo nnivirihe ohiyu munseweni.”

Epacerero 24:32

Vanonto murumeiyi aarowa owaani ni Labani aalamulela okuruxiwa mirindi vakameluni. Aavaha malaxi ni yooca ikamelu* iye ni maahi wa mulopwana ole vamoha ni yaawo yaari ni yoowo weera erapihe inaawo.

Epacerero 43:24

Vahoolowaya aahaaroiha vaate wa Yoseefe, anaavaha maahi weera erapiheke inaawosaya, anaavahatho yooca abuurwaaya.

Icipo 119:4

Nyuwo muneenaanyu moovaha ikano sintthuneya wiiweleliwa nnenesene.

Yesaya 1:17

muxuttere opaka yooreera, mwaasaase ekhaikhai, mmalihe nihasu. Ngwanele soophwanela sa akwaasuni ni mwaakihe mulattu wa asinaamukhweli.”

Levitiku 25:35

Mukina a aYixrayeli ahaawa, ahinawera wiiciha, munkhavihere ntoko ompakeliwaawe namarwa hoye hoye namavira weera apwaherere okhala eriyaraanyu.

Matheyo 25:17

Nitho yoowo aakhenle italentu* piili aawina piili sikina.

Matheyo 5:16

Hiihotho mwaarihe waarawanyu ohoolo wa atthu, weera yooneke mitekosanyu sooreera ni yaavuwihe Atithinyu ari wiirimu.

Luuka 7:38

aaheemela ottuli wa Yeesu vanaawoni. Iinlaka, aapacera onaaniha inaawo sa Yeesu ni maithoraawe. Vahoolowaya aahuukuttha ni mayihaawe inaawo sa Yeesu, anabeeca inaawo iye anattikitthela ni makhura oowunkhelaxa.

Luuka 7:44

Vahoolowaya, aamurukunuwela muthiyana ni aamweerela Simeyoni: “Moomoona muthiyana ola? Miyo koovolowa mpaanimwanyu, mene nyuwo khamukivanghe maahi weera kirapihe inaawosaka. Olatho oonaaniha inaawosaka ni maithoraawe ni ohuukuttha ni mayihaawe.

Miteko 10:22

Asilopwana yaamwaakhula: “Nirweenle mpatta wa kenturiyoni* Korneliyu. Owo mulopwana oororomeleya ni oomoova Muluku, oottittimihiwa ni muloko wootheene wa aYuda. Ndyelo ootteela aamweerela weera onoowiitthanani owannyawe weera owo iiwe maswaanyu.”

Miteko 22:12

Mulopwana mmoha iitthaniwa Ananiya, mulopwana oneetta moota woororomeleya mwaha wa nlamulo ni oottittimihiwa ni aYuda ootheene ankhala weiwe,

Miteko 6:3

Axunna, mwaathanle variyariwanyu asilopwana athanneeli a onamoona wooreera, oosareya ni Munepa ni a miruku. Hiyo ninrowa waakhalihera muteko ola,

Miteko 9:36

Vano, aakhala oYope oohusera muthiyana mmoha iithaniwa Tabita (eyo tiiyo yootaphuleliwa Dorka), mwa yoowo aakhala ni nthiti opaka miteko sooreera ni ovaha soovaha.

Miteko 9:39

Pedru aahaahoolela ni aphiyakaru, aaronghiwa mukwartuni mwa empa ya musulu. Asinaamukhweli ootheene yaamurukureera, yiinlaka ni emooniheraka soowara ni ikuwo sikina Dorka aapankaawe nlelo areene vamoha ni yaawo.

aRooma 12:13

Mwaakawele ootteela seiyo awo anghaawelaaya, ni ngwaakheleke nnene yaawo anoophiyerelani.

awEfeso 2:10

Vano, nri ephattuwelo ya Muluku, epakiwe mwa Kristu Yeesu weera nipake miteko sooreera, mwa seiyo Muluku onirehererenlaawe toko weera hiyo nivareke.

aKolosi 1:10

Nimvekela yeeyo weera mweettelowaanyu okhale woowaaphwanelela Apwiya, ni weera mwaasivelihe Yaawo mwa soothesene, mwiimaka soowiima sa miteko sooreera, munnuwaka mwa esuwelo ya Muluku.

1 Timootheyo 2:10

mene yiiphwanelihaka ni miteko sooreera, ntoko ontthuneyaaya wa athiyana animulapa Muluku.

1 Timootheyo 3:2

Ontthuneyatho weera mutokweene onkosoopa* akhale oohikhalano nthowa, mulopwana a mwaara mmoha, oowehaweha, oowiisumaaliha, oottittimiheya, oowaakhela aletto, ni oowera oxuttiha;

1 Timootheyo 3:7

Ontthuneyatho okhaleliwa onamoona wooreera ni atthu a omokoni weera ahimorele ngwootheriwani, hata muntaphani na Diyabu*.

1 Timootheyo 5:16

Akhala muthiyana mukina muKristu orino asinaamukhweli veemusiniwawe, ontthuneya waakhavihera. Ehireiwe ekerexa murindi woolemela, weera asinaamukhweli anghaawa vekhaikhai ekhaviheriwe ni yeeyo.

1 Timootheyo 5:25

Mooteene yoowo ni miteko sooreera – ti soosuwanyeya, ni seiyo soohisuwanyeya khasingwereya opwaherera wiipithiheya.

1 Timootheyo 6:18

Waaleele weera epake yooreera, ekhale oopuha mmitekoni sooreera, oolikana ovaha ni ookawela itthusaya.

2 Timootheyo 1:5

Kinuupuwelela nroromelonawo noohiixeera naapacenre okhala mwa amunno Loyide ni mwa amayawo Eunisi, ni vano kooviriyeliwa weeratho ninkhala mwa weyo.

2 Timootheyo 2:21

Akhala mukina oniirapiha mwa itthusene seiyo sookisera, anaakhale mwaapu woottittimiheya, wootteelihiwa ni woovareleya muteko wa Apwiya, ni wooreherereliwa muteko wooreera wootheene.

2 Timootheyo 3:15

Vano, okhuma enamwanaawo woosuwela Yoolempwa* Yootteela, engwera woovaha miruku sinrongha woovuluwani niwoko na nroromelo mwa Kristu Yeesu.

2 Timootheyo 3:17

weera mulopwana a Muluku akhale oowera ni oorehereriwa nnenesene wa muteko wooreera wootheene.

Titu 2:14

Yeesu Owo iiveleenle wa hiyo weera anivuluxe wa sootakhala sootheene ni atteelihe muloko wa Yoowo mwaneenaawe, muloko mmoha ori ni nthiti opaka miteko sooreera.

Titu 2:7

Mwa soothesene mukhale nyuwo muneenaanyu ethoonyerowaaya a mikhalelo sooreera, mupakaka miteko sooreera. Muxuttihe ni murima wa ekhaikhai ni woottittimiheya,

Titu 3:1

Ngwuupuxere ootheene weera yaatthare mamwene ni asitokweene, ewiiweleleka yaawo ni ekhalaka oolikaneene mahuku ootheene weera epake sootheene siri sooreera.

Titu 3:14

Atthwaahu ehusere opaka ni nthiti miteko sooreera, weera sihaathowe soohaawelasaya sa khula nihuku ni ehikhale oohiruwera.

Titu 3:8

Masu ala ti oororomeleya, ni kintthuna weera nyuwo mulipihere nnenesene itthu iya, weera yaawo animuroromela Muluku epake miteko sooreera. Itthusene seiya siri sooreeraxa ni sinnaakhavihera atthu.

aHeberi 10:24

Nuupuwele moota heeni nneerahu nilipihane mukina ni mukhwaawe wa osivela ni miteko sooreera.

aHeberi 13:2

Muhittiwale oletto, niwoko epakaka yeeyo, akina yaawaakhela andyelo ehisuwelaka.

aHeberi 13:21

ookwaneliheni nyuwo mwa sooreera sootheene weera mupake otthunawawe. Owo awere mwa hiyo muteko woomusiveliha mwaha wa Yeesu Kristu, mwa Yoowo okhale ovuwa woohimala. Ame*.

1 Pedru 2:12

Mweette ni mukhalelo wooreera variyari wa amalapo. Mooteene yoowo awo yaawootherakani nyuwo weera mumpaka yoonanara, eniyoone yooreera mumpakaanyu, ni eniimuttottopele Muluku vanihukuni na oxekura.

1 Pedru 4:9

Mwaakhelelaneke nnenesene mukina ni mukhwaawe mmavaate, muhittaandawulanaka.

3 Yohaane 1:12

Vano, mwaha wa yoowo Demetriyo, atthu ootheene anghima nnene, ni ekhaikhai eneenaaya enghimatho nnene. Hiyotho ninnuuluma nnene sa yoowo, ni nyuwo munsuwela weera onamoonaahu ti wa ekhaikhai.