1 Timootheyo 4:3 - Emakhuwa Bible

³ Awo ankhoottiha othelana ni oca yooca Muluku opattuxalaawe weera eciwe ni otthapela ni yaawo anroromela ni ansuwela ekhaikhai.

1 Timootheyo 4:3 Iomraidhean Croise

Epacerero 9:3

Itthu sootheene sirino okumi nsikhale yoocaanyu. Hiiho ntoko koovanghaakani soowiima weera muce, hiihotho kinoovahani itthu sootheene.

Namalaleiya 5:18

Hiiho, kohoonelela weera wa mutthu, yoomureerela ni yootthunaawe, ti oca, owura ni opuha yeeyo ophwannyaawe ngwiiminyaalelanimwawe wootheene mulaponi mmahukuni vakhaani a okumi Muluku onimvahaawe, niwoko eyo ti yoovaheriwaawe.

Daniyeli 11:37

Owo kharwa attittimiha miluku sa makholowaawe hata miluku soothanliwa ni asithiyana naari kharwa ampwattha akhalaru muluku, mene onimwiivuwiha eeraka ti mutokweene opwaha iyo.

Matheyo 14:19

Owo aahaalamulela atthu ancipale weera ekilaathiki vathi. Akuxaka ipaawu ithanu ni ihopa piili ni awehaka osulu wiirimu, aamutthapela Muluku ni aameiyanyiha ipaawu. Vahoolowaya aahaavaha oohuseraawe, enaakawela atthu ancipale.

Matheyo 15:11

Kheehiyono yeeyo emvolowa mmwaano enimunanariha mutthu, mene yeeyo enkhuma mmwaano.”

Matheyo 15:36

Akuxaka ipaawu ithannapiili ni ihopa, aareeliha, anameiyanyiha ipaawu, anaavaha oohusera. Vano oohusera yaahaakawela atthu ancipale.

Luuka 24:30

Areene vameesa ni yaawo, aakuxa ipaawu, anatthapela, anameyanyiha, anaavaha.

Yohaane 6:23

Vano, makula makina ekhumaka oTiberiyade yaakhuveela nipuro weiwo atthu ancipale yaaciiyaaya ipaawu Apwiya emalingheene omtthapela Muluku.

Miteko 27:35

Ahimaka yeeyo, aakuxa epaawu ni aamutthapela Muluku ohoolo wa ootheene. Aameyanya ni aapacera okhuura.

aRooma 14:17

Omwene wa Muluku khoohiyono yooca, naari yoowura, mene waakhuleliwa, murettele ni ohakalala mMunepani Wootteela,

aRooma 14:3

Yoole onca soothesene ahimuramuseke yoole ohinca, ni yoole ohinca soothesene ahimuthoriheke yoole onca, niwoko Muluku ommwaakhelela.

aRooma 14:6

Yoowo onttittimiha nihuku nimoha ntoko noottittimiheyaxa, ompaka yeeyo wa Apwiya. Yoowo onkhuura enama, onkhuura wa Apwiya, niwoko onnaavaha asantte Apwiya; ni yoowo onghiya, onghiya wa Apwiya, ni onnaavaha asantte Yaawo.

1 aKorinto 6:13

“Sooca sipakeliwe nipwiipwi ni nipwiipwi wa sooca,” mene Muluku anaaphwate soopiili. Vano, erutthu kheehiyono wa olavilavi, mene wa Apwiya, ni Apwiya wa erutthu.

1 aKorinto 7:28

Vaheera mwathela, khamunono yoottheka, ni mwaamwali oowiikosoopa atheliwa, khanonotho yoottheka. Vano yaawo athelanne eniikhalane sookacamiha sincipale mookuminimwaya ni kintthuna owoopolani mwa yeeyo.

1 aKorinto 8:8

Vanonto, yooca kheennitatuxa oowaakhuleleya ohoolo wa Muluku. Khaninkhala ootepaxa hiyo naahica, hata ooreeraxa hiyo naca.

aKolosi 2:16

Tivawo muhimuhiye mukina oothorihakani niwoko na yeeyo nyuwo munkhuuraanyu, naari mungwuraanyu, hoye hoye niwoko na efesta ekina ya ediini, naari na wuupuwelela nyeeri sinyowani, hoye hoye nihuku na eSaabadu.

aKolosi 3:17

Sootheene mumpakaanyu, hata mmasuni, naari mmutekoni, mupake yeeyo mwa Nsina na Apwiya Yeesu, muntthapelaka Muluku Atiithi mwa Yaawo.

1 Timootheyo 2:4

mwa Yoowo onghaawela weera atthu ootheene evuluxiwe ni esuwele ekhaikhai.

1 Timootheyo 4:4

Vano, sootheene Muluku opattuxalaawe ti sooreera, ni khasintthuneya okhootta itthu saakheliwa ni otthapela,

1 Timootheyo 5:14

Tivawo kinaalakaaka asinaamukhweli oohuuluvala weera ethelane, yaayare anamwane, ni yeettihe vaatewaya ehimvahaka nthowa na oveiha namwiittana.

aHeberi 13:4

Othelana ontthuneya weera ottittimiheyeke ni ootheene. Ororomeleya variyari wa mulopwana ni mwaariye ontthuneya weera ottittimiheyeketho, niwoko Muluku anaathorihe alavilavi ni anamararuwa.

aHeberi 13:9

Muhikuxiwe ni makhalelo a mahusiho ootheene oohiyanahiyana a amalapo. Ti wooreera weera murimaahu olipihiwe ni mahala, ohikhanle ni yooca, mwa yeeyo ehingwera waapuhiha yaawo anca.

1 Samuweli 9:13

Mwavolowaru musidade, munoomphwanya ahinaaye owela vanttumuxani weera ace. Amaki kheepacera oca owo ahinaaye ophiya, niwoko owo ontthuneya oreeliha yooveleela. Vahoolowaya ancaaya oolattuliwa. Murowe vaanaanova, munoomphwanya ahinaaye.”