1 Timootheyo 4:1 - Emakhuwa Bible

¹ Vano Munepa oneera nnenesene weera ehuhu yookisera, akina eniihiye nroromelo ni eniitthare minepa soolokottha ni mahusiho a minepa soonanara.

1 Timootheyo 4:1 Iomraidhean Croise

Epacerero 3:13

Yave Muluku aamukoha muthiyana: “Eheeni nyuwo mpankaanyu?” Vano muthiyana aamwaakhula: “Enowa yookilokottha ni miyo kohooca.”

1 Mamwene 13:18

Mprofeeti oowuuluvala aamwaakhula: “Miyo mprofeetitho, ntoko nyuwo. Vano ndyelo ookeerela mwa Nsina na Yave: ‘Mwanghokolowane owannyinyu weera acewo yooca ni awurewo maahi.’ Vaheera, owo aamootha.

Yesaya 2:2

Mmahukuni ookisera mwaako wa Empa ya Yave onimunnuwihiwa; onookhalihiwa mutokweene a mattumuxa ni miloko sootheene sinoorowa wa yoowo.

Yeremiya 23:26

Mpaka yaakhani maprofeeti epwahereraka othalihera soowootha ni ohima sa mmurumwaya?

Yeremiya 48:47

Wa soothesene, kinooreherera oreereliwa wa Mowabe muhoolommo,” onghima Yave. Nthorihelo na oMowabe ninkotela va.

Yeremiya 49:39

“Wa soothesene, kinooreherera oreereliwa wa Elami mmahukuni a muhoolo,” onghima Yave.

Ezekiyeli 1:3

Yave aahuuluma ni musaserdoti* Ezekiyeli, mwaana mulopwana a Buzi, muxerexere mooloko Kebari, mulaponi mwa aBabiloniya. Iwe, ntata na Yave naari mwa yoowo.

Ezekiyeli 38:16

Nyuwo mmwaathataanele aYixrayeli, mulokwaaka, ntoko nihutte ninkhuneela elapo. Ii! Gogi, mmahukuni a muhoolo, kinimooruuhani weera ngwaneno elapwaaka, weera miloko sikisuwele Miyo kiixooniheraka ootteeleene mwa nyuwo vamaithoniwaya.

Daniyeli 10:14

Vano kirweenle woothaliherani yeeyo eneera yeereeliwe mulokwaanyu mweehuhuni mwa muhoolo, niwoko moonelo onthoonyera ehuhu ya muhoolo.”

Hoxeya 3:5

Vahoolowaya, aYixrayeli anoohokolowa, emwaaseke Yave, Mulukwaaya, ni Davide mwenaaya. Mmahukuni ookisera animoowa ethukumelaka vamaithoni wa Yave ni wa mareelihowaawe.

Mikeyasi 4:1

Mmahukuni ookisera, mwaako wa Empa ya Yave onookhalihiwa ntoko mutokweene eriyari ya nyaako; onoorakama opwaha mattumuxa, ni miloko sinootthimakelawo.

Nuumeru 24:14

Vano kinoohokoleela mulokwaaka, mene mukihiye kooleeleni yeeyo muloko ola oneeraaya opakele mulokwaanyu mmahukuni a muhoolo.

Matheyo 18:7

Ii! Enoohaawa elapo ya vathi niwoko na itthu sintthekiha! Khasinsembeiya weera itthu iyo sikhumelele, mene Ii! Ohaawa wa yoowo ontannyera seiyo!

Luuka 17:1

Yeesu aaweerela oohuseraawe: “Ti woohisembeya weera sikhumelele itthu soowaatthekiha atthu, mene Ii! Onoohaawa yoowo ongwera iye!

Yohaane 16:13

Vano, waarwaaka Munepa wa ekhaikhai, Owo onuuweettiheni mweekhaikhaiyini yootheene. Khoorwa wuuluma yawayaru, oniwuulume paahi yeeyo oneeraaya wiiwe ni oniwoolaleereni seiyo sineera sirwe.

Miteko 13:2

Yaalapaka Apwiya ni etthukaka, Munepa Wootteela waaweerela: “Mukimwalamwalihere Barnaba ni Sawuli wa muteko Miyo kiwiitthanenlaaka.”

Miteko 17:18

Asuweli akina a Epikuro ni a mahusiho a Estoyika yannatthekula ni Pawulo. Akina yaakoha yeeraka: “Eheeni ontthunaawe ohima, namatipura ola?” Akina yaaheera: “Nnoona ntoko owo onlaleiya miluku sa anamarwa,” niwoko Pawulo aalaleiya masu ooreeraxa mwaha wa Yeesu ni wa ovenyerera.

Miteko 20:23

ohikhanle paahi weera musidadeni sootheene, Munepa Wootteela onnakooperera weera otthukiwa ni soohooxa sinookiweherera.

Miteko 21:11

Akumanaka ni hiyo, aamukuxa laamba a Pawulo, ni atthukaka matataawe ni inaawosawe, aaheera: “Munepa Wootteela weenre hiiho: ‘Mooteene yoola, aYuda eniimutthuke muneene a laamba ola oYerusaleemu ni eniimvaherere wa amalapo.’”

Miteko 28:25

Waakhumelela ohiiwanana ni yaalaxera niwoko na masu ookisera ala Pawulo aahimalaawe: “Munepa Wootteela waawuulumela ekhaikhai makholowaanyu wuulumaka ni eyano ya mprofeeti Yesaya:

1 aKorinto 10:20

Hoye! Kintthuna ohima weera yeeyo amalapo antteelihaaya, ti yoovahiwa wa minepa soonanara, ohikhanle wa Muluku. Nkintthuna weera nyuwo mwiiwanane ni minepa soonanara.

1 aKorinto 11:19

Ontthuneya weera okhale ohiiwanana variyariwanyu, weera esuweliwe taani a nyuwo ari oowaakhuleleya.

1 aKorinto 12:11

Itthusene seiya sootheene simpakiwa ni Munepeene Yoowo mmoharu. Ni Owo onkawa samahalasaya wa mutthu ti mutthu, ntoko ontthunaaya.

1 aKorinto 2:10

Muluku oonithupululela yeeyo niwoko na Munepa Wootteela. Munepa Wootteela omphima itthu sootheene mpaka itthu soowiixeraxa sa Muluku.

2 aKorinto 11:3

Yeeyo miyo kinoovaaka ti ela: ntoko enowa yaamulokontthaaya Eva ni mirukusaya soonanara, nkintthuna weera soowuupuwelasanyu sihapuxiwe mwa nthitinanyu wa Kristu na ekhaikhai ni nootteela.

Deuteronomiyo 32:29

Eya! Yaari ooleeleya, yaamwiiwa; etthokelelaka emaliherowaaya ya muhoolo!

Deuteronomiyo 4:30

Nyuwosa mwaahaawasaka ni itthu sootheene iyo sookhumelelasani, hiiho mahuku a muhoolo mmwinghokolele Yave Mulukwaanyu ni mmwimwiiwelele.

aKolosi 2:18

Muhimuhiye mukina oniixeera oowiiyeviha ni onaalapa andyelo awooceelihakani owina ntthuvelo. Mutthweene yoowo onthaliha nnenesene nyoonelosawe ni soowuupuwelasawe sa erutthu sinthatuwa soowiixoona.

2 Timootheyo 3:13

Wa soothesene, oonanara ni oolokottha eniitepaxe onanara elokotthaka ni ereene oolokottheya.

2 Timootheyo 4:4

Awo eniikhootte wiiwa ekhaikhai, yaahokoleelaka andiisi a khalayi.

Yakobe 3:15

Moota wa miruku ola khoonrweela wiirimu, mene wa vathi; khoohiyono wa Munepa, mene wa minepa soonanara.

1 Pedru 1:20

Owo aathanliwe ehinaaye opattuxiwa elapo ya vathi, ni ohooniheriwa ehuhuweene yeela yoomalihera wa mpuhaanyu.

2 Pedru 2:1

Vano, yaakhumelela maprofeeti oolokottha variyari wa muloko, ntokotho eneeraaya ekhumelele maprofeeti oolokottha variyariwanyu. Awo eniiruuhe muxiirini mahusiho oolokottha oophwata, mpaka yaakhoottaka Apwiya anlamula sootheene, mwa Yaawo awooponle. Hiiho eniyiiruuhele ophwateyawaya woowaakuveya.

2 Pedru 3:3

Musuwele toko iya, weera wa mahuku oomalihera eniikhumelele anamaveiha, eveihaka ni ettharaka soohaawelasaya asineenaaya,

1 Yohaane 2:18

Anamwane, ela ti ewoora yookisera, ni ntoko nyuwo mwiiwalaanyu weera namwiittana a Kristu onimoowa, vano anamwiittana a Kristu ancipale aakhumelela. Tivawo noosuwela weera ti ewoora yookisera.

1 Yohaane 4:6

Hiyo nri a Muluku, ni khula mutthu omusuwenle Muluku onniiwa, mene yoole ohirwiiye wa Muluku khaniiwa. Hiiho noosuwela Munepa wa ekhaikhai ni munepa woolokottha.

Yuda 1:18

Awo yaaweerelani nyuwo: “Mahuku oomalihera, eniikhumelele anamaveiha eneera etthare soohaawelasaya sootakhala.”

Yuda 1:4

Vano, atthu akina, mwa yaawo nthorihelonaya naalempwale khalayi, ahiivoleiha muxiirini variyariwanyu. Awo ari atakhali, etatuxaka olavilavi mahala a Mulukwaahu ni animkhootta Yeesu Kristu, Namalamula mmoharu, Apwiyaahu.

Ethupululo 13:14

Niwoko na ineneero yaatthuniheriwaaya opaka mwa nsina na enama yoopacera, eyo yaahaalokottha atthu a elapo ya vathi. Yaahaalamulela opaka ecaambulo ya enama yoopacera weera ettittimihe enama ele yaavulalihiwe ni ekatana, nitho yaalamihiwe.

Ethupululo 16:14

Siri minepa soonanara simpaka ineneero sootikhiniheya. Iyo sinrowa wa mamwene ootheene a elapo ya vathi, weera saathukumanyihere ekhotto ya nihuku ntokweene na Muluku a ikuru sootheene.

Ethupululo 18:2

Vano aakhuwela ni nsu noowera, eeraka: “Oomora, oomora Babiloniya mutokweene! Owo oothatuwa nipuro sinkhalaaya minepa soonanara, ntthawelo wa minepa soonanara sootheene, ntthawelo wa ipalame sootheene soohitteela ni soothanyeya,

Ethupululo 18:23

Khoorwa waara mwa weyo waara wa onyaari mmoha. Khanirwa niiwiwa mwa weyo nsu na namatthomera, naari namatthomeriwa. Ananakoswaawo yaari asitokweene a elapo ya vathi. Ilapo sootheene saalokotthiwa ni okhwiraawo.

Ethupululo 19:20

Enamatho ele yaavariwa, nitho mprofeeti oolokottha aapanke ineneero sootikhiniheya mwa nsinanaya, mwa seiyo owo aalokotthannaawe yaawo yaarino eneneero ya enama ni yaalapa ecaambulowaaya. Ooweeli yaavonyeriwa ereene ni okumi vantthiyani na mooro omvarela ni enxofre*.

Ethupululo 2:11

Yaawo arino maaru, yiiwe yeeyo Munepa onleelaaya ikerexa! Namawina kharwa ahaawa naari vakhaani okhwa wanaaveeli.

Ethupululo 2:17

Yaawo arino maaru, yiiwe yeeyo Munepa onleelaaya ikerexa! Wa namawina nkimvahe emana* yoovithiwa. Nkimvahetho nluku nootteela ni nsina nnyowani noolempwa mwemmo, noosuweleiya paahi ni yoowo onaakhela.

Ethupululo 2:29

Yaawo arino maaru, yiiwe yeeyo Munepa onleelaaya ikerexa!

Ethupululo 2:7

Yaawo arino maaru, yiiwe yeeyo Munepa onleelaaya ikerexa! Wa namawina nkimutthunihere oca sa mwiri wa okumi ori mParadisu* wa Muluku.

Ethupululo 20:10

Diyabu* aalokottha aavonyeriwa vantthiyani na mooro omvarela ni enxofre*, weiwo yaavonyeriwaaya enama ya mmunepani ni mprofeeti oolokottha. Awo eniittaruxiwe othana ni ohiyu mahuku ootheene oohimala.

Ethupululo 20:8

ni anaavenye weera alokotthe ilapo siri mmaloothoni maxexe a elapo, eyo tiiyo Agogi ni Amagogi, weera aathukumanyere ekhotto. Waattawaya ori ntoko muhaava wa mukerekhere ephareiya.

Ethupululo 3:13

Yaawo arino maaru, yiiwe yeeyo Munepa onleelaaya ikerexa!

Ethupululo 3:22

Yaawo arino maaru, yiiwe yeeyo Munepa onleelaaya ikerexa!”

Ethupululo 3:6

Yaawo arino maaru, yiiwe yeeyo Munepa onleelaaya ikerexa!

Ethupululo 9:20

Yaawo yaahanle ehiiviwe ni sohooxa iye, waarookhalaru hiiho, khayaarukunxale murimaaya wa miteko sa matataaya. Awo khayaahiyale olapa minepa soonanara ni miluku sikina sa iyuuma soorikaxa soohiyanahiyana; sa maluku ni sa nyiri; seiyo sahaawera woona, wiiwa, naari weetta.