1 Timootheyo 3:15 - Emakhuwa Bible

¹⁵ Miyo kapisatho, onoosuwela mweettelo wootthuneya wa atthu Mpaani mwa Muluku eri ekerexa ya Muluku mukumi, ereene marimbu ni mathipelo a ekhaikhai.

1 Timootheyo 3:15 Iomraidhean Croise

1 Mamwene 2:2

“Miyo kihanle vakhaani okhwa. Mwiilopwaneihe, mukhaleke oolipa.

1 Mamwene 2:4

Mwapaka yeeyo, Yave onookwanihera yeeyo aakiroromelinghaawe eeraka: ‘Ekhapiraanyu yeetta mootthunanimwaka ni yakhala oororomeleya vamaithoniwaka ni murima ni okumi wootheene, nyuwo munoomukhalano namarandela vahiceni ya emwene oYixrayeli wa mahuku ootheene.’

2 Mamwene 19:4

Enoowereya weera Yave Mulukwaanyu ohiiwa masu ootheene a mutokweene a anamalaka, mwa yoowo pwiiyaawe, mwene a wAsiriya, aamurumihalaawe omutheya Muluku Mukumi. Yave Mulukwaanyu amuttaruxe niwoko na masu ale. Tivawo, munidyoonttelelele Muluku hiyo nihanle ni okumi.”

1 Nyaha 22:13

Weyo sinooweettela nnenesene wiipasoopa wiiwelela ikano ni malamulo Yave aavanghaawe aYixrayeli mwa Moisesi. Olipe ni ominye murima! Ohoove ni ohiporore!

Icipo 42:2

Okumaaka onimuhaawela Muluku, aani Muluku Mukumi. Nkivolowe yaakhani weera kiixoonihere wa Muluku?

Icipo 84:2

Okumaaka onghaawelaxa mapuwa a Yave; murimaaka ni erutthwaaka emmwiipela ni ohakalala Muluku Mukumi.

Yeremiya 1:18

Olelo miyo kinoopakani nyuwo esidade yoolipihiwa, nrimbu na eyuuma ni exiri ya ebronze* wa elapo yootheene: wa mamwene a oYuda, asitokweenaaya, asaserdotaaya ni muloko wa mulaponi.

Yeremiya 10:10

Vaheera Yave ti Muluku a ekhaikhai; Owo ti Muluku Mukumi, Mwene Oohimala. Owo aanyoonyiwaka, elapo enootetereya; miloko khasingwera ovilela isarasawe.

Yeremiya 23:36

Muhiromoletho eyuulumelo: ‘Ola ti mutthenga mwa yoowo Yave okinnyerenraawe,’ weera masu ala ehithatuwe yoolemela wa yoowo anuulume. Niwoko nyuwosa mumpiritula masu a Muluku mukumi, Yave a ikuru sootheene, Mulukwaahu.

Daniyeli 6:26

Kinkhaliha ekano weera moomwenenimwaka wootheene atthu emooveke ni emuttittimiheke Muluku a Daniyeli, niwoko Owo ti Muluku Mukumi ni Owo onkhala wa mahuku ootheene. Omwenaawe khoorwa ophwatiwa ni olamulawawe khoommala.

Hoxeya 1:10

Wa soothesene, aYixrayeli animwaatta ntoko ehaava ya mphareiya ehimphimeyaru, hata ehinaalikeleyaru. Vanipuroni yeerelasiwaaya: ‘Nyuwosa khamuhiyono mulokwaaka,’ awosa animwiitthaniwa ‘anamwane a Muluku Mukumi.’

Matheyo 16:16

Simeyoni Pedru aamwaakhula: “Nyuwo ti Kristu, Mwaana a Muluku Mukumi.”

Matheyo 18:18

Kinooleelani ni ekhaikhai: sootheene muntthukaanyu vathi, sinootthukiwatho wiirimu, ni sootheene munghulaanyu vathi, nsihuliwetho wiirimu.

Yohaane 1:17

Vano, nlamulo nivahiwe ni Moisesi, mahala ni ekhakhai erwiiye ni Yeesu Kristu.

Yohaane 14:6

Yeesu aamwaakhula: “Miyo ti Ephiro, Ekhaikhai ni Okumi. Khaawo ongwa wa Atiithi, ohikhanle aviraka mwa Miyo.

Yohaane 18:37

Pilatu aamweerela: “Vano Nyuwo Mwene!” Yeesu aamwaakhula: “Muneera weera kiri Mwene. Vanonto, ti niwoko na yeeyo kiyariwaaka ni kirweenlaaka mweelaponimu: weera kikhalele onamoona ekhaikhai. Ootheene ari a ekhaikhai, anookiiwa.”

Yohaane 6:69

Hiyo ninroromela ni noosuwela weera Nyuwo muri Ootteela a Muluku.”

Miteko 1:2

mpaka nihuku aawelihingwaawe wiirimu, vahoolo wa waalamulela itthu mwa Munepa Wootteela arummwa aathanlalaawe.

Miteko 14:15

“Alopwana, heeni nyuwo mumpakaanyu yeeyo? Hiyotho nri atthu ntoko nyuwo. Ninooruuhelani masu ooreeraxa niweerelakani mususe mwa itthusene seiyo sa siiyo, ni muhokoleele wa Muluku mukumi opanke erimu, elapo ni ephareiya ni sootheene siri mwemmo.

aRooma 3:2

Vancipale, mwa mikhalelo sootheene. Woopacera niwoko masu a Muluku yaaroromeliwa wa aYuda.

aRooma 9:26

Ni: “Nipuro naahimmwalaaya: ‘Nyuwo khamuhiyono mulokwaaka,’ vaavaawo nyuwo mmwiitthaniwe ‘anamwane a Muluku mukumi.’”

1 aKorinto 10:32

Mweette mooteene yoowo weera muhikwakwathuwe, hata aYuda, hata aGrego, hata ekerexa ya Muluku.

1 aKorinto 3:16

Nyuwo khamusuwenle weera muri Empa ya Muluku, ni weera Munepa wa Muluku onkhala mwa nyuwo?

2 aKorinto 3:3

Nyuwo munoonihera weera muri ekaratta ya Kristu, emalihero ya mitekosahu, ehilempwale ni owiini, mene ni Munepa wa Muluku mukumi, kheelempwale vatthaabwani wa nluku, mene vatthaabwani wa mirima sa atthu.

2 aKorinto 6:16

Wiiwanana heeni eraayano Empa ya Muluku ni sa miluku soolokottha? Vano hiyo nri Empa ya Muluku mukumi. Ntoko Muluku eenraawe: “Nkikhale vamoha ni yaawo, ni nkeette variyariwaya. Nkikhale Mulukwaaya, ni awosa eniikhale mulokwaaka.”

2 aKorinto 6:7

mmasuni a ekhaikhai, mukuruni sa Muluku, ni ikapwitthi sa ekhaikhai sikhaleke sa owana, naari wiixaakiha,

aGalata 2:9

Yakobe, Pedru ni Yohaane, yaasuweliwe ntoko amarimbu a ekerexa, yaakookolela moono mulopwana miyo ni Barnaba ntoko eneneero ya wiiwanana. Yaapakenle yeeyo niwoko yaahaakhulela mahala Muluku okivanghaawe. Awo yaahiiwanana weera ontthuneya hiyo nirowe wa amalapo ni awo wa atthu oowiineliwa.

aGalata 3:1

aGalata alolo! Yoolongweni taani? Mwaahooniheriwa Yeesu Kristu ntoko othomeiwalaawe vamuttandani.

awEfeso 4:21

Mwa yeeyo, nyuwo mohiiwa yuulummwaka ya Yoowo ni mwa Yoowo mooxuttihiwa mwaha wa ekhaikhai eri mwa Yeesu.

Deuteronomiyo 31:23

Yave aamvaha Yoxuwa, mwaana mulopwana a Nuni nlamulo nna: “Mukhaleke oolipa ni oominya murima, niwoko nyuwo munoohoolela muloko wa aYixrayeli mweelaponi kaaroromelinghaaka ni nlipelo ni Yoomeene kinookhala ni nyuwo.”

Deuteronomiyo 5:26

Vekhaikhai khawowo mutthu mweelaponi otonke wiiwa nsu na Muluku Mukumi nikhumaka mmooroni, ntoko hiyo niiwalaahu, anapwaherera ni okumi.

aKolosi 1:5

niwoko na oweherera onoowehererani wiirimu. Nyuwo woopacera mohiiwa sa oweherera wu mwaha wa masu a ekhaikhai, masu ooreeraxa

1 aTesalonika 1:9

Atthweene yaawo anthaliha moota nyuwo mwaanaakhenlaanyu, ni moota muhokoleenlaanyu wa Muluku, muhiyaka miluku sikina weera munrumeele Muluku mukumi ni a ekhaikhai,

1 Timootheyo 3:14

Kinoolepela itthu iya, naamwi kiwehereraka orowa owoona woowaakuveya.

1 Timootheyo 3:16

Woohihovela weera ntikhinelo na ediinaahu ti ntokotoko: Yeesu ooniheriwe mweerutthuni, aakhuleliwe ni Muluku mMunepani, ooniwe ni andyelo, olaleiwe mmilokoni, ororomeliwe mweelaponi, ni aakheleliwe moovuwani.

1 Timootheyo 3:2

Ontthuneyatho weera mutokweene onkosoopa* akhale oohikhalano nthowa, mulopwana a mwaara mmoha, oowehaweha, oowiisumaaliha, oottittimiheya, oowaakhela aletto, ni oowera oxuttiha;

1 Timootheyo 3:5

Mukina aahiwera weettiha etthokwaawe, anaawere hai weettiha ekerexa ya Muluku?

1 Timootheyo 4:10

Ninnavara muteko ni ninnawana mmunepani, niwoko noomuroromela Muluku mukumi Mvuluxa a atthu ootheene wootepaxa yaawo anroromela.

1 Timootheyo 6:16

mmoharu oohikhwa ni onkhala ngwaarani woohiphiyeya, mwa Yoowo khaawo amoonne, naari ongwera omoona. Wa Yoowo nikhale nttittimiho ni ikuru soohimala. Ame*.

2 Timootheyo 2:19

Wa soothesene, nthipelo noolipaxa na Muluku ninkhala nooweemelaxa, ni nookhalihiwa ni yoolempwa ela: ‘Apwiya anaasuwela yaawo ari awaya’ ni ‘Ootheene anlapa Nsina na Apwiya, esuseke sootakhala.’

2 Timootheyo 2:20

Mpaani etokotoko khasimphwanyeya paahi nyaapu sa iyuuma soorikaxa, menetho nyaapu sa nyiri ni oloko; sikina mutekwaaya woottittimiheya, vaheera sikina mutekwaaya woohittittimiheya.

aHeberi 10:21

ni nookhalanotho Musaserdoti* mutokotoko vaate wa Muluku.

aHeberi 12:22

Nyuwotho moophiya vamwaakoni oSiyoni, wa oYerusaleemu wa wiirimu, wa esidade ya Muluku mukumi. Moophiya wa andyelo oohaalikeleya ethukumanneene ni ohakalala,

aHeberi 3:12

Mwiipasoope, axunna, weera hata mmoha a nyuwo ahikhalane murima woonanara ni woohiroromela onsusa wa Muluku mukumi.

aHeberi 9:14

woopwahaxa ephome ya Kristu, mwa Yoowo iivaherenre ni Munepa woohimala ntoko Yoovaha yookwanela wa Muluku, eniitteelihe mirimasahu sa miteko sa okhwa weera nimurumeele Muluku mukumi.

Yoxuwa 3:10

Moota ola munoosuwela weera Muluku mukumi ori variyariwanyu ni weera vekhaikhai onoowoomola ohoolowanyu aKanaani, aHiti, aHivi, aPerizi, aGiregaxini, awAmori ni aYebusi.

1 Pedru 2:5

Nyuwotho, ntoko maluku makumi, mutekiwe mpaani mwa mmunepani weera mukhale osaserdoti* wootteela, muvahaka sooveleela sa mmunepani sowaakhuleliwa ni Muluku niwoko na Yeesu Kristu.

1 Pedru 4:17

Vano, yoophiya ehuhu weera opacere othoriha Empa ya Muluku. Ni, othoriha wapacera ni hiyo, eniikhale emalihero heeni ya yaawo ahiniiwelela masu ooreeraxa a Muluku?

Ethupululo 7:2

Vano, kaamoona ndyelo mukina aweelaka ninkhuma nsuwa, areeneno ewalelo* ya Muluku mukumi. Owo aahaakhuwelela ni nsu ntokotoko andyelo axexe wa yaawo yaavahiwe ikuru weera enanarihe elapo ni ephareiya:

1 Samuweli 17:26

Davide aahaakoha asilopwana aattamannaaweno: “Ntthuvelo heeni aneeraawe aakhele mulopwana yoowo anaamwiive muFilisti owo, aakihaka ottittimiheya wa aYixrayeli? muFulisti heeni yoowo oohiineliwa onaadeerera anakhotto a Muluku mukumi?”

1 Samuweli 17:36

Murumeiyaanyu aamwiiva mwatto ni ursu*. muFilisti oohiineliwa ole anaakhale ntoko mmoha a yaawosa, niwoko ohaaderera anakhotto a Muluku mukumi.