1 Timootheyo 2:1 - Emakhuwa Bible

¹ Woopacera, kingwooperera weera sipakiwe midyoonttelelo, mavekelo, sooveka ni sootthapela mwaha wa atthu ootheene;

1 Timootheyo 2:1 Iomraidhean Croise

Ezera 6:10

Hiiho awosa empakele Muluku a wiirimu sooveleela soomusiveliha ni emvekelele mpuha mwene ni anamwanaawe.

Icipo 72:19

Nsinanawe noovuwa nittottopeliweke wa mahuku ootheene; elapo yootheene esareyeke ni ovuwawawe. Ame* ni Ame*.

Yeremiya 29:7

Mwaasaase weetteleya nnene wa esidade mwa weiwo Miyo kootthukenlaakani ni mumvekele Yave mweerelaka yeeyo, niwoko weetteleyawanyu nnene oneereleya mwa yeeyo.”

Miteko 17:30

Ehuhu evinre Muluku khaalikelenle ohisuwela iwo, mene vano onlamulela weera mmapuroni moothemwene, ootheene erukunxe mirimasaya.

aRooma 1:8

Woopacerani, kinnamuttottopela Mulukwaaka mwa Yeesu Kristu niwoko na nyuwo ootheene, seenre mweelaponi moothemwene suulummwaka sa nroromelonanyu.

aRooma 6:17

Asanttetho wa Muluku niwoko, mwaarookhalaru ipottha sa yoottheka, nyuwo mohaakhulela ni murima wootheene moota wa nihusiho muvahiwaanyu.

1 aKorinto 15:3

Vano yeeyo kaakhenlaaka, miyotho kohooleelani ntoko etthu yoopacera ottittimiheya: weera Kristu okhwenle sootthekasahu ntoko Yoolempwa ehimalaaya,

2 aKorinto 8:6

Hiiho, woonaka weera Titu aapacera, naamulaihera weera akwanihere muteko ola wa mahala variyariwanyu.

awEfeso 3:13

Tivawo, kinoovekelani weera muhiporore niwoko na sohaawasaka wa nyuwo, niwoko iyo siri ovuwawanyu.

awEfeso 5:20

muntthapelaka mahuku ootheene Muluku Atiithi wa itthu sootheene mwa Nsina na Apwiyaahu Yeesu Kristu.

awEfeso 6:18

Ehuhu yootheene muvekeleke mwa Munepa ni mavekelo ni midyoonttelelo sootheene. Muupuwelaka yeeyo, mwiiwehawehe ni muvekeleke ni ovilela wa ootteela ootheene.

aFilipi 1:3

Kinnamutthapela Mulukwaaka khula emaara miyo kingwuupuwelaakani nyuwo.

aFilipi 4:6

Muheeteteeleke naari etthu emoha, mene mwa soothesene mwaasuwelihe Apwiya mmavekelonimwanyu, muvekelaka, mudyoonttelelaka ni muntthapelaka Muluku.

1 aTesalonika 3:12

Apwiya yunnuwihe moota woowaatta osivelawanyu murinaanyu mukina ni mukhwaawe ni wa ootheene, mooteene yoowo osivelawahu woowaatta wa nyuwo.

2 aTesalonika 1:3

Axunna, ontthuneya omutthapela Muluku mahuku ootheene niwoko na nyuwo, ni eyo yoophwaneleya, niwoko nroromelonanyu ninnunnuwa khula nihuku, nitho osivelawanyu murinaanyu mukina ni mukhwaawe.

1 Timootheyo 2:4

mwa Yoowo onghaawela weera atthu ootheene evuluxiwe ni esuwele ekhaikhai.

1 Timootheyo 5:5

Naamukhweli onghaawa vekhaikhai ni ahikhanleno emusi, onnamuroromela Muluku ni onnavekelaxa ohiyu ni othana ni midyoonttelelo.

2 Timootheyo 2:24

Murumeiyi a Apwiya khantthuneya onyakulihana, mene aani, ontthuneya okhala oosiveleya ni ootheene, oowera oxuttiha ni opixa murima.

Titu 2:11

Vano, mahala a Muluku anruuha ovuluwa ahoonihereya wa atthu ootheene.

Titu 3:2

Ngwuupuxereketho ehimwaapeke, naari mutthu mmoha, ni weera ekhale ni murima wa murettele, oosiveleya ni ewoonihere atthu ootheene murima woomaaleleyaxa mahuku ootheene.

aHeberi 6:11

Nintthuna weera khula mutthu a nyuwo oonihere nthiti noolikana ntoko hiiho mpaka ommaleloni, weera mulipihere owehererawanyu.

Yakobe 5:16

Tivawo mulapelane sootthekasanyu mukina ni mukhwaawe, ni muvekelelane mukina ni mukhwaawe weera mukhale oolamihiwa. Nivekelo na mutthu oororomeleya ti na ikuruxa ni noowereya.