1 Timootheyo 1:5 - Emakhuwa Bible

⁵ Etthu kintthunaaka ni wooperera wu ti osivela onrweela mmurimani wootteela ni moosuwelani wooreera ni munroromeloni na ekhaikhai.

1 Timootheyo 1:5 Iomraidhean Croise

Icipo 24:4

Yoole orino matata ni murima wootteela, mwa yoowo ohinttottopela miluku soowootha hata ohinaasa olipela.

Icipo 51:10

Ii Muluku! Mpattuxe murima wootteela mpuwamwaka ni mukirehererele munepa woohihoveleya.

Yeremiya 4:14

Ii oYerusaleemu! Mukatthe soonanara siri mmurimanimwanyu ni mvulixiwe! Mpaka yaakhani muneeraanyu mukhaleno soowuupuwela soonanara?

Zefaniya 3:7

Miyo kaaheerela esidade: ‘Woohihovela nyuwo munookoova ni munimwaakhulela wookoleliwa!’ Vano hiiho, woomakawanyu khawaamalamalihiwa, hata khayaamorelamo mattaruxowaaka ootheene. Vaheera awosa yaahaawelaxa opaka moota wootheene wa yoonanara.”

Matheyo 12:35

Mulopwana ooreera murima onookhumiha itthu sooreera mmuhakhunimwawe wooreera, ni mulopwana oonanara murima onookhumiha itthu soonanara sa mmuhakhunimwawe woonanara.

Matheyo 5:8

Ooreelihiwa ti yaale ari ootteela murima, niwoko eniimoone Muluku.

Miteko 15:9

Owo khanipakenle nthalu hiyo ni yaawo, woonaka weera ootteeliha mirimasaya ni nroromelo.

Miteko 23:1

Pawulo, awehexexaka eSineedriyu*, aaheera: “Axunnaka, mpaka olelo koheetta vamaithoni wa Muluku ni murima wooreera wootheene.”

Miteko 24:16

Tivawo kinaasaasaaka mahuku ootheene weera kikhale ni murima wooreera vamaithoni wa Muluku ni wa atthu.

aRooma 10:4

Moone, Kristu ti ommaleloni wa nlamulo, akwaniheraka waakhuleliwa ni Muluku wa ootheene anroromela.

aRooma 12:9

Osivela okhale wa ekhaikhai. Muthanye yeeyo eri yoonanara, ni muvarexexe yeeyo eri yooreera.

aRooma 14:15

Wakhala weera munninyu oniithananihera niwoko na yeeyo muncaanyu, nyuwo khamuneetta moosivelani. Muhimphwate munninyu niwoko na yoocaanyu, yoowo Kristu omukhwenlaawe.

aRooma 9:1

Kinghima ekhaikhai mwa Kristu, nkinootha. Soosuwelasaka sinkikhalela onamoona mwa Munepa Wootteela:

1 aKorinto 13:1

Hata miyo kuulumaka muulumo a atthu ni a andyelo, mene kaahikhalano osivela, nkikhale ntoko eyuuma ennyakula, hoye hoye esiimbi enruma.

2 aKorinto 1:12

Vano, ovuwawahu ti wu: Mirimasahu sinkhalela onamoona weera hiyo nanneetta mweelaponimu, vancipalexa variyariwanyu, moota wa murima woowookowa, mwa ekhaikhai enrweela wa Muluku, mwa mahala a Muluku, ni khanneetta mwa miruku sa elapo ya vathi.

aGalata 5:22

Vaheera yoowiima ya Munepa ti osivela, ohakalala, murettele, opixa murima, waahelela akina, murima wooreera, ororomeleya,

aGalata 5:6

Vano, mwa Kristu hata wiineliwa, hata ohiineliwa wookhala mureerelo, mene aani nroromelo nniixoonihera moosivelani.

Deuteronomiyo 10:12

Vanonto, aYixrayeli, otthuna wa Yave Mulukwaanyu ti weera mmoove Yave Mulukwaanyu, mweette mphironimwawe, munsivele, munrumeele ni murimaanyu ni okumaahu wootheene, ni

1 Timootheyo 1:18

Timootheyo mwanaka, kinoovaha nlamulo nna nintthara masu oyeeheriwaawo weyo weera ottharaka, owane owana wooreera,

1 Timootheyo 1:19

ovarexexaka nroromelo ni wuupuwela wooreera, niwoko akina, ekhoottaka masu ale, yaahapuwa munroromeloni na ekhaikhai.

1 Timootheyo 3:9

Evarexexeke ntikhinelo na nroromelo ni wuupuwela wootteela.

2 Timootheyo 1:3

Kinnamutthapela Muluku, Yoowo kinimurumeelaaka ni murima wootteela, ntoko yaamurumeenlaaya makholowaaka, kiwuupuwelelaka weyo woohihiyerera ohiyu ni othana mmavekelonimwaka.

2 Timootheyo 1:5

Kinuupuwelela nroromelonawo noohiixeera naapacenre okhala mwa amunno Loyide ni mwa amayawo Eunisi, ni vano kooviriyeliwa weeratho ninkhala mwa weyo.

2 Timootheyo 2:22

Otthawe soohaawela soonanara sa omiravo, ni otthare waakhuleliwa ni Muluku, nroromelo, osivela, ni murettele, vamoha ni yaawo angwiitthana Apwiya ni murima wootteela.

Titu 1:15

Wa ootteela, sootheene siri sootteela, mene wa oohitteela ni oohiroromela kheewo eri yootteela. Mwa yeeyo, soowuupuwela nitho mirimasaya siri soonanarihiwa.

aHeberi 10:22

Tivawo, nimwaattamele Muluku ni murima wa ekhaikhai ni noosareya ni nroromelo, nikhalanaka mirima soomisiwa sa mathowa, ni nikhalanaka irutthusahu soorapihiwa ni maahi ootteela.

aHeberi 13:18

Munivekelele hiyo. Noororomela weera nookhalano murima wooreera, ni ninghaawela okhala moota woottittimiheya mwa soothesene.

aHeberi 9:14

woopwahaxa ephome ya Kristu, mwa Yoowo iivaherenre ni Munepa woohimala ntoko Yoovaha yookwanela wa Muluku, eniitteelihe mirimasahu sa miteko sa okhwa weera nimurumeele Muluku mukumi.

Yakobe 4:8

Mmwaattamele Muluku ni Owo anaawaattameleni. Munyawe matataanyu, anamattheka, ni mutteelihe mirimasanyu, nyuwo murino soowuupuwela sookawanyeya!

1 Pedru 1:22

Vano, mutteelihiweene okumaanyu wa wiiwelela wa ekhaikhai weera mwaasivele ni ekhaikhai axunna, mwaasivele vancipale mukina ni mukhwaawe ni murima wootteela.

1 Pedru 3:16

Mpaketho yeeyo ni wiiyeviha murima ni nttittimiho, mukhalanaka murima wooreera. Hiiho, yaawo anuuluma soonanara sa mweettelowaanyu wooreera mwa Kristu, eniiyuuliwe muru mwa sowaapasaya.

1 Pedru 3:21

ni awo ti ethoonyero ya opatiso mwa weiwo vano onoovuluxani nyuwotho. Ovuluxiwa iwo khoohiyono ni ovenxiwa wa nikhurumela na mweerutthuni, mene ni omvekela Muluku murima wooreera niwoko na ovenyerera wa Yeesu Kristu,

1 Pedru 4:8

Opwaha soothesene, musivelanaxeke mukina ni mukhwaawe, niwoko osivela onkhuneela soottheka sincipale.

2 Pedru 1:7

murimaanyu wa omuluku ni omusivela munninyu, ni omusivelawanyu munninyu ni osivela.

1 Yohaane 3:10

Mooteene yoowo nohaasuwela taani anamwane a Muluku ni taani anamwane a Diyabu*: yoole ohimpaka ekhaikhai nitho ohinimusivela munneiye, khawiiye wa Muluku.

1 Yohaane 3:23

Ni Nlamulonawe ti nna: weera niroromele mwa Nsina na Mwanawe, Yeesu Kristu ni weera nisivelane mukina ni mukhwaawe, ntoko Owo onilamulenlaawe.

1 Yohaane 3:3

Ootheene yaawo akhalanne nroromelo nno mwa Yoowo, aniitteeliha asineenaaya, ntoko Owo oraawe Ootteela.