1 Timootheyo 1:15 - Emakhuwa Bible

¹⁵ Masu ala ti oororomeleya ni oophwanela waakhuleliwa nnenesene: Kristu Yeesu aarweenle elapo ya vathi waavuluxa anamattheka, ni a yaawo miyo kiri ootepaxa.

1 Timootheyo 1:15 Iomraidhean Croise

Yobi 42:6

Tivawo kiniinyoosaaka muneenaaka, kinarukunxa murima vantthupini ni vattuurani.”

Ezekiyeli 16:63

Vano Miyo kaarehereraka wiiraana mwaha wa nyuwo niwoko na sootheene mpankaanyu, nyuwo munimuupuwelela ni munimuulihiheya muru ni khamuhularutho eyano niwoko na oyeviheyawanyu, onghima Yave onlamula sootheene.’”

Matheyo 1:21

Owo anaamuyare Mwaana Mulopwana, ni nyuwo mmunttehe Nsinanawe Yeesu, niwoko anaavuluxe mulokwaawe mwa sootthekasaya.”

Matheyo 18:10

Mwiipasoope weera muhimuramuse hata mmoha a yaala asikhaani! Miyo kinooleelani weera andyelowaaya a wiirimu annoona ekhove ya Atithaka ari wiirimu.

Matheyo 20:28

Hiihotho Mwaana a mutthu khaaweenle orumeeliwa, mene weera arumeele, ni aveleele okumaawe ntoko yoowoopola ancipale.

Matheyo 9:13

Murowe ni muupuwele etaphulelowaaya ela: ‘Kintthuna ikharari, sihikhanle sooveleela.’ Miyo nkaaweenle owiitthana atthu oororomeleya, mene anamattheka.”

Marku 2:17

Iiwaka yeeyo, Yeesu aaweerela: “Khaahiyono yaale ari ni okumi animuhaawela meediku, mene aani aretta. Miyo nkaaweenle owiitthana oororomeleya, mene anamattheka.”

Luuka 15:2

Mene aFarisi* ni anamawera a nlamulo* yaattaandawula yeeraka: “Mulopwana Ola ongwaakhela anamattheka ni onca ni yaawo.”

Luuka 19:10

Vano, Mwaana a mutthu aaweenle owaasaasa ni waavuluxa yaale yaariheiye.”

Luuka 5:32

Miyo nkaaweenle owiitthana oororomeleya, mene aani anamattheka weera erukunxe murima.”

Yohaane 1:12

Wa soothesene, wa yaale yaamwaakhenle, yaale anroromela mwa Nsinanawe, ohaavaha owera othatuwa anamwane a Muluku;

Yohaane 1:29

Oxaawaya Yohaane aamoona Yeesu amwaattamelaka ni aaheera: “Moone – Eputtiputthi ya Muluku emvenxa soottheka sa elapo ya vathi.

Yohaane 12:47

Akhala mukina oniiwa maswaaka ni ahineettela, Miyo nkinimuthoriha. Vano, nkirweenle othoriha elapo ya vathi, mene weera kivuluxe.

Yohaane 3:36

Yoowo onimuroromela Mwaana, ookhalano okumi woohimala. Vaheera yoowo onimukhootta Mwaana, kharwa oona okumi, mene isara sa Muluku sinkhala ni yoowo.”

Miteko 11:1

Arummwa ni axunna a oYudeiya wootheene yaahiiwa yuulummwaka weera amalapotho yaahaakhela masu a Muluku.

Miteko 11:18

Yiiwaka yeeyo, yaahiya omukohakoha, ni yaamvuwiha Muluku yeeraka: “Vano Muluku ohaavaha orukunxa murima wa okumi mpaka amalapo asineenaaya!”

Miteko 3:26

Muluku amvenyererihaleene murumeiyaawe, ohoorumihelani toko nyuwo weera ooreeliheni oorukunxakani nyuwo ootheene wa sootakhalasanyu.”

aRooma 11:14

munroromeloni weera ni moota mukina kiwere otannya ehace mmulokonimwakeene yoowo weera naari mano akina a yaawo evuluxiwe.

aRooma 5:6

Mwa yeeyo, ehuhu yootthuneya, hiyo naaraahu nlelo oohiwereene, Kristu aahaakhwela oohitteela.

1 aKorinto 15:9

Miyo kiri mukhaanene a arummwa ootheene, ni hata vakhaani nkiphwanenle wiitthaniwa murummwa, niwoko koottharatthara ekerexa ya Muluku.

awEfeso 3:8

Kiri mweeraru kireene ooyevaxa variyari wa ootteela, koovahiwa mahala ala oowaalaleera amalapo mihakhu soohaalikeleya sa Kristu,

1 Timootheyo 1:13

Aani, kaarookhalaru khalayi namaveiha, namasoonda ni namawana, vano koophwanya omoreliwa ikharari, niwoko kaapaka yeeyo kihisuwelaka ni kihiroromelaka.

1 Timootheyo 1:19

ovarexexaka nroromelo ni wuupuwela wooreera, niwoko akina, ekhoottaka masu ale, yaahapuwa munroromeloni na ekhaikhai.

1 Timootheyo 3:1

Masu oororomeleya ti ala: Akhala mutthu onghaawela okhala mutokweene onkosoopa* ekerexa, onoohaawela muteko wooreeraxa.

1 Timootheyo 4:9

Masu ala ti oororomeleya ni oophwanela waakhuleliwa nnenesene.

1 Timootheyo 6:13

Vamaithoni wa Muluku omvaha sootheene okumi, ni wa Kristu Yeesu aakhalenlaawe onamoona wooreera ohoolo wa Ponsiyo Pilatu, miyo kinoowooperera:

2 Timootheyo 2:11

Masu ala aaphwanela ororomeliwa: Hiyo nakhwa ni Yoowo, nnikhaletho ni okumi ni Yoowo.

Titu 3:8

Masu ala ti oororomeleya, ni kintthuna weera nyuwo mulipihere nnenesene itthu iya, weera yaawo animuroromela Muluku epake miteko sooreera. Itthusene seiya siri sooreeraxa ni sinnaakhavihera atthu.

aHeberi 7:25

Tivawo, Owo ongweraawe waavuluxa nnenesene yaawo ammwaattamela Muluku mwa Yoowo, niwoko Owo onkhala mahuku ootheene weera aavekeleleke yaawo.

1 Yohaane 3:5

Nyuwo moosuwela weera Owo iixoonihenre weera avenxe sootthekasahu, ni mwa Yoowo khasiwowo soottheka.

1 Yohaane 3:8

Yoole oneetta mootthekani ori a Diyabu*, niwoko Diyabu* oottheka okhuma ompacereroni. Vano, Mwaana a Muluku aarweenle weera aphwate miteko sa Diyabu*.

1 Yohaane 5:11

Ni onamoona ti ola: Muluku oonivaha okumi woohimala, ni okumeene yoowo ori mwa Mwanawe.

Ethupululo 21:5

Yoole aakilaathiye vahiceni aaheera: “Kimpaka sinyowani itthu soothesene!” Nitho: “Mulepe yeeyo, niwoko masu ala ti a ekhaikhai ni oophwanela ororomeliwa.”

Ethupululo 22:6

Ndyelo aakeerela: “Masu ala amphwanela ororomeliwa ni ti a ekhaikhai. Apwiya, Muluku a minepa sa maprofeeti, yaamurumiha ndyelowaaya weera ewoonihere arumeiyaaya itthu sihanle vakhaani okhumelela.”

Ethupululo 5:9

ni awo yaahiipa ecipo enyowani: “Moophwanela waakhela elivuru ni ohula iwalelosaya*, niwoko mohiiviwa ni moomuthumela Muluku atthu a epuumba, nuulumo, muloko ni elapo yootheene.