1 Samuweli 9:9 - Emakhuwa Bible

⁹ Khalayi oYixrayeli, mukina aarowaawe waasaasa otthuna wa Muluku, eera: “Nrowe, namukohe namoonihera*, niwoko khalayi mprofeeti iitthaniwa ‘namoonihera*’.”

1 Samuweli 9:9 Iomraidhean Croise

Epacerero 25:22

Asinamwane yaamukakhana mmirimanimwawe, tivawo eenraawe: “Heeni enkikhumelelaaya yeela?” Vano aarowa omukoha Yave.

2 Samuweli 24:11

Davide aavenyaawe oxeexelo, Yave eera amuulumanneene mprofeeti Gadi aari namoonihera* a Davide, amweerelaka:

2 Mamwene 17:13

Yave aahooperera oYixrayeli ni oYuda mwa maprofeetaawe ni anamooniheraawe* ootheene: “Muhiye iphirosanyu soonanara. Mwiiwelele ikanosaka ni malamulowaaka, muttharaka Nlamulo nootheene kaalamulenlaaka makholowaanyu wiiwelela ni koovanghaakani mwa arumeiyaaka maprofeeti.”

1 Nyaha 21:9

Yave aamweerela Gadi, namoonihera* a Davide:

1 Nyaha 26:28

Vano, soovaha sootheene saatteelihiwe ni namoonihera* Samuweli, Sawuli mwaana mulopwana a Kixi, Abineri, mwaana mulopwana a Neri, Yowabe, mwaana mulopwana a Zeruha, ni soovaha sootheene sikina sootteelihiwa saakosoopiwa ni Xelomiti vamoha ni amusaawe.

1 Nyaha 29:29

Soopaka sa mwene Davide, okhuma ompacereroni mpaka ommaleloni wa olamulawawe, silempwale mulivuruni sa nyaha sa namoonihera* Samuweli, mprofeeti Natani ni sa namoonihera* Gadi.

1 Nyaha 9:22

Yaalikeliwaaya ootheene yaathanliwe weera ekhale anamalipelela a milako, yaalepeliwe mukhapirani a mittetthesaya, yaari macira meeli ni muloko neeli. Awo yaathanleliwe miteko iye ni Davide ni mwa namoonihera* Samuweli.

2 Nyaha 16:10

Mwaha wa yeeyo, Asa aamunyoonyeriwa namoonihera*; aanyoonyaxiwa mpaka olamulela otthukiwa. Ehuhuweene yeele, Asa aahaahasula moololoni akina akina a muloko.

2 Nyaha 16:7

Ehuhuweene yeele, namoonihera* Hanani aarowa omuleela Asa, mwene a oYuda: “Mweenre mwaasa ekhavihero ya mwene a wAsiriya ohikhanle wa Yave, Mulukwaanyu, anakhotto a mwene a wAsiriya ahoopowa mmatatanimwanyu.

Yesaya 29:10

Yave ohootannyerani okonaxa; Owo oophuta maitho a maprofeeti; Owo ookuttelela nyuru sa anamoonihera*

Yesaya 30:10

Awosa aniweerela anamoonihera*: “Muhikhalenotho moonelo!” ni wa maprofeeti: “Muhinooniheretho yeeyo eri ya ekhaikhai! Munithalihere masu oosiveliha, muhime iyoonihero soolokottha.

Amosi 7:12

Vahoolowaya, Amaziya aamweerela Amosi: “Opwaheke namoonihera* weyo! Orowe oYuda wathalihere otthuna wa Muluku; waphwanyewo yoocaawo.

1 aKorinto 12:17

Erutthu yootheene yaari niitho, naakhala woowi naaru? Erutthu yootheene yaari naaru, naahiimureke hai?

Ahooleli 1:1

Vahoolo wa okhwa wa Yoxuwa aYixrayeli yaamukoha Yave: “Taani a hiyo anaapacere waawanano aKanaani?”

Ahooleli 18:5

Awosa yaamvekela: “Dyoontte, munkohe Muluku waneettela nnene mukwaahaahu.”

1 Samuweli 9:10

Sawuli aamwaakhula: “Paahi. Nrowe.” Vano, yaarowa wa esidade aakhalaawewo mulopwana a Muluku.