1 Samuweli 9:13 - Emakhuwa Bible

¹³ Mwavolowaru musidade, munoomphwanya ahinaaye owela vanttumuxani weera ace. Amaki kheepacera oca owo ahinaaye ophiya, niwoko owo ontthuneya oreeliha yooveleela. Vahoolowaya ancaaya oolattuliwa. Murowe vaanaanova, munoomphwanya ahinaaye.”

1 Samuweli 9:13 Iomraidhean Croise

2 Samuweli 15:11

Asilopwana macira meeli a oYerusaleemu yaamuhoola Abesalomi. Yaalattuliwa, enarowawo ehisuwelaka naari ehihovelaka sa soovaanelasawe.

Matheyo 14:19

Owo aahaalamulela atthu ancipale weera ekilaathiki vathi. Akuxaka ipaawu ithanu ni ihopa piili ni awehaka osulu wiirimu, aamutthapela Muluku ni aameiyanyiha ipaawu. Vahoolowaya aahaavaha oohuseraawe, enaakawela atthu ancipale.

Matheyo 26:26

Ecaaka, Yeesu aakuxa epaawu, anamutthapela Muluku, anameiyanya, anaavaha oohuseraawe, eeraka: “Mukuxeke ni muceeke: ela ti erutthwaaka.”

Marku 6:41

Akuxaka ipaawu ithanu ni ihopa piili ni awehaka wiirimu, aatthapela ni aameiyanya ipaawu. Vahoolowaya aahaavaha oohuseraawe weera yaakawele atthu. Ni aahaakawelatho ihopa piili ootheene.

Luuka 24:30

Areene vameesa ni yaawo, aakuxa ipaawu, anatthapela, anameyanyiha, anaavaha.

Luuka 9:16

Akuxaka ipaawu ithanu ni ihopa piili ni awehaka osulu, aareeliha ni aameyanyiha. Vahoolowaya aahaavaherera oohusera weera yaakawele atthu ancipale.

Yohaane 6:11

Yeesu aakuxa ipaawu, anatthapela, anaakawela yaawo yaakilaanthe mpaka yaatthunaaya. Aaheerihatho hiiho ihopa.

Yohaane 6:23

Vano, makula makina ekhumaka oTiberiyade yaakhuveela nipuro weiwo atthu ancipale yaaciiyaaya ipaawu Apwiya emalingheene omtthapela Muluku.

1 aKorinto 10:30

Miyo kaacaaka kixukuraka, heeni kinthorihiwaaka mwaha wa etthu wa yeeyo kixukurenlaaka?

1 Timootheyo 4:4

Vano, sootheene Muluku opattuxalaawe ti sooreera, ni khasintthuneya okhootta itthu saakheliwa ni otthapela,

1 Samuweli 2:35

Kinimwiikhalihera musaserdoti* oororomeleya mwa yoowo aneette ntoko kintthunaaka ni muupuwelowaaka. Kinookhaliha nnenesene emusaawe ni owo onoorumeela mahuku ootheene vamaithoni wa oottikittheliwaaka.

1 Samuweli 9:14

Yaarowasa wa esidade ni evolowaka, Samuweli ti aarweelaawe mpatta yaaraaya arowaka wa altaari* vanttumuxani.