1 Samuweli 8:8 - Emakhuwa Bible

⁸ Hiiho ntoko yaakipakelaaya okhuma nihuku nenenenne kaakhuminghaaka wExipitu mpaka olelo ekikhoottaka Miyo ni elapaka miluku sikina, anoopakelanitho nyuwo.

1 Samuweli 8:8 Iomraidhean Croise

Icipo 78:8

Awosa kheekhala ntoko makholowaaya – ekhapira yoottiyamaaru ni yoovaanya; muloko wa murima woohimuroromela Muluku; atthu a okumi woohimutthara Yoowo.

Okhuma 16:3

aYixrayeli yaaweerela: “Eya! Fataari Yave aaniivenle wExipitu! Wuuwu naakilaathi nrinceene nyaapu sa enama ni naaca yooca naatthunelaahu. Vaheera nyuwo muniruuhenle munikarenimu weera nakupa ootheene ola akhwe etala.”

Okhuma 17:2

Niwoko nenenenno aYixrayeli yaamuttaandawula Moisesi emunyesereraka: “Munivahe maahi niwure!” Moisesi aawaakhula: “Munkittaandawulela heeni? Mummootela heeni murima Yave?”

Okhuma 32:1

Muloko woonaka weera Moisesi annapisa vancipale okhuruwa vamwaako, waathukumana omurukureeraka Aharoni, onamweerela: “Nkarwani, munipakele miluku sineera sinihoolele. Vano Moiseseene yoowo onikhumihale wExipitu – khanisuwenle emukhumelenle.”

Yeremiya 34:14

‘Simanleene iyaakha ithannapiili, khula mutthu a nyuwo amutapuxeke muHeberi mukhwaawe iithuminghe wa nyuwosa. Oorumeenleeneni iyaakha ithannamosa, nyuwo munoomutapuxa.’ Vaheera makholowaanyu khayaakiiwelenle hata khayaakipwantthe.

Ezekiyeli 2:3

Owo aakeerela: “Mwaana a mutthu, kinimoorumihani wa aYixrayeli, muloko woovaanya mwa yoowo okivaannye; awosa ni makholowaayeene ankivaanya mpaka olelo va.

Nuumeru 16:41

Oxaawaya, muloko wootheene wa aYixrayeli waapacera omukhupanya Moisesi ni Aharoni, weeraka: “Nyuwosa mohiiva muloko wa Yave.”

Deuteronomiyo 9:24

Okhuma vaavaale koosuwelaakani nyuwosa munnapwaherera omvaanya Yave.

Ahooleli 13:1

Emaara ekinatho aYixrayeli yaapaka soonanara vamaithoni wa Yave. Tivawo Yave aawinnyerenraawe mmatatani mwa aFilisti wookwana iyaakha miloko mixexe.

Ahooleli 2:20

Tivawo isara sa Yave saapattenlaaya aYixrayeli ni Owo aaheera: “Weenre muloko ola onanarihaka wiiraana kaapakenlaaka makholowaaya ni ohikiiwaka,

Ahooleli 4:1

Akhwiyeene Ehudi, aYixrayeli yaapakatho soonanara vamaithoni wa Yave.

Ahooleli 6:1

Emaara ekinatho aYixrayeli yaapaka soonanara vamaithoni wa Yave ni wookwana iyaakha ithannapiili Owo aawinnyerera mmatatani mwa aMidiyani.

1 Samuweli 8:7

Yave aamwaakhula: “Mwaakhulele sootheene muloko wa atthu woovekenlaayani. Khayookhoontteni nyuwo; akikhoontte Miyo weera kihikhale Mwenaaya.

1 Samuweli 8:9

Vano mpake yeeyo avekenlaaya, mene ngwooperere nnenesene ni mwaasuwelihe moota mwene aneeraawe aalamule.”