1 Samuweli 7:9 - Emakhuwa Bible

⁹ Samuweli aamukuxa mwaaputtiputthi aamwa, anamveleela mpurukuma ntoko yooveleela yoohisa wa Yave. Owo aamudyoonttelela Yave mwaha wa aYixrayeli ni Yave aamwaakhula.

1 Samuweli 7:9 Iomraidhean Croise

Icipo 50:15

Mukikhuwelele nihuku na othanana – Miyo kinoowopolani ni nyuwo munookittittimiha.

Icipo 99:6

Moisesi ni Aharoni yaalikeleliwa mpatta wa asaserdotaawe; Samuweli aari mpatta wa yaale yiitthana Nsinanawe; awosa yannamwiitthana Yave ni Owo annawaakhula.

Yeremiya 15:1

Vano Yave aakeerela: “Naari Moisesi ni Samuweli yaakhanle ohoolowaka evekelelaka muloko ola, hata hiiho nkaamorela ikharari muloko. Moomole ohoolowaka. Muloko owo opwaheke!

Levitiku 22:27

“Aayariwaka mwaamombe, eputtiputthi hoye hoye mwaapuri, owo akhaleke mahuku mathannameeli ni naangolo. Okhuma nihuku nanaathannamararu wookela ohoolo onimwaakhuleliwa ntoko yoomveleelela Yave yoorehereriwa vayikho.

Deuteronomiyo 9:26

Kaamvekenle Yave keeraka: “Ii! Adonai Yave, muhiphwate mulokwaanyu; yoohiyeraanyu mooponlaanyu ni ikurusanyu sitokotoko mukhumihaka wExipitu ni ntatananyu nooweraxa.

Yakobe 5:16

Tivawo mulapelane sootthekasanyu mukina ni mukhwaawe, ni muvekelelane mukina ni mukhwaawe weera mukhale oolamihiwa. Nivekelo na mutthu oororomeleya ti na ikuruxa ni noowereya.

Ahooleli 6:26

Vahoolowaya muntekele Yave Mulukwaanyu altaari* vasulu wa ettuttuwa eyo. Vanonto, mveleele emombe elopwana yeele muhiseraka ni nrimbu nootteeliheriwa muneeraanyu mwathikile.”

Ahooleli 6:28

Oxaawaya oxeexelo, atthu a musidade evenyakaru, yaawoona altaari* a Bahali* ephwatiweene ni nrimbunayanene nithikiliweene nitho emombe yanaaveeli eveleeliweenewo valtaarini* anyowani!

1 Samuweli 10:8

Muhooleke mpaka oGibeya. Vekhaikhai kinimoowa wa nyuwo weera kapake sooveleela soohisa ni sa murettele. Mwakiwehererewo mahuku mathannameeli mpaka kineeraka kaphiyewo ni vano kinimooleelani yeeyo entthuneya opaka.”

1 Samuweli 12:17

Ela ti ehuhu enghephiwa ya etrigu. Kinoomvekela Yave weera oorumiheleni etari ni epula. Ni nyuwosa munoosuwela yeeyo mpankaanyu yoomunanara Yave woomvekela mwene.”

1 Samuweli 16:2

Vano Samuweli aamwaakhula: “Kiroweke hai? Sawuli asuwela yeeyo, onookiiva.” Yave aamweerela: “Munkuxe mwaaputtiputthi ni mwamweerele: ‘Kaakenle ompakela Yave yooveleela.’

1 Samuweli 2:35

Kinimwiikhalihera musaserdoti* oororomeleya mwa yoowo aneette ntoko kintthunaaka ni muupuwelowaaka. Kinookhaliha nnenesene emusaawe ni owo onoorumeela mahuku ootheene vamaithoni wa oottikittheliwaaka.

1 Samuweli 7:17

Mene imaara sootheene annahokoleela oRama mwa weiwo yaaraayawo empaawe. Iwe owo aahoolela aYixrayeli ntoko mphuki. Aahaatekawo altaari* amuttittimiherelaka Yave.

1 Samuweli 9:12

Awo yaahaakhula: “Aani. Ori muhoolo mmo. Mwaakuveke – ophiyale olelo va musidadenimwahu, niwoko amaki anrowa opaka yooveleela vanttumuxani.