1 Samuweli 7:3 - Emakhuwa Bible

³ Samuweli aaheerela muloko wootheene wa aYixrayeli: “Mwatthuna omuhokoleela Yave ni murimaanyu wootheene, vano mvenxe miluku sikina variyariwanyu nitho miluku sikina siniitthaniwa Axetoroti ni vahoolowaya mumvahe mirimasanyu Yave munrumeelaka Yoowo paahi. Owo onoowoopolani mmatatani mwa aFilisti.”

1 Samuweli 7:3 Iomraidhean Croise

Epacerero 35:2

Yakobe aaweerela yaawo a vaatewawe nitho yaawo aaraaweno: “Mwiitapuxe wa miluku sa anamarwa siri variyariwanyu. Mwiitteelihe ni muceendye ikuwo.

1 Mamwene 11:33

Kinoopaka yeeyo niwoko na okihiyawaya, emulapaka Axeteroti, muluku muthiyana a aSidoni, Kemoxi, muluku a aMowabe ni Moleki, muluku a awAmoni. Khayeentte mphironimwaka, naari khaapanke yeeyo kintthunaaka, hata khayiiwelenle ikanosaka ni malamulowaaka ntoko aapankaawe Davide, atithawe Salomoni.

1 Mamwene 8:48

Awosa yoohokoleelani Nyuwo ni mirimasaya ni okumaaya wootheene mweelaponi ya amwiittanaaya, mwa yaawo yaakunxe ootthukiweene, ni yoovekelani Nyuwo ohokoleela elapo ela mwaavanghaanyu makholowaaya ni wa esidade muthanlalaanyu ni Empa ya Yave kitekenlaaka Nsinananyu,

2 Mamwene 17:39

Ohiyanawaya, munlape Yave Mulukwaanyu. Ti Yoowo ongwoopolani mmatatani mwa amwiittanaanyu ootheene.”

2 Mamwene 23:15

Aahaaphwata mpaka oBeteli altaari* ni mattumuxa ootteeliheriwa miluku sikina yaapakiwe ni Yerobowami, mwaana mulopwana a Nebati, mwa yoowo aatthekihale aYixrayeli. Aahisa mattumuxa ootteeliheriwa miluku sikina, enathatuwa ntthupi, ahisakatho nrimbu na Axera.

1 Nyaha 22:19

Vano, mmwaase Yave, Mulukwaanyu ni murimaanyu wootheene ni okumaanyu wootheene. Mpacereke oteka Nipuro Nootteela* na Yave Muluku, weera nyuwosa ngwere waaruuha Arka* a Yave, ni ikaruma sootteelihiwa siri sa Muluku, wa Mpaani mwa Yave eniitekiwe nittittimihereliwaka Nsina na Yave.”

1 Nyaha 28:9

Vano weyo mwanaka Salomoni, omusuwele Muluku a atithawo, ni omurumeele ni murima wootheene, ohinyesereriwaka, niwoko Yave ongwehaweha mirima sootheene ni onsuwela wiixera wa soowuupuwela sootheene. Weyo wamwaasaasa, onoomphwanya, vaheera wamuhiya, Owo onimookhootta wa mahuku ootheene.

2 Nyaha 19:3

Wa soothesene, yookhala mwa nyuwo etthu yooreera, niwoko nyuwo mootapuxa elapo mwa nyiri soothipeleliwa sa Axera, munamwaasa Muluku ni murimaanyu wootheene.”

2 Nyaha 20:33

Wa soothesene, khaamalinghe mapuro oolapa a mmattumuxani, ni muloko weera ohinaaye omvarexexa ni nthiti Muluku a makholowaaya.

2 Nyaha 30:19

aninnyerera murimaaya omwaasa Muluku a makholowaaya, naari ehitteenle ntoko ontthuneyaaya vaNipuroni Nootteela*.”

Masu a Miruku 16:1

Soovaanela sa murima ti sa mutthu, vaheera wa Yave enrweela yoowaakhula ya vanlumini.

Yesaya 55:7

Mutakhali ahiyeke ephirowaawe ni mutthu oonanara soowuupuwelasawe. Owo ahokoleele wa Yave ni Owo onoommorela ikharari, arukunuwele wa Muluku ni Owo onoomulevelela ni murima wooreera.

Yeremiya 24:7

Miyo kinimwaavahasa murima woowera okisuwela, aani osuwela weera Miyo ti Yave. Anookhalasa mulokwaaka, ni Miyo kinookhala Mulukwaaya, niwoko awosa anoohokoleela wa Miyo ni murima wootheene.

Yeremiya 36:3

Apaale, muloko wa oYuda woonelela khula erisa kaavaanelenlaaka, khula mutthu anaahiye mweettelowaawe woonanara ni Miyo nkaalevelele yootakhala ni yootthekaaya.”

Yeremiya 4:1

“Mwahokolowa, vano muhokoleele wa Miyo,” onghima Yave. “Mwasuseeriha ottaiwaka milukusanyu sa mwiikho, muhihapuwakatho,

Ezekiyeli 14:6

Tivawo, mweerele muloko wa oYixrayeli Yave onlamula sootheene oneera ha: ‘Murukunxe murima! Muhiye milukusanyu ni mulape soopakasanyu soothaneya sootheene!

Ezekiyeli 18:31

Mwiitapuxe mwa soonanara sootheene mpankaanyu, ni mphwanye murima munyowani ni munepa munyowani. Ii! Muloko wa oYixrayeli, mmwikhweleni?

Hoxeya 14:1

Ii! oYixrayeli, ohokoleele wa Yave, Mulukwaawo. Sootthekasawo sohoomoroxa!

Matheyo 15:8

‘Muloko ola onkittittimiha ni eyano paahi, mene mirimasaya siri ottaiwene wa Miyo.

Matheyo 4:10

Yeesu aamwaakhula: “Osuse Satana! Niwoko yoolempwa: ‘Mwaalapeke Apwiya Mulukwaanyu, ni mwaarumeeleke Yaawo paahi.’”

Matheyo 6:24

Khaawo angwera waarumeela asineene eeli, niwoko mmoha onoomuthanya ni mukina onoomusivela, naari oopacera onoomurumeela ni nthiti, mene anaaveeli onoomuramusa. Nyuwo khamungwera omurumeela Muluku nitho musurukhu.

Luuka 4:8

Yeesu aamwaakhula: “Yoolempwa: ‘Mwaalape Apwiya Mulukwaanyu ni mwaarumeele Yaawo paahi.’”

Yohaane 4:24

Muluku ti Munepa ni ontthuneya weera anamalapelaawe emulapele mMunepani Wootteela ni mweekhaikhaiyini.”

Deuteronomiyo 10:20

Mmoove Yave Mulukwaanyu ni munrumeeleke. Mumvarexexe Yoowo mulipelaka Nsinanaweru.

Deuteronomiyo 13:4

Muntthare ni munttittimihe Yave Mulukwaanyu paahi. Mweettele malamulowaawe mmwiiwelelaka. Munrumeele ni mumvarexexe Yoowo.

Deuteronomiyo 4:29

Wa soothesene, nyuwosa mwamwaasawo Yave Mulukwaanyu, munoomphwanya nyuwosa mwamwaasaasa ni murimaanyu ni okumaanyu wootheene.

Deuteronomiyo 6:13

Mmoove Yave Mulukwaanyu, munrumeele Yoowo paahi ni mulipele Nsinanaweru.

Yoxuwa 13:31

Yaatakanseranatho eriyari ya oGiliyade ni wAxetarote ni wEdereyi – isidade sa omwene wa Ogi oBaxani. Iye saari mipatta sa elapo saakhaliheriwe eriyari ya ekhapira ya Makiri, mwaana mulopwana a Manaxe, nihimo ti nihimo.

Yoxuwa 24:14

Vanonto, mmoove Yave ni munrumeele ni murima woororomeleya. Mvonyere okhwipi miluku yaalapaaya makholowaanyu okhopela wEfrates ni wExipitu ni munrumeele Yave.

Yoxuwa 24:23

Yoxuwa aaweerela: “Vanonto, mvonyere okhwipi miluku sikina muraanyuno ni muhokoleele wa Yave, Muluku a aYixrayeli.”

Ahooleli 10:16

Vano yaarihela okerekhere miluku sa anamarwa yaaraayano, enamulapa Yave. Vanonto Yave khaatthuna woonatho ohooxiwa wa aYixrayeli.

Ahooleli 10:6

aYixrayelitho yaampahula Yave. Yaalapa miluku siniitthaniwa aBahali* ni Axetoroti ni seiye sa wArami, oSidoni, oMowabe, sa awAmoni ni sa aFilisti. Yeenre aYixrayeli emuhiyaka Yave ehimulapakatho,

Ahooleli 2:11

Vanonto aYixrayeli yaapaka soonanara vamaithoni wa Yave elapaka miluku sikina siniithaniwa aBahali*.

Ahooleli 2:13

Yaamuhiya Yave, enamulapa Bahali* ni miluku sikina siniitthaniwa Axetoroti.

1 Samuweli 31:10

Yaahiikaathi ikapwitthisawe mpaani mwa miluksaya siniitthaniwa Axetoroti, enatthukelela muttembwaawe vaxirini ya oBeti-Xani.