1 Samuweli 30:12 - Emakhuwa Bible

¹² ekapatthi emoha ya eboolo ya efiigu* ni iboolu piili sa iwuuva* soowuuma. Owo aahooca analipa mmakhuvani, niwoko aaviriha othana miraru ni ohiyu miraru ahicaaka naari ahiwuraka.

1 Samuweli 30:12 Iomraidhean Croise

Exteri 4:16

“Murowe mwaathukumanyihe aYuda ootheene ari oSusa ni mwatthuke mukeerelaka miyo. Muhice naari muhiwure othana ni ohiyu miraru. Miyo vamoha ni arumeiyaaka asithiyana ninootthuka ntoko nyuwosa. Vahoolowaya kinoowaattamela amwene onoohitthunihereyaru munlamuloni. Wakhala okhwa, nkikhweeke!”

Icipo Soolalamika 1:11

Mulokwaaya wootheene onlalamika orowaka waasa yooca weera okhaleno okumi; onceendya mihakhusaya ni sooca. “Moone Yave, ni moonelemo, niwoko kooramusiwa.”

Yoonasi 1:17

Yave aarumiha ehopa etokotoko weera emmire Yoonasi. Owo aakhala mmirimani mwa ehopa ele othana miraru ni ohiyu miraru.

Matheyo 27:63

yaamweerela: “Apwiya, ninuupuwelela weera areene mukumi, namalokottha Ole aaheera: ‘Kinoovenyerera yamala mahuku mararu.’

Ahooleli 15:19

Muluku aamuhula mwala ori oLehi, enakhumawo maahi. Awuraka, saahokoleela ikuru sa Samesoni ni owo aakakhamuwa. Niwoko na yeeyo naattuuttu ole ootteehiwa wEni-Hakore ni nlelo ori oLehi.

1 Samuweli 14:27

Vaheera Yonatani khaasuwenle nlipelo atithawe yaapakenlaaya anakhotto, moota wooweera aahookolela okhwipi wa ekopo aakuxalaawe, anaxuweya wancerepheni. Acaakaru, aahoona kakhamu.

1 Samuweli 30:11

Awosa yaamphwanya ngwExipitu mutuphini, enamuronghela Davide. Yaamvaha maahi ni yooca –

1 Samuweli 30:13

Davide aamukoha: “Weyo ti awani? Orweenle woowi?” Owo aamwaakhula: “Miyo ngwExipitu, epottha ya ngwAmaleki. Pwiiyaaka aakihiya nsana kivoreiwaka.