1 Samuweli 3:3 - Emakhuwa Bible

³ Onyaari wa Muluku nlelo weera ohicimphe, ni Samuweli aari yiixaatalelelo Mpaani mwa Muluku, yaaraayamo Arka* a Muluku.

1 Samuweli 3:3 Iomraidhean Croise

2 Nyaha 13:11

Khula oxeexelo ni oxekuwa awosa ampaka sooveleela soohisa ni sa erubani* yoowunkhelaxa wa Yave. Awosa anthata ipaawu vameesa akhoveleliwe okhala ootteela, ni khula oxekuwa ampattiha soomwaleela sa onyaari orino nyetto sa eyuuma yoorikaxa yooreera. Vano, hiyo nintthariha soonyesereriha sa Yave, Mulukwaahu, nyuwosa munghiyalaanyu.

Icipo 27:4

Koomvekela Yave etthu emoha ni ti yeela kinaasaaka: kintthuna okhala Mpaani mwa Yave mahuku ootheene a okumaaka weera koone oreera wa Yave ni kamwaase Mpaanimwawe.

Icipo 29:9

Nsu na Yave nnaarelanyiha anaahe ni ninnamoroxiha makukhu a moothakoni. Vano Mpaanimwawe ootheene ankhuwela: “Ovuwa!”

Icipo 5:7

Wa soothesene, moosivelanimwanyu otokotoko kinoovolowa Mpaanimwanyu; ni woova kinookokhorela Empaanyu Yootteela.

Okhuma 25:31

Mpake onyaari wa eyuuma yoorikaxa woohaniwa. Nnaawonaya, mwettwaaya, ikoomixisaya, soottuvasaya ni ithutusaya sootheene sikhaleke etthu emohamoharu paahi.

1 Samuweli 1:6

Eenre akhalaka mwali eekupa, Penina annamutannya weera amunyoonyihe.

1 Samuweli 1:9

Ekwaha emoha awosa emalihaleene oca ni owura oXilo, Hana aaheemela. Vano, Eli, musaserdoti* eera akilaantheene vahiceni vamulako wa Empa ya Muluku.