1 Samuweli 28:7 - Emakhuwa Bible

⁷ Vano Sawuli aaweerela arumeiyaawe: “Mmwasaase muthiyana onuuluma ni minepa weera kirowe kamukohakohe.” Awosa yamwaakhula: “Ookhala mmoha wEnidori.”

1 Samuweli 28:7 Iomraidhean Croise

2 Mamwene 6:33

Owo alokololaka hiihaale, namutthenga aaphiya. Vano ehuhuweene yeele mwene aamweerela: “Nna nttaruxo na Yave. Nkirwa kingwehereratho Yave.”

1 Nyaha 10:13

Sawuli okhwenle hiiho niwoko khaaroromeleiye wa Yave; khiiwelenle masu a Yave, mpaka aaphiyeraawe omukoherera muthiyana uuluma ni minepa sa anamakhwa,

Icipo 83:10

mwa yaale yaakhwenle wEnidori, ethatuwaka ethaadyira vatthayani.

Yesaya 19:3

awExipitu anooporora ni Miyo kinoovirikanyiha soovaanelasaya; awosa anookohakoha miluku soowootha, minepa sa anamakhwa, yaale yaahera ihako ni yuuluma ni anamakhwa.

Levitiku 19:31

Muhiwaasaaseru yaale anaahera ihako hoye hoye anuuluma ni anamakhwa, niwoko munoovalihiwa ni yaawosa. Miyo ti Yave Mulukwaanyu.

Habakuki 2:3

Vanonto moonelo oniweereiye mweehuhuni yootthuneya; onghima sa ommaleloni ni ti wa ekhaikhai. Naari opisaka, ngweherere yoowo, niwoko vekhaikhai enoophiya ehuhuwaaya.

Miteko 16:16

Nihuku nimoha, nirowaka vanipuroni na nivekelo, naakumanano epottha emoha yaarino munepa mwa yoowo yaatthoma sa ohoolo. Eyo yaawina musurukhu mwincipale wa asineenaaya ni sootthoma.

Deuteronomiyo 18:11

naari madyiini, onuuluma mwa nsina na minepa, onkoha minepa hoye hoye anamakhwa.

Yoxuwa 17:11

Vano mweelaponi mwa wIsakari ni wAxeri, Manaxe aakhalanotho oBeti-Xani, oYibleyami, amaki a oDori (eyo tiiyo oNafoti-Dori), wEnidori, oTahanakhi, ni oMegidu, vamoha ni mittetthesaya.

1 Samuweli 28:3

Vano Samuweli aahookhwa ni aYixrayeli ootheene yaahiinla okhwawawe. Yaamvitha musidadenimwawe oRama. Sawuli aawoomola mulaponi ootheene yaahera ihako ni yuuluma ni anamakhwa.