1 Samuweli 28:6 - Emakhuwa Bible

⁶ Aamukohakoha Yave, mene Yave khaamwaakhunle – naari moolohani, hata ni Urimi* hoye hoye ni maprofeeti.

1 Samuweli 28:6 Iomraidhean Croise

2 Samuweli 22:42

Awosa yaakhuwela evekelaka ekhavihero, mene khaariwo oowaavuluxa; yaamvekelaxa Yave, mene Owo khaawaakhunle.

Icipo 74:9

Khanivahiwatho ineneero sootikhiniheya; khaawoworu maprofeeti ni khaawo a hiyo osuwenle omalawaya.

Okhuma 28:20

ni mmuserani wanaaxexe krisolito*, onikisi* ni yaspe*. Maluku ootheene awo etthukeleliweke vakaaxaniwaya ni eyuuma yoorikaxa.

Okhuma 28:30

Mwiikaathitho Urimi ni Tumimi* mpatta wa yoowara ya vakakasani yoolakelano weera sikhale vamurimani wa Aharoni imaara sootheene aneeraawe avolowe vamaithoni wa Yave. Hiiho, Aharoni onookuxa vamurimani moota woolakelano mwa aYixrayeli ohoolo wa Yave.

Masu a Miruku 27:1

Muhiikuxerereno nihuku na omaalo, niwoko nyuwo khamusuwenle yeeyo ehuhu ya muhoolo eneeraaya eruuhele.

Yeremiya 23:28

Mprofeeti olonghe, athalihe yooloha, ni yoowo orino maswaaka alaleiye moota woororomeleya. Vano malaxi ancelana hai ni etrigu?” onghima Yave.

Icipo Soolalamika 2:9

Maselaaya aamorela vathi; anampattikaaya ohaaphwata. Mwenaaya ni ahoolelaaya aaronghiwa wootthukiwani wa ilapo soohiyanahiyana ni khaniwoworu nlamulo; maprofeetaaya khaanaakhela nyoonelo sa Yave.

Yoweli 2:28

“Vahoolowaya nkaayehere Munepaaka atthu ootheene. Anamwaniinyu asilopwana ni asithiyana eniithalihere otthuna wa Muluku, anamuuluvalaanyu eniilohe ni amiravowaanyu eniikhaleno nyoonelo.

Levitiku 8:8

Aangwarihatho yoowara vakakasani iikaathiki Urimi ni Tumimi* mpatta wa yoowara ya vakakasani.

Mikeyasi 3:7

Anamoonihera* anooyevihiwa ni anamatthoma animuulihiheya muru. Ootheene awo anookuttelela ekhove, niwoko Muluku khawaakhula.”

Nuumeru 12:6

ni Owo aaweerela: “Mwiiwe maswaaka: Aakhalaka eriyaraanyu mprofeeti a Yave, kiniixoonihera mwa yoowo mmooneloni; kinuuluma ni yoowo moolohani.

Nuumeru 27:21

Owo iixoonihereke wa musaserdoti* Eleyazari, anaakoherere soolakela sa Urimi* amweerelaka Yoxuwa, ohoolo wa Yave. Ti moota ola Yoxuwa ni muloko wootheene wa aYixrayeli oneeraaya weettele mpaka ohoolo.

Matheyo 1:20

Uupuwelaka hiiho, aahiixoonihera wa yoowo ndyelo a Apwiya moolohani, ni aamweerela: “Yoseefe, mwaana a Davide, ohoove omwaakhela Mariya ntoko mwaariyo, niwoko yeeyo erupaliwe ti ya Munepa Wootteela.

Yohaane 9:31

Noosuwela weera Muluku khammwiiwelela namattheka, mene ommwiiwelela yoowo onimuttittimiha Muluku ni ompaka otthunawawe.

Deuteronomiyo 33:8

Wa Leevi aaheera: “Ii! Yave! Tumimi ni Urimaanyu* mohaavaha arumeiyaanyu oosiveleya ari aLeevi. Mwaamoota murima oMasa; mwaanyakulihanano mmaahini a oMeriba.

Yakobe 4:3

Mwaavekaka, khamunaakhela, niwoko mumveka ni murima woolokottha, muvekelaka itthu wa soohaawelasanyu soonanara weera muhakalalele seiye.

1 Samuweli 14:37

Sawuli aamukoha Muluku: “Naatthareleleke aFilisti? Nyuwo munimwaavaherera mmatatani mwa aYixrayeli?” Mene nihuku nne Muluku khamwaakhunle.

1 Samuweli 28:15

Samuweli aamukoha Sawuli: “Munkixupelani mukivenxaka kaaraaka?” Sawuli aamwaakhula: “Miyo koovalavelihiwa niwoko aFilisti anookiwanano ni Muluku ookihiya. Owo khankaakhula – hata ni maprofeeti naari moolohani. Tivawo kiwiitthannaakani okileela yooweera.”

1 Samuweli 28:5

Sawuli awoonakaru anakhotto a aFilisti, aahoova anatteenguwa.