1 Samuweli 28:23 - Emakhuwa Bible

²³ Owo aakhoota eeraka: “Nkintthuna oca.” Vanonto asilopwana yaamunyesereriha vamoha ni muthiyana ole, ni owo aawaakhulelasa. Sawuli aavenya vathi anakilaathi vakaamani.

1 Samuweli 28:23 Iomraidhean Croise

1 Mamwene 21:4

Hiiho Ahabi aarowa owaani oonyoonyiweene ni ooriipiweene murima niwoko Naboti aamweerenlaawe: “Nkingwera woovahani yoohiyeriwa ya makholowaaka.” Aahiixaatalela vabeettinivawe atthunkeene eyano, ahuluwenleene okina, akhoottaka oca.

2 Mamwene 4:8

Nihuku nimoha Elixa aarowa oXunemi. Aakhalawo muthiyana mukina oopuha mwa yoowo aamudyoonttelenlaawe weera ace owannyawe. Tivawo, khula emaara Elixa aaviraawewo, anneemela weera acewo.

2 Mamwene 5:13

Arumeiyi a Nahamani yaamwaattamela, enamweerela: “Tiithi, mprofeeti oovekenleni etthu yoorika, khamwaapaka? Wootepaxa oweerelani paahi: ‘Mwarape ni munoolama.’”

Exteri 1:6

Vano nttimbe naasareya iluttu sa eliinyu* yootteela ni ya kanka sitthukiweeneno annela a eparatha* ni mikhoyi sa eliinyu* yootteela ni ikuwo sooxeera – sootheene vasulu wa amarimbu a maluku maramore*. Saakhala ihice sa eyuuma yoorikaxa ni sa eparatha* ni soonyikalela sa maluku a maramore* oothatiwa oorimbelela ni ootteela ecaambuliweene ni maluku ooreeraxa makina.

Masu a Miruku 25:20

Yoowo ommwiipela mutthu ni murima woothanana ori ntoko orula yoowaraawe vanihukuni nooriira, hoye hoye waamela eviinyu yoonyuunya vanikhwattani.

Ezekiyeli 23:41

Nyuwo mwaakilaathi vahiceni yooreeraxa, ohoolowanyu yaakhala meesa, mwa yaawo nyuwo mwiikaathiyaanyuwo erubani* ni makhura yaari awaka.

Luuka 14:23

Vano Apwiya yaamweerela murumeiyi: ‘Orowe mphironi ni mmiphitoni, ni waanyesererihe atthu ovolowa weera empaaka esareye.

Luuka 24:29

Vano awo yaamunyesereraxa yeeraka: “Mukhale ni hiyo va, niwoko oneera wiilaka, othana ohanle vakhaani omala.” Vano Owo aavolowa weera akhale ni yaawo.

Miteko 16:15

Apatisiweene vamoha ni yaawo a vaatewawe, owo aanilattula eeraka: “Nyuwo muupuwela weera miyo kiri muKristu, ngwe ni mukhale owannyaka.” Ni hiiho owo aaniviriyela.

2 aKorinto 5:14

Vano osivela wa Muluku onninyesereriha, niwoko nooviriyeliwa weera mmoha okhwiiye wa ootheene, tivawo ootheene ahookhwa.

1 Samuweli 28:22

Vano dyoontte mmwiiwe murumeiyaanyu. Muce vakhaani weera mphwannye ikuru soopwahererano mukwaahaanyu.”