1 Samuweli 27:1 - Emakhuwa Bible

¹ Vanonto Davide aahuupuwela: “Nookhala nihuku aneeraawe akiive Sawuli. Fataari otthawela elapo ya aFilisti. Hiiho Sawuli anaahiye okaasaasa mweelaponi ya oYixrayeli yootheene, ni miyo kinimoopowa mmatatanimwawe.”

1 Samuweli 27:1 Iomraidhean Croise

1 Mamwene 12:26

Yerobowami aahuupuwela: “Enoowereya weera omwene ola onoohokoleela ekhapira ya Davide.

1 Mamwene 12:28

Iilankeene, mwene aahaapaka aximombe eeli a eyuuma yoorikaxa. Owo aaweerela atthu: “Nyuwosa khamureere weetta oYerusaleemu. Siri va milukusanyu, aYixrayeli, mwa seiye sookhumihaleni wExipitu.”

1 Mamwene 19:3

Eliya aahoova, anatthawa uurelaka okumaawe. Aphiyakaru oBerxeba, elapo ya oYuda, aamuhiyawo murumeiyaawe.

2 Nyaha 25:17

Aakoherenreene anamalakaawe, Amaziya mwene a oYuda, aamurumihela anamitthenga Yehowaxi, mwaana mulopwana a Yehowahazi ni osuulu wa Yehu, mwene a oYixrayeli, ni mpikisaano ola: “Murwe mukiwanane.”

Icipo 116:11

Oorukurereyeene muru kaaheera: “Khawoworu omphwanela omuroromela.”

Icipo 55:7

aani kaamtthawela ottaiwenexa, kikhalaka munikareni. Sela*

Okhuma 14:12

Hiyo nireene nlelo wExipitu naahooleelani: ‘Munihiyeke nikhale ipottha sa awExipitu. Fataari naari ipottha sa awExipitu ohikhanle okhwa munikareni!’”

Masu a Miruku 13:12

Oweherera woopisa ontannyera ovoreya murima, vaheera ohaawela wookwaniheriwa ti mwiri wa okumi.

Yesaya 51:12

“Miyo, aani ti Yoomi kinoopepesani. Heeni mungwoovaanyu atthu ankhwa, anamwane a atthu ari malaxi paahi?

Nuumeru 14:3

Yave onnironghela heeni elapo eyo? Weera niiviwe ni ekatana? Axaarihu ni anamwaniihu anookuxiwa ntoko soohuhuliwa mukhottoni. Khawaareerela ohokoleela wExipitu?”

Matheyo 14:31

Woowaakuveya Yeesu aahookola moonowaawe ni aamvarela, eeraka: “Mulopwana a nroromelo vakhaani! Heeni nyuwo muhovenlaanyu?”

Marku 4:40

Vano aahaakoha oohuseraawe: “Heeni nyuwo munoovaanyu vancipale? Nlelo khamunroromela?”

2 aKorinto 7:5

Vano, naaphiyalaahu oMasedoniya, khaniitthuuwale, mene naahaaxiwa ni moota wootheene, eyo tiiyo soohooxa sa omokoni, ni woova wa mpuwa.

1 Samuweli 16:1

Yave aamweerela Samuweli: “Mpaka yaakhani muneeraanyu mmwiinlele Sawuli, keenre kimukhootta okhala mwene a aYixrayeli? Musarihe nnyakananyu makhura ni mpwaheke oBeteleheemu. Kinimoorumihani wa Yixai. Koomuthanla mmoha a anamwanaawe asilopwana weera avariwe omwene.”

1 Samuweli 16:13

Vano Samuweli aakuxa nnyaka noosareya makhura, anamuttikitthela vamaithoni wa axunneiye ni okhuma nihuku nenenenne Munepa wa Yave waamurweela Davide mukuruni. Vahoolowaya Samuweli aahokoleela oRama.

1 Samuweli 20:3

Wa soothesene, Davide aalipela eeraka: “Atithinyu ansuwela nnenesene weera miyo koowiiraananani enuupuwela: ‘Yonatani ahisuwele yeela weera ahithanane.’ Kinlipela mwa Nsina na Yave – vekhaikhai – weera okhwa wookikhuveela.”

1 Samuweli 22:5

Wa soothesene, mprofeeti aamweerela Davide: “Muhipise woolipawo, muroweke oYuda.” Vano Davide aapwaha, anarowa moothakoni wa oHereti.

1 Samuweli 23:17

Owo aamweerela: “Muhoove. Atithaka kheerwa ewiivaani. Nyuwo munookhala mwene a aYixrayeli ni miyo nkikhale anaaveeli moolamulani. Mpaka atithaka Sawuli aasuwela yeeyo.”

1 Samuweli 25:30

Muhoolommo, Yave ookwaniherelani sootheene aaroromelinghaawe ni ookhalihani muhooleli a aYixrayeli,

1 Samuweli 26:19

Vano, pwiiyaaka, mwene, mwiiweke masu a murumeiyaanyu: Yave ooseserani okisoonda, Owo aakheleke yooveleelaaka. Wa soothesene, yaari atthu apanke, vano elaphiwe vamaithoni wa Yave. Awo aakirakameliha wa mpattaaka wa yoohiyeriwa ya Yave ni aakeerela: ‘Murowe mwalape miluku sikina.’

1 Samuweli 29:2

Asitokweene a aFilisti yeera yeettaka ni mikuttulasaya sa anakhotto ncira hoye hoye macira muloko, Davide ni asilopwanaawe aatthara ottuliwaya ni Akixi.

1 Samuweli 29:3

Asitokweene a aFilisti yaakoha: “Ankha aHeberi ala?” Akixi aawaakhula: “Ola Davide, mwa yoowo aari mutokweene a anakhotto a Sawuli, mwene a aYixrayeli. Owo ori ni miyo woopwaha eyaakha okhuma nihuku nenenenne aamuhiyalaawe Sawuli ni kheewo opankaawe yookwana omuhovela.”