1 Samuweli 26:20 - Emakhuwa Bible

²⁰ Muhikihiye kikhwelaka mweelaponi ya anamarwa ottaiwene wa vamaithoni wa Yave. Mwene a aYixrayeli aarowa waasa otitili, ntoko mukina onrowaawe olupattha ekhwali mmanyaakoni.”

1 Samuweli 26:20 Iomraidhean Croise

Yeremiya 16:16

Vanonto, kinoowiitthana anamamesera ancipale,” onghima Yave, “ni awosa animwaamesera. Vahoolowaya kinoowiitthana anamalupattha ancipale ni awosa animwaalupattha mmanyaakoni sootheene, mmattumuxani ni mmakhukuni.

Icipo Soolalamika 3:52

Yaale yaari amwiittanaaka woohinthowa yaakilupattha ntoko mwaapalame.

Matheyo 26:47

Eeraka olokolola Yeesu, aaphiya Yudasi, mmoha a muloko neeli. Atthu ancipale yaari ni yoowo, ekunxeene mavaka ni ikopo, yaarumihiwe ni ahooleli a asaserdoti* ni asitokweene a muloko wa atthu.

Matheyo 26:55

Ehuhuweene yeele Yeesu aaweerela atthu ancipale: “Niwoko heeni mungwaanyu okivara ni nyaalo ni ikopo? Miyo kinaalamula atthu weera ewane ni ebooma? Mahuku ootheene Miyo kannaxuttiha Mpaani mwa Muluku, ni khamwaakitthunke.

1 Samuweli 2:9

Owo onnathokorora inaawo sa ootteela, vaheera atakhali anoomaalihiwa mweepiphini. Mutthu khangwina niwoko na ikuruxa;

1 Samuweli 24:11

Moone, atithaka, ngwehe nleembe na mukaandyowaanyu nri mmatatanimwaka. Koothikila nleembe na mukaandyowaanyu, mene nkiwiivaleni. Vano, musuwele ni mwiiwexexe weera nkinthowa woopakelani yoonanara hata woovaanyani. Nkoopahunleni etthu, naari mukaasaasaka weera mukiive.

1 Samuweli 24:14

Mwene a aYixrayeli orweenle ongwanano taani? Onimuttharatthara taani? Mwalapwa ookhwa hoye hoye otitili?

1 Samuweli 24:15

Yave akhale Mphukaahu athorihaka variyariwahu. Owo athorihe ni ekhaikhai akaakihaka woopopihiwa wu.”

1 Samuweli 25:29

Hata akhalaka mukina anoottharatthareni weera awiiveeni, Yave Mulukwaanyu onoowaakihani, oopolaka okumaanyu ntoko etthu yootthuneyaxa. Vaheera okumi wa amwiittanaanyu onoovonyeriwa ottaiwene ntoko nluku nivonyingwe ni ekwambala.