1 Samuweli 25:18 - Emakhuwa Bible

¹⁸ Abigayili aahaakuveya, anakuxa ipaawu macira meeli, akacikhi eeli a eviinyu, ikhondoolo ithanu soorehereriwasene, mipatta mithanu sa etrigu yoowaarikiwa, iboolu ncira sa iwuuva* soowuuma ni iboolu macira meeli sa ifiigu, anatthukelela waabuuruni.

1 Samuweli 25:18 Iomraidhean Croise

2 Samuweli 16:1

Davide arongweene wooxuurakamela vamwaako, aamphwanyawo Ziba, murumeiyi a Mefiboxeti, angwehereraka. Aarino abuuru akina ootthukiweene ni ekuxaleene ipaawu macira meeli, iboolu ncira sa iwuuva* soowaarikiwa; iboolu ncira sa efiigu* ni kacikhi oosareya eviinyu.

1 Nyaha 12:40

Amaki a ipuumba soowaattamana mpakatho a mmapuroni oorakamela ntoko Isakari, Zebuloni ni Nafitali, yaahaaruuhelasa sooca sincipale sikuxiwaka ni abuuru, ikamelu*, amula* ni imombe. Saahaattaxa sooca ntoko iya: Ephepa, iboolu sa ifiigu, iboolu sa iwuuva* soowuumihiwa, eviinyu, makhura, imombe ni ikhondoolo, niwoko waakhala ohakalalaxa oYixrayeli.

Masu a Miruku 18:16

Yoovaha enimuhelela ephiro yoole omvaha ni enimurongha vamaithoni wa asitokweene.

Masu a Miruku 21:14

Ovaha muxiirini onkurunuxa isara, ni makhwankwa amvahiwa wiiphiini ammaliha onyoonyaxiwa.

Masu a Miruku 31:12

Owo onimpakela yooreeraru, ahimpakelakaru yoonanara, mmahukuni ootheene a okumaawe.

Matheyo 5:25

Mwiiwanane woowaakuveya ni mwiittanaanyu atthunaka wooronghani wa alipa oowuuluma milattu. Mpake yeeyo nyuwo nlelo murowaka wa yaawo, niwoko wavirikanawo onimooveleelani wa mphuki, ni mphuki onimooveleelani wa mpilixa, ni nyuwo munoovonyeriwa okaliposo.

1 Samuweli 17:17

Vanonto Yixai aamweerela mwanawe Davide: “Waakuxere axunneiyo ikiilu* miloko miili ni piili sa etrigu yoowaarikiwa ela ni ipaawu muloko iya, otthimakihere okonelingwe.

1 Samuweli 25:17

Vano muupuwele yeeyo ni moone maayi muneeraanyu mpake, niwoko yoonanara yohaakhuveela apwiyaahu ni vaatewaya wootheene. Owo mulopwana oonanara murima moota wooweera khaawo angwera omutthekulano.”

1 Samuweli 25:34

Vano kinlipela mwa Nsina na Yave, Muluku a aYixrayeli, mwa Yoowo okihiihale woopakelani yoonanara, nyuwo mwahaarwiiye woowaakuveya okikumanano, ohiyuweene yoola Nabali khaakalanaru naari mulopwana mmoha mukumi.”