1 Samuweli 22:14 - Emakhuwa Bible

¹⁴ Ahimeleki aamwaakhula mwene: “Khawowo a arumeiyaanyu oororomeleya ompwaha Davide, mukamwenaawe mwene, mutokweene a anamalipelelaanyu ni oottittimiheyaxa vaatevanyu!”

1 Samuweli 22:14 Iomraidhean Croise

1 Samuweli 17:25

Vano aYixrayeli yaaheerelana: “Moomoona nnenesene mulopwana ole? Owo onoodereratho muloko wa aYixrayeli. Mwene oororomeliha mihakhu sincipale wa yoowo anaamwiive. Mpaka onoomutheliha mwanawe muthiyana ni emusi yootheene ya atithawe kheeliva musoko oYixrayeli.”

1 Samuweli 18:13

Hiiho aamurumiha Davide ottaiwawe, amukhalihaka mutokweene a anakhotto macira muloko, mwa yaawo Davide aaweettanaawe mukhottonimwawe.

1 Samuweli 18:27

Davide ni asilopwanaawe yaarowa, enawiivasa aFilisti macira meeli. Aaruuha matusu, anamvaha mwene weera athatuwe mukamwenaawe. Vano Sawuli aamutheliha mwanawe muthiyana, Mikali.

1 Samuweli 20:32

Yonatani aahaakoha atithawe: “Anaakhweleni? Owo opankeni?”

1 Samuweli 21:2

Davide aamwaakhula musaserdoti*, Abimeleki: “Mwene ookilamulela etthu akeerelaka: ‘Ahikhale mutthu anaasuweleru etthu ela koolamulenlaakani ni kooxuttinghaakani.’ Wa asilopwanaaka – kohaalamulela weera nakumane vanipuroni niiwanannaahu.

1 Samuweli 22:13

Sawuli aamukoha: “Munkivaanelela heeni – nyuwo ni mwaana mulopwana a Yixai? Mumvahenreni sooca ni ekatana munkohereraka Muluku mwaha wa yoowo? Owo ookivaanya ni olelo ookiipithela.”

1 Samuweli 24:11

Moone, atithaka, ngwehe nleembe na mukaandyowaanyu nri mmatatanimwaka. Koothikila nleembe na mukaandyowaanyu, mene nkiwiivaleni. Vano, musuwele ni mwiiwexexe weera nkinthowa woopakelani yoonanara hata woovaanyani. Nkoopahunleni etthu, naari mukaasaasaka weera mukiive.

1 Samuweli 25:28

Dyoontte mulevelele nthowa na murumeiyaanyu, niwoko vekhaikhai Yave onookhaliha omwenaanyu wa mahuku ootheene mweenre ngwanaka ikhotto sa Yave. Nihiphwanyaneye nthowa mwa nyuwo wa mahuku ootheene.

1 Samuweli 26:23

Yave ontthuvela ekhaikhai ni ororomeleya wa khula mutthu. Olelo Owo oowinnyererani nyuwo mmatatanimwaka, mene miyo kookhootta omutava oottikittheliwa a Yave.