1 Samuweli 21:5 - Emakhuwa Bible

⁵ Davide aamwaakhula: “Vekhaikhai hoye! Eyo ekhovelelowaahu imaara sootheene ninkhalanaahu mukwaha. Khannimutavaru muthiyana asilopwanaaka anniixiinanela wakhalaru mukwaha – wootepaxa olelo!”

1 Samuweli 21:5 Iomraidhean Croise

Okhuma 19:14

Moisesi akhuruwakaru vamwaako, aatteeliha muloko ni awo yaacapa soowarasaya.

Okhuma 19:15

Aaweerela atthu: “Mwiirehererele nihuku nanaararu ni muhikoneno axaarinyu.”

Okhuma 25:30

Mwiikaathi vameesa epaawu ya Okhala* weera ekhale ohoolowaka mahuku ootheene.

Levitiku 24:9

Iyo ti sa Aharoni ni anamwanaawe asilopwana mwa yaawo eneera eceleke vaNipuroni Nootteela*, niwoko ti mpatta wootteelaxa wa mipattasaya sa khula nihuku sa sooveleela soomurehererela vayikho Yave. Ti ekano yoohimala.”

Levitiku 8:26

Mumpaparani orino ipaawu soohikhalano eferementu waari vamaithoni wa Yave, aakuxa epaawu yoohikhalano eferementu, epaawu yooheliwa makhura ni epaawu yoozazaala, aniikaathi vamakhurani ni vatakhwini yoolopwana.

Miteko 9:15

Apwiyatho yaamweerela Ananiya: “Muroweke, mulopwana owo ti exaavaaka yoothanliwa weera ekuxe Nsinanaka wa amalapo, mamwenaaya ni wa muloko wa aYixrayeli.

1 aKorinto 7:5

Muhikhoottelane okona vamoha, ohikhanle wa ehuhu vakhaani ni mwiiwanane, weera ehuhuweene yeeyo muvilele mmavekeloni. Vahoolowaya, mupwaherere okona vamoha weera ahiweerereni Satana niwoko na ohiisuumaalihawanyu.

1 Pedru 3:17

Fataari ohaawa opakaka yooreera, wakhala otthuna wa Muluku, ohikhanle ohaawa opakaka yoonanara.