1 Samuweli 2:35 - Emakhuwa Bible

³⁵ Kinimwiikhalihera musaserdoti* oororomeleya mwa yoowo aneette ntoko kintthunaaka ni muupuwelowaaka. Kinookhaliha nnenesene emusaawe ni owo onoorumeela mahuku ootheene vamaithoni wa oottikittheliwaaka.

1 Samuweli 2:35 Iomraidhean Croise

2 Samuweli 7:11

ni okhuma ehuhuweene yeele kaakhalinghaaka aphuki wa mulokwaaka, aYixrayeli. Kinoowiitthuuwihani wa amwiittanaanyu ootheene. Yave oneeratho weera Owo muneenaawe onookhaliha omwenaanyu.

2 Samuweli 7:27

Ii! Yave a ikuru sootheene, moomuthupululela yeeyo murumeiyaanyu mweenraanyu: ‘Kinimookhaliherani omwene.’ Tivawo murumeiyaanyu olipihalaawe murima woowoovekelani.

1 Mamwene 1:45

ni Zadoki, musaserdoti*, Natani, mprofeeti oomuttikitthela okhala mwene a oGihoni. Okhuma weiwo yaarowa ehakalalaka ni esidade enyakuleleyaka. Onyakulawene ti weiwo muniiwaanyu.

1 Mamwene 1:8

Wa soothesene, Zadoki, musaserdoti*, Benaiya, mwaana mulopwana a Yehoyada, Natani, mprofeeti, Ximei ni Reyi vamoha ni anamalipelelaawe Davide khayaamutthunne Adoniya okhala mwene.

1 Mamwene 11:38

Mwapaka yeeyo kineeraaka koolamuleleni ni mweetta mphironimwaka mwemmo Miyo kintthunaaka mwiiwelelaka ikanosaka ni malamulowaaka ntoko aapankaawe murumeiyaaka Davide, kinookhala ni nyuwo. Kinimoovahani omwene wa mahuku ootheene ntoko kaampakenlaaka Davide ni kinimoovahanitho oYixrayeli.

1 Mamwene 2:35

Mwene aamukhaliha Benaiya, mwaana mulopwana a Yehoyada, ntoko mutokweene a anakhotto vanipuroni na Yowabe ni Zadoki vanipuroni na Abiyatari ntoko musaserdoti*.

1 Nyaha 29:22

Nihuku nne yaahooca enawura ni ohakalalaxa vamaithoni wa Yave. Hiiho yaamvaratho omwene Salomoni, mwaana mulopwana a Davide, emuttikitthelaka ohoolo wa Yave ntoko oolamula sootheene, ni Zadoki ntoko musaseroti.

Icipo 18:50

Owo oningwinihaxa mwenaawe; ommoonihera onnene oottikittheliwaawe, wa Davide ni ekhapiraawe wa mahuku ootheene!”

Icipo 2:2

Mamwene a mweelaponi animvaanya Yave ni anamalamula anoomvaanelela Yoowo ni oottikittheliwaawe, yeeraka:

Okhuma 1:21

Yeenre anamayariha yaamoovaka Muluku, aahaavahera oyara weera ekhalaneke emusaaya.

Ezekiyeli 34:23

Kinoomwiikaathi eriyaraaka mukukhuli mmoha, murumeiyaaka Davide, ni owo anaakosoope seiyo ni anaakhale mukukhulaaya.

Nuumeru 25:13

Okhuma vanaano vaava owo mpaka ikhapirasawe onookhala wiiraana wa osaserdoti* woohimala, niwoko owo oomukhalela nthiti Mulukwaawe aarehererelaka aYixrayeli wiiwanana ni Muluku.

aHeberi 2:17

Tivawo waatthuneya weera Owo aathatungwe ntoko axunneiye mmakhaleloni ootheene, weera akhale Mutokweene a asaserdoti* a ikharari ni oororomeleya mmutekoni mwa Muluku, ni weera iiraanyihe soottheka sa muloko.

1 Samuweli 10:10

Owo aphiyakaru oGibeya, mukuttula mmoha wa maprofeeti waamuciceera; Munepa wa Muluku waamurweela mukuruni ni aapacera othalihera otthuna wa Muluku eriyaraaya.

1 Samuweli 10:9

Samuweli arukunuwaka weera amulaxere Sawuli, Muluku aaceendya murima wa Sawuli ni ineneero sootheene iye saakwaniheriwa nihuku nenenenne.

1 Samuweli 12:3

Kiri va. Mukhalele onamoona vamaithoni wa Muluku ni oottikittheliwaawe: Emombe hoye hoye buuru awani kimwiiyalaaka? Ookhala kimulokontthaaka? Ookhala kimuhoonxaaka? Wa taani kaakhelenlaaka makhwankwa weera kikuttelele nthowanawe? Kaapanke yakhalaru etthu ya seiyo, kinoohokoloxa.”

1 Samuweli 16:13

Vano Samuweli aakuxa nnyaka noosareya makhura, anamuttikitthela vamaithoni wa axunneiye ni okhuma nihuku nenenenne Munepa wa Yave waamurweela Davide mukuruni. Vahoolowaya Samuweli aahokoleela oRama.

1 Samuweli 2:36

Ehuhuweene yeeyo ootheene eniihale mweemusinimwanyu eniirwe emukokhorelaka yoowo weera ephwanye nikhoobiri na eparatha* ni yooca vakhaani. Eniimudyoonttelele: “Mukivahe wakhalaru muteko wa esaserdoti weera kiphwanye yooca.”’”

1 Samuweli 25:28

Dyoontte mulevelele nthowa na murumeiyaanyu, niwoko vekhaikhai Yave onookhaliha omwenaanyu wa mahuku ootheene mweenre ngwanaka ikhotto sa Yave. Nihiphwanyaneye nthowa mwa nyuwo wa mahuku ootheene.

1 Samuweli 3:1

Mmiravo Samuweli annarumeela vamaithoni wa Yave alamuleliwaka ni Eli. Mahuku ale waakhala woothowathowa waakhela mutthu mutthenga wa Yave, ni nyoonelotho sannahaleela.

1 Samuweli 7:9

Samuweli aamukuxa mwaaputtiputthi aamwa, anamveleela mpurukuma ntoko yooveleela yoohisa wa Yave. Owo aamudyoonttelela Yave mwaha wa aYixrayeli ni Yave aamwaakhula.

1 Samuweli 8:3

Wa soothesene, anamwanaawe khayaattharinghe ephiro ya Samuweli. Awosa yaatholela nihootthanaya; yaakhulelaka makhwankwa ni evaanyaka ekhaikhai.

1 Samuweli 9:12

Awo yaahaakhula: “Aani. Ori muhoolo mmo. Mwaakuveke – ophiyale olelo va musidadenimwahu, niwoko amaki anrowa opaka yooveleela vanttumuxani.

1 Samuweli 9:13

Mwavolowaru musidade, munoomphwanya ahinaaye owela vanttumuxani weera ace. Amaki kheepacera oca owo ahinaaye ophiya, niwoko owo ontthuneya oreeliha yooveleela. Vahoolowaya ancaaya oolattuliwa. Murowe vaanaanova, munoomphwanya ahinaaye.”