1 Samuweli 2:25 - Emakhuwa Bible

²⁵ Mukina amutthekela mukhwaawe, enoowereya weera Yave onoomukhavihera, mene mulopwana amutthekela Yave, taani anaamukhavihere?” Wa soothesene, anamwanaawe khayiiwelela ohiiha wa atithaya, niwoko Muluku aatthuna owiiva.

1 Samuweli 2:25 Iomraidhean Croise

Epacerero 38:10

Mukhaleloweene yoole khawaamusivenle Yave, tivawo aamwiivalaawetho.

Epacerero 38:7

Wa soothesene, Yave khawaamusivenle mweettelo wooriheya wa Eri, ntthaara na Yuda, tivawo aamwiivalaawe.

1 Mamwene 8:31

Mulopwana amutthekela mukhwaawe, anamunyesereriha olipela, anaphiya ohoolo wa altaaraanyu* Mpaanimwanyumu,

1 Mamwene 8:32

vano mwiiwe wiirimu ni mwaakhuleke. Muthanleke variyari wa arumeiyaanyu, munthorihaka yoowo orino nthowa munttaruxelaka yoonanara opankaawe. Mumpakele ekhaikhai yoowo oohinthowa, mooniheraka hiiho weera khanono mulattu.

2 Nyaha 10:15

Hiiho, mwene khaakhulenle muloko, niwoko sookhumelela iyo saarweela wa Muluku, weera ekwanihereiye masu aamuulumenlaawe Yave Yerobowami, mwaana mulopwana a Nebate mwa muXiloni Ahiya.

2 Nyaha 25:16

Vano owo uulumaka hiihaale, mwene aamukwituleliha: “Weeraka hiyo nohoothanlani okhala namalaka a mwene? Mmaale! Mmwiiveliweni?” Mprofeeti aamaala, mene aaheera: “Koosuwela weera Muluku oolakela ophwatiwawanyu, niwoko nyuwo moopaka sootheene iyo muhiiwelelaka olakawaka.”

Yobi 9:33

Aari mukina paahi weera anilakelele, ni aniikaathere matata hiyo ooweeli,

Icipo 51:16

Mwaatthuna sooveleela hoye hoye sooveleela soohisa, saano kooruuhenleeneni.

Icipo 51:4

Kohootthekelani Nyuwo paahi, kipakaka yeeyo eri yoonanara vamaithoniwanyu moota wooweera nthorihelonanyu ti na ekhaikhai ni moophwanela okittaruxa.

Masu a Miruku 13:1

Mwaana musuweli oniiwelela mahusiho a tiithi, vaheera namatthebwa khaniiwa ohiihiwa.

Masu a Miruku 15:10

Wookhala olakiwa woolipaxa wa yoowo onghiya ephiro ya ekhaikhai; yoowo ohinoonelamo ohiihiwa onimookhwa.

Masu a Miruku 29:1

Yoowo onnyeserera mootapanyani ahiihaxiweene, onoophwatiwa woohileeliwa ni woohimurette.

Namalaleiya 3:3

ehuhu ya wiiva ni ehuhu ya olamiha, ehuhu ya ophwata ni ehuhu ya orasela,

Nuumeru 15:30

Vaheera yoowo onttheka mwayiini akhalaka neethi, hata namarwa onkhala ni nyuwo, onimuruwana Yave, ni amalamalihiweke eriyari ya mulokwaawe.

Deuteronomiyo 1:17

Muhithorihe ni nthalu, mene mmwaakhulele okhuma mutokweene mpaka mukhaani. Muhimoove akhalaru mutthu, niwoko othoriha ti wa Muluku. Yakhala makacamiho oowoorikaxani, mukiruuhele. Kinooreherera.”

Deuteronomiyo 2:30

Wa soothesene, Sihoni, mwene a oHexeboni, aakhootta oniviriha. Yave Mulukwaanyu aamuttiihamaaru amuumihaka murimaawe weera amwinnyerere mmatatanimwanyu ntoko onooneyaaya olelo.

1 Timootheyo 2:5

Vano, ookhala Muluku mmoharu ni ookhala Mmoharu paahi eriyari ya Muluku ni atthu: Mulopwana Kristu Yeesu,

aHeberi 10:26

Napwaherera ottheka mwayiini vahoolo woowaakhela esuwelo ya ekhaikhai, kheenghala yooveleela ekina wa yoottheka.

aHeberi 10:27

Onihalenle paahi oweherera nthorihelo noowoopihaxa na Muluku, ni mooro ovarelaka oniwaahise amwiittana a Muluku.

aHeberi 7:25

Tivawo, Owo ongweraawe waavuluxa nnenesene yaawo ammwaattamela Muluku mwa Yoowo, niwoko Owo onkhala mahuku ootheene weera aavekeleleke yaawo.

Yoxuwa 11:20

Vano, aari Yave muneenaawe uumihale mirimasaya weera yaawaneno aYixrayeli. Aapaka yeeyo weera aaphwate woomalela, awiivaka woohaamorela ikharari, ntoko Yave aamulamulenlaawe Moisesi.

1 Samuweli 3:14

Tivawo kilipelenlaaka emusi ya Eli: ‘Khanileveleliwaru nthowa na emusi ya Eli mwa sooveleela hoye hoye soovaha.’”