1 Samuweli 18:8 - Emakhuwa Bible

⁸ Sawuli aanyoonyiwa niwoko na ecipo ele ni atoxengyeene aahuupuwela: “Awosa aneera weera Davide oowiiva atthu oopwaha yaale kiwiivalaaka. Owo onghaleela omvara omwene!”

1 Samuweli 18:8 Iomraidhean Croise

Epacerero 37:11

Hiiho, axunneiye yaamukhalela ehace. Vanonto atithawe yeera yuupuwelelaka yeeyo mmurimanimwaya.

Epacerero 37:8

Axunneiye yaaheera: “Weeraka weyo onookhala mwenaahu? Onghima weera weyo onrowa onilamula?” Vano yaatepaxa omuthanya mwaha wa olohawawe, ni yeeyo aahimmaawe.

1 Mamwene 2:22

Salomoni aahaakoha amayawe: “Munimvekelela heeni paahi Abixagi, muXunami ntoko mwaarawe Adoniya? Onoolikana okivekela omvaha omwene. Muupuwelele weera ori munnaka mutokweene. Aani onoolikana okivekela omvaha omwene yoowo, Abiyatari musaserdoti* ni Yowabe, mwaana mulopwana a Zeruha!”

Exteri 3:5

Hamani oonaka weera Mordekai khuurama hata khaakokhora, aanyoonyaxiwa.

Masu a Miruku 13:10

Wiixoona ongyara minyakunyaku, vaheera miruku siri ni yaale aniiwa olakiwa.

Masu a Miruku 27:4

Onyoonyiwa ti woowuuma murima, ni isara ti soophwata, vaheera taani ongwera ovilela nrima?

Namalaleiya 4:4

Kohoonelela weera muteko wootheene ni simpakiwa sootheene sa mutthu siri niwoko na omukhalela nrima mwaattamanaawe. Mene eyotho kheentaphulelaru etthu, ti woomola epheyo paahi.

Nuumeru 11:1

Waaheereya weera muloko waapacera wiikhupanyera niwoko na sookacamihasaya, emuleelaka Yave. Owo awiiwakaru, isarasawe saapatta ni mooro wa mpatta wa Yave waahaahisa eriyaraaya onalaliha mukhwipi mukina wa waakonelingwe.

Nuumeru 22:34

Biliyami aamweerela ndyelo a Yave: “Koottheka. Nkaasuwenle weera mwaaheemela mphironi mutthunaka okihiiha opwaherera. Vano yeeyo kimpakaaka yaahoosivelihakani, miyo kinoohokolowa.”

Yakobe 4:5

Apaale munuupuwela weera Yoolempwa* enghima vasiiyo weera Munepa Muluku okhalihalaawe mwa hiyo ontthunaxa weera hiyo nikhale wa Yoowo paahi?

1 Samuweli 13:14

Vaheera, vano omwenaanyu khoorwa opwaherera. Yave oomuthanla mulopwana oomusiveliha, anamukhaliha muhooleli a mulokwaawe, niwoko nyuwo khamwiiwelenle Nlamulo na Yave.”

1 Samuweli 15:28

Samuweli aamweerela: “Yave oowaahulani nyuwo omwene wa aYixrayeli olelo ni oomwinnyerera ooreerela woopwahani nyuwo.

1 Samuweli 16:13

Vano Samuweli aakuxa nnyaka noosareya makhura, anamuttikitthela vamaithoni wa axunneiye ni okhuma nihuku nenenenne Munepa wa Yave waamurweela Davide mukuruni. Vahoolowaya Samuweli aahokoleela oRama.

1 Samuweli 18:9

Vano okhuma ehuhuweene yeele Sawuli annamukhalela nrima Davide.

1 Samuweli 19:1

Sawuli aahuuluma ni mwaniye Yonatani ni arumeiyaawe ootheene eerelaka omwiiva Davide. Mene Yonatani annamusivela Davide,

1 Samuweli 20:31

Vano mwaana a Yixai akhalaka ni okumi, okhuma weyo mpaka omwenaawo khootekiheya. Olamule wiitthaniwa okiruuhele, niwoko owo ontthuneya okhwa!”