1 Samuweli 18:1 - Emakhuwa Bible

¹ Davide amalihakaru wuuluma ni Sawuli, Yonatani ni Davide yaathatuwa asinthamwene xaxaxa. Yonatani aamusivela Davide ntoko aasivelaawe okumaawe.

1 Samuweli 18:1 Iomraidhean Croise

Epacerero 44:30

Tivawo, nahokoleela wa murumeiyaanyu, atithihu, nihimurowanne munnihu, yanoonaru atithihu, ehireere osiveliwa ni yoowo,

2 Samuweli 1:26

Moota kinoothananelaaka munnaka, Yonatani! Moota kootthunaxaaka! Okisivelawawo waari wooreeraxa opwaha osivela wa asithiyana.

1 Nyaha 12:17

Davide aarowa waakumanano, anaweerelasa: “Mwaarwaasiyeene mmuretteleni, weera mukikhavihere, kiri oolikaneene owaakhelani. Vaheera mwatthuna okilokottha ni okinnyerera mmatatani mwa amwiittanaaka, matataaka ehivanreeneru ya nipuhero, Muluku a makholowaahu, oone yeeyo ni oothorihaseni.”

Icipo 86:11

Ii! Yave, mukixuttihe iphirosanyu weera keette mweekhaikhaiyinimwaanyu; mukivahe murima woororomeleyaxa weera koove Nsinananyu.

Masu a Miruku 18:24

Yoowo orino asinthamwene ancipale enoowereya omalela woophwatiwani, vaheera ookhalatho nthamwene a vamurimani waapwaha axunna.

Deuteronomiyo 13:6

Hata munninyu, mwaninyu mulopwana hoye hoye muthiyana, mwaarinyu munimusivelaanyu naari nthamwenaanyu xaxaxa ootannyani muxiirini eeraka: “Nrowe nilape miluku sikina” – miluku hata nyuwo naari makholowaanyu yahaasuwenlaaya –

aKolosi 2:2

Kimvara muteko weera ekhale oolipihiweene mirimasaya, ni ekhale vamoha moosivelani ni ewere mihakhu sootheene ni esuwelo yootheene weera esuwele nnenesene ntikhinelo na Muluku, eyo tiiyo Kristu.

Ahooleli 20:11

Hiiho aYixrayeli ootheene yaathukumana ni murima mmoha weera yaawaneno aGibeya.

1 Samuweli 14:45

Vanonto, asilopwana yaamweerela Sawuli: “Yonatani yoola aatapunxe aYixrayeli akhweeke? Eheereye! Ninlipela mwa Nsina na Yave weera ahikhwe, niwoko yeeyo opankaawe olelo yeereiye ni ekhavihero ya Muluku.” Hiiho asilopwana yaamoopola Yonatani ni owo khiiviwe.

1 Samuweli 18:3

Vano Yonatani aahiiwanano opaka onthamwene ni Davide niwoko aamusivela ntoko aasivenlaawe okumaawe.

1 Samuweli 19:1

Sawuli aahuuluma ni mwaniye Yonatani ni arumeiyaawe ootheene eerelaka omwiiva Davide. Mene Yonatani annamusivela Davide,

1 Samuweli 19:2

anamoopereraxa: “Atithaka Sawuli anaasaasa owiivani. Omaalo oxeexelo mwiipasoope. Murowe mwiipithe ni mwakhalewo.

1 Samuweli 20:17

Yonatani aamunyesereriha Davide ophitela nlipelonawe niwoko noomusivela, eenre akhala nthamwenaawe a vamurimani.

1 Samuweli 20:8

Wa nyuwo, mmoonihere murima wooreera murumeiyaanyu niwoko nohiiraana vamaithoni wa Yave. Miyo kaarino nthowa, vano mukiive nyeenyuweene. Khoontthuneya okirongha wa atithinyu.”

1 Samuweli 22:8

Ootheene nyuwo mookivaanelela. Khawowo okithalihenre mwanaka iiwananaka ni mwaana mulopwana a Yixai. Khaawo a nyuwo onkitthukuruwela hata onkithalihera weera mwanaka oomuntannyera murumeiyaaka weera akiipithele, ntoko oneeraawe mpaka olelo.”

1 Samuweli 23:18

Ooweeli yaahiiraana vamaithoni wa Yave. Vahoolowaya Yonatani aarowa owaani, vaheera Davide aahala oHorexi.