1 Samuweli 17:36 - Emakhuwa Bible

³⁶ Murumeiyaanyu aamwiiva mwatto ni ursu*. muFilisti oohiineliwa ole anaakhale ntoko mmoha a yaawosa, niwoko ohaaderera anakhotto a Muluku mukumi.

1 Samuweli 17:36 Iomraidhean Croise

2 Nyaha 32:17

Senakeribi aalepatho ekaratta amuruwanaka Yave, Muluku a oYixrayeli ni mpikisaano ola: “Mooteene yoowo miluku sa miloko sa ilapo sikina sihitapunxaaya milokosaya mmatatanimwaka, Muluku a Hezekiya khatapuxatho mulokwaawe mmatatanimwaka.”

Yesaya 10:15

Weeraka epaso enimulamulela yoole omvarela muteko hata seroti oniingyeviha yoole onimuramaramiha? Waamukhala ntoko ekopo emuramaramihaka ovarenle hata ttootto simweemexaka seiyo sihikhanle etthaabwa.

Yesaya 36:15

Muhimuhiye Hizekiya ooviriyelakani weera munroromele Yave, owo aweerelakani: ‘Vekhaikhai Yave onoonopola hiyo; esidade ela kheerwa evahereriwa mmatatani mwa mwene a wAsiriya.’

Yesaya 36:18

Muhimwiiwelele Hizekiya, niwoko onimoolokotthani aweerelakani: ‘Yave onoonitapuxa.’ Khawoworu muluku mukina wa wakhalaru muloko mukina owenre woopola elapwaaya mwa ntata na mwene a wAsiriya.

Ezekiyeli 28:10

Okhwawanyu onuukhale ntoko wa oohiineliwa mmatatani mwa anamarwa. Miyo kohuuluma, onghima Yave onlamula sootheene.’ ”

Ezekiyeli 32:19

Mweerele muloko: ‘Weeraka ti nyuwo mphwanenle opwatthiwa opwaha miloko sikina? Mukhuruwe ni mwiixaatalele vamoha ni oohiineliwa.’

Daniyeli 5:23

Ohiyanawaya mohiivuwiha ompwaha Yave a wiirimu. Moolamula weera ikoomixi sa Mpaani mwa Yave muruuheliwe nyuwo, maneethaanyu, axaarinyu ni ikuxosanyu weera ngwurere. Moottottopela miluku sa eparatha*, eyuuma yoorikaxa, ebronze*, eyuuma, nyiri ni maluku mwa seiyo sihingwera woona, wiiwa naari wiiwexexa. Vaheera khamunttittiminghe Muluku mwa Yooworu onlakela okumaanyu ni iphirosanyu sootheene.

Zakariya 12:3

Vanihukuni nenenenno, miloko sootheene sa elapo ya vathi sithukumanneene weera siwaneno oYerusaleemu, Miyo kinootatuxa oYerusaleemu mwala woolemela wa miloko sootheene. Sootheene sineera seerere weemexa, sinoovulalaxa.

Zakariya 2:8

Vano Yave a ikuru sootheene oneera ha: “Owo okirumihenle ohokoloxera ovuwawawe variyari wa miloko soohuhunleni, niwoko ootheene aneera ootannyeni onimweera wiitutha.

1 Samuweli 14:6

Yonatani aamweerela mmiravowaawe aamukuxera kapwitthi: “Nirowe vanipuroni na anakhottweene yaawo oohiineliwa. Yave wookhala woonikhaviheraka, niwoko Yave ongwera ovuluxa aavarelaka muteko hata anakhotto vakhaani hoye hoye ancipale.”

1 Samuweli 17:10

muFilisti aapwaherera: “Olelo kinimwaaderera anakhotto a aYixrayeli. Mukirumihele mulopwana weera kingwanane.”

1 Samuweli 17:26

Davide aahaakoha asilopwana aattamannaaweno: “Ntthuvelo heeni aneeraawe aakhele mulopwana yoowo anaamwiive muFilisti owo, aakihaka ottittimiheya wa aYixrayeli? muFulisti heeni yoowo oohiineliwa onaadeerera anakhotto a Muluku mukumi?”

1 Samuweli 17:35

miyo kinnamuttharelela, kimmanaka ni kimwaakhaka ekhondoolo mmwaanomwawe. Mwaamunama owo akirukunuwela, kinoomvara ittwattwara, kimmanaka mpaka okhwa.

1 Samuweli 17:37

Yave, mwa Yoowo okitapunxe mmankharuni a mwatto ni ursu* onookivuluxa mmatatani mwa muFilisti ole.” Sawuli aamweerela Davide: “Orowe. Yave akhaleke ni weyo.”

1 Samuweli 18:17

Sawuli aamweerela Davide: “Ori va mwanaka muthiyana a ntthaara, Merabi. Kinimoovaha weera omuthele, keerelaka weera okirumeeleke paahi ntoko nakhotto oolipa murima ohoolelaka ikhotto sa Yave.” Vanonto, Sawuli mmurimanimwawe uupuwela: “Kihimwiive; aFilisti emwiiveke!”

1 Samuweli 31:4

Sawuli aamweerela mmiravo aamukuxera kapwitthi: “Ohulule ekatanaawo ni okiiveno weera kihuuliwe muru kikhwelaka mmatatani mwa oohiineliwa ale.” Wa soothesene, mmiravo aamukuxera kapwitthi aahookhwa maririmela ahitthunaka opaka. Vano Sawuli aakuxa ekatanaawe, aniihomana.