1 Samuweli 17:26 - Emakhuwa Bible

²⁶ Davide aahaakoha asilopwana aattamannaaweno: “Ntthuvelo heeni aneeraawe aakhele mulopwana yoowo anaamwiive muFilisti owo, aakihaka ottittimiheya wa aYixrayeli? muFulisti heeni yoowo oohiineliwa onaadeerera anakhotto a Muluku mukumi?”

1 Samuweli 17:26 Iomraidhean Croise

2 Mamwene 19:4

Enoowereya weera Yave Mulukwaanyu ohiiwa masu ootheene a mutokweene a anamalaka, mwa yoowo pwiiyaawe, mwene a wAsiriya, aamurumihalaawe omutheya Muluku Mukumi. Yave Mulukwaanyu amuttaruxe niwoko na masu ale. Tivawo, munidyoonttelelele Muluku hiyo nihanle ni okumi.”

2 Nyaha 32:17

Senakeribi aalepatho ekaratta amuruwanaka Yave, Muluku a oYixrayeli ni mpikisaano ola: “Mooteene yoowo miluku sa miloko sa ilapo sikina sihitapunxaaya milokosaya mmatatanimwaka, Muluku a Hezekiya khatapuxatho mulokwaawe mmatatanimwaka.”

Nehemiya 5:9

Kaapwaherera: “Yeeyo mumpakaanyu kheereenre. Nyuwo mweettaseke mmoovaka Mulukwaahu weera nihipuheriwe ni amalapo ari amwiittanaahu.

Icipo 44:13

Mooniyeviha vamaithoni wa aximwaattamanaahu; nootthebwiwa ni nootheiwa ni yaale ari mukhwipimwahu.

Icipo 74:18

Ii! Yave, muupuwelele moota amwiittana yootheiyaayani ni moota alolo atthembwaaya Nsinananyu.

Icipo 79:12

Mwaahokoloxere ikukuttula aximwaattamanaahu moota wootepaxa wa sooveiha yoopakenlaayani Yave.

Yesaya 37:23

Munruwanne taani? Mumveihale taani? Mwaamukhuwelenle taani, mungwehexexaka ngwiixoonani? Ti Ootteela a oYixrayeli!

Yeremiya 10:10

Vaheera Yave ti Muluku a ekhaikhai; Owo ti Muluku Mukumi, Mwene Oohimala. Owo aanyoonyiwaka, elapo enootetereya; miloko khasingwera ovilela isarasawe.

Yeremiya 9:25

“Anoophiyera mahuku,” onghima Yave, “Kineeraaka kaattaruxe ootheene yaawo yiineliwe mweerutthuni paahi –

Yeremiya 9:26

awExipitu, aYuda, awEdomi, awAmoni, aMowabe ni ootheene ankhala munikareni na ottaiwene. Vano milokosene seiyo sootheene siri soohiineliwa ni mpakatho ekhapira yootheene ya oYixrayeli ti yoohiineliwa mmurimanimwaya.”

Ezekiyeli 28:10

Okhwawanyu onuukhale ntoko wa oohiineliwa mmatatani mwa anamarwa. Miyo kohuuluma, onghima Yave onlamula sootheene.’ ”

Daniyeli 5:23

Ohiyanawaya mohiivuwiha ompwaha Yave a wiirimu. Moolamula weera ikoomixi sa Mpaani mwa Yave muruuheliwe nyuwo, maneethaanyu, axaarinyu ni ikuxosanyu weera ngwurere. Moottottopela miluku sa eparatha*, eyuuma yoorikaxa, ebronze*, eyuuma, nyiri ni maluku mwa seiyo sihingwera woona, wiiwa naari wiiwexexa. Vaheera khamunttittiminghe Muluku mwa Yooworu onlakela okumaanyu ni iphirosanyu sootheene.

Daniyeli 6:27

Owo onnoopola ni onnivuluxa; Owo ompaka sootikhiniha ni ineneero wiirmu ni vathi. Owo oomoopola Daniyeli mwa ikuru sa amwatto.”

Daniyeli 9:16

Ii! Yave, muhapuxe isarasanyu ni onyoonyeriwawanyu oYerusaleemu, esidadaanyu, mwaakwaanyu wootteela, muttharaka soopakasanyu sootheene sa ekhaikhai. Sootthekasahu ni miteko sootakhala sa makholowaahu sootannyera otthebwiwa wa oYerusaleemu ni mulokwaanyu wootheene ni ootheene anirukureenre.

Yoweli 2:19

Yave onaakhula: “Kinimooruuhelani etrigu, eviinyu enyowani ni makhura mancipale mpaka sineeraaya sookwaneeni. Nkirwatho kitthunihera weera miloko sikina sootthebweeni.

Deuteronomiyo 5:26

Vekhaikhai khawowo mutthu mweelaponi otonke wiiwa nsu na Muluku Mukumi nikhumaka mmooroni, ntoko hiyo niiwalaahu, anapwaherera ni okumi.

1 aTesalonika 1:9

Atthweene yaawo anthaliha moota nyuwo mwaanaakhenlaanyu, ni moota muhokoleenlaanyu wa Muluku, muhiyaka miluku sikina weera munrumeele Muluku mukumi ni a ekhaikhai,

Yoxuwa 3:10

Moota ola munoosuwela weera Muluku mukumi ori variyariwanyu ni weera vekhaikhai onoowoomola ohoolowanyu aKanaani, aHiti, aHivi, aPerizi, aGiregaxini, awAmori ni aYebusi.

1 Yohaane 5:20

Noosuwelatho weera Mwaana a Muluku aahoowa ni oonivaha wiiwexexa weera nimusuwele Yoowo ori Ekhaikhai. Ni hiyo ninkhala mwa Yoole ori Ekhaikhai, mwa Mwanawe Yeesu Kristu. Owo ti Muluku a ekhaikhai ni okumi woohimala.

1 Samuweli 11:2

Vaheera Nataxi, ngwAmoni, aawaakhula: “Kazoola niitho na moono mulopwana na khula mutthu a nyuwo, kinoowiiraananani. Hiiho kineeraaka kiwuulihihe muru aYixrayeli ootheene.”

1 Samuweli 14:6

Yonatani aamweerela mmiravowaawe aamukuxera kapwitthi: “Nirowe vanipuroni na anakhottweene yaawo oohiineliwa. Yave wookhala woonikhaviheraka, niwoko Yave ongwera ovuluxa aavarelaka muteko hata anakhotto vakhaani hoye hoye ancipale.”

1 Samuweli 17:10

muFilisti aapwaherera: “Olelo kinimwaaderera anakhotto a aYixrayeli. Mukirumihele mulopwana weera kingwanane.”

1 Samuweli 17:30

Vahoolowaya aamurukunuwela mulopwana mukina, anamukoha mooteene yoowo. Ni mulopwana owo aamwaakhula ntoko woopacera.

1 Samuweli 17:36

Murumeiyaanyu aamwiiva mwatto ni ursu*. muFilisti oohiineliwa ole anaakhale ntoko mmoha a yaawosa, niwoko ohaaderera anakhotto a Muluku mukumi.

1 Samuweli 31:4

Sawuli aamweerela mmiravo aamukuxera kapwitthi: “Ohulule ekatanaawo ni okiiveno weera kihuuliwe muru kikhwelaka mmatatani mwa oohiineliwa ale.” Wa soothesene, mmiravo aamukuxera kapwitthi aahookhwa maririmela ahitthunaka opaka. Vano Sawuli aakuxa ekatanaawe, aniihomana.